كتبت: منى عوض

يبدو أن شركة نوكيا الفنلندية قررت أنها تسجل عودة قوية لعالم الهواتف المحمولة وده كان من خلال الإعلان عن عدد من الهواتف المحمولة العصرية اللي بتتمتع بمواصفات مميزة وتصميم متقن من أفضل وأقوى الخامات.

في المقال ده هنتعرف أكتر على موبايل نوكيا 3 وعلى مواصفاته ومميزاته وعيوبه، ولو عجبك تقدر تطلبه من خلال ياقوطة وهيوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

تقييم موبايل Nokia 3

• هنلاقي ميكروفون إجراء المكالمات موجود في الجهة الأمامية من الهاتف فوق الشاشة، وعلى يمينه الكاميرا الأمامية، أما مستشعر القرب ولمبة الإشعارات LED على جهة الشمال.
• الجهة اليمنى للموبايل فيها زرار الباور وزرارين التحكم فى مستوى الصوت.
• الجهة اليسرى للموبايل فيها منفذ شريحتي الاتصال اللي من الممكن استخدامها لوضع شريحتي اتصال أو شريحة اتصال وكارت ميموري خارجي.
• الجهة العليا للموبايل بتحتوي على مدخل سماعة الرأس ٣٫٥ ملليمتر.
• الجهة السلفية للموبايل فيها منفذ الـ USB والسماعات الخارجية الأساسية والمايكروفون.
• الجهة الخلفية للموبايل بتحتوي على الكاميرا الخلفية وتحتها فلاش LED، أما شعار نوكيا فموجود في منتصف السطح الخلفي للموبايل.
• يبدو أن شركة نوكيا مقدرتش تستغل أبعاد هيكل الموبايل بشكل جيد (الأبعاد بتبلغ ١٤٣٫٤×٧١٫٤×٨٫٤٨ ملليمتر) في الإصدار ده من الموبايلات ده لأن الشاشة مش واخدة غير مساحة ٦٧٪ تقريبًا من الجهة الأمامية وفيه مساحة كبيرة فاضية في باقي واجهة الموبايل.

التصميم

المزايا

• هيكل الموبايل مصنوع من البوليكربونات في حين أن الإطار مصنوع من الألومنيوم المُجهز بدقة لحمايته من التعرض للصدمات والخدوش.
• أبعاد الموبايل: الارتفاع ١٤٣٫٤ ملليمتر والعرض ٧١٫٤ ملليمتر والسمك ٨٫٤٨ ملليمتر.
• مزود بلمبة إشعارات LED.
• مزود بميكروفون إضافي مانع للضجيج.

العيوب

• مش بيدعم بصمة الأصبع.

تجربة المستخدم

• تصميم الموبايل كلاسيكي‏ وبيتمتع بتفاصيل انسيابية لضمان أفضل أداء للاستخدام اليومي‏، ده غير أنه بيتمتع بحواف منحنية لضمان مشاهدة أفضل على الشاشة وحماية أكبر، ومن السهل لأي مستخدم أنه يمسكه بأيد واحدة بس من غير ما يواجه أي مشكلة في كونه بيستخدم الموبايل لفترات طويلة.

الشاشة

المزايا

• شاشة الموبايل LCD IPS بحجم ٥ بوصة ودقة وضوح ١٢٨٠×٧٢٠ بكسل وكثافة بكسلات ٢٩٤ بكسل.
• بتيجي بدقة HD.
• مزودة بطبقة حماية إضافية ضد الخدش والكسر Corning Gorilla Glass.
• بتدعم ١٦ مليون لون.
• بتدعم اللمس المتعدد.

العيوب

• شاشة الهاتف مش مزودة بدقة الـ Full HD.
• كثافة بكسلات الشاشة بتُعتبر ضعيفة إلى حد ما بالمقارنة بالمنافسين.
• حجم الشاشة مش كبير.

تجربة المستخدم

• على الرغم من أن دقة الشاشة قليلة وممكن ملاحظة ده عند تكبير صورة ما أو تشغيل ألعاب بدقة إلا أنها قدمت أداء كويس.
• حجم الشاشة بيعتبر مقبول إلى حد ما بالنسبة لمحبي مشاهدة الأفلام والألعاب بدقه عاليه.
• حماية شاشه الموبايل بطبقة حماية زجاجية إضافية Corning Gorilla glass 3 بيُعتبر أمر ممميز وده لأنها بتحمي الشاشة بشكل فعال من التعرض لأي كسر أو حتى خدش.
• زوايا رؤية الهاتف بتعتبر مميزة وده علي الرغم من أنها مش مزودة بدقة الـ FULL HD.
• تباين ألوان الشاشة كويس لكن اللون الأبيض مايل للون الأزرق إلى حد ما.

الأداء

المزايا

• الجهاز بيشتغل بنظام تشغيل نوجا “Nougat 7.0” وهو نظام الأندرويد الأحدث على الإطلاق حتى الآن.
• مزود ببروسيسور من نوع MediaTek MT6737 بتردد رباعي النواة ١٫٤ جيجاهرتز Cortex-A53 ومعالج رسومي من نوع Mali-T720MP2، ورامات ٢ جيجابايت.
• سعة الميموري الداخلي ١٦ جيجابايت، وممكن تضيف ميموري خارجي سعتها ١٢٨ جيجابايت.
• بيدعم تقنية الـ OTG اللي بتقدر تشغلك فلاش ميموري على الموبايل.
• بيدعم تقنية الـ NFC اللي بتساعد في تبادل البيانات في نطاق ضيق جدا.
• بيدعم مقياس التسارع والجيروسكوب ومُستشعر التقارب والبوصلة.
• بيدعم نظام تحديد المواقع GPS وGPRS.
• بيدعم وجود راديو FM.
• بيدعم البلوتوث من إصدار 4.1 مع A2DP، وLE.
• بيدعم تقنية الصوت Dolby Atmos اللي بتوفر تأثيرات صوتية أفضل.
• بيدعم استخدام شريحتين اتصال من نوع SIM Nano اللي بتدعم تقنية الاتصال للجيل الثاني والثالث والرابع.

العيوب

• سمك الموبايل كبير نسبيًا.
• تصميم الموبايل مش مقاوم للماء والغبار.
• الذاكرة العشوائية للهاتف ضعيفة.
• المساحة التخزينية الداخلية مش كبيرة بما فيه الكفاية.
• مش بيدعم وصلة HDMI.
• مش بيدعم الـ Java.

تجربة المستخدم

• الموبايل سجل أداء متوسط وسلس في تصفح شبكة الإنترنت واستخدام التطبيقات الثقيلة لكن مش هتقدر تستخدمه بشكل كثيف أو في الألعاب التقيلة لأن المعالج بطبيعته من الفئه الاقتصاديه.
• فكرة أن الذاكرة الداخلية للموبايل مساحتها ١٦ جيجابايت بس بتسبب مشكلة ده لأنها بتتملي بسرعة وبالتالي بتخلي أداء الموبايل بطيء إلى حد ما بس ممكن التغلب علي العقبة دي من خلال إضافة كارت ميموري خارجي سعته ممكن توصل لحد ١٢٨ جيجابايت.
• الموبايل بيشتغل بنسخة غير مُعدلة من نظام أندرويد نوجا 7.0، يعني المستخدم هيتمتع بواجهة بسيطة ومش هيلاقي أي تطبيقات مثبتة مسبقاً على الموبايل باستثناء تطبيقات جوجل، ده غير أنه هيضمن تحديثات أمنية وتحديثات لنظام التشغيل بشكل أسرع بالمقارنة بالهواتف الذكية التانية اللي بتشتغل بنظام أندرويد.

الكاميرا

المزايا

• الكاميرا الخلفية للموبايل دقتها ٨ ميجابكسل بفتحة عدسة F/2.0 ومزودة بفلاش LED وضبط تلقائي للصورة.
• الكاميرا الأمامية للموبايل بتيجي بدقة ٨ ميجابكسل ومزودة بفتحة عدسة F/2.0 وضبط تلقائي للصورة.
• الموبايل بيدعم تصوير مقاطع الفيديو بدقة ١٠٨٠ بكسل و٣٠ لقطة في الثانية.
• بتتميز بوضع العلامات الجغرافية والتركيز على اتصال وكشف الوجه، بالإضافة لتقنية التصوير بالمدى الديناميكي العالي “HDR”.
• من الممكن حفظ ومشاركة كل الصور بتاعتك بسهولة باستخدام تطبيق Google Photos.

العيوب

• الكاميرا الأمامية مفيهاش فلاش.

تجربة المستخدم

• بتُعتبر كاميرا موبايل نوكيا 3 مُحبطة إلى حد ما بالنسبة لبعض المستخدمين وده لأن جودة التصوير بتكون كويسة فى الإضاءة العالية، أما فى الإضاءة الضعيفة هتلاقي بعض التشويش في الصور، وده على الرغم من أن دقتها ٨ ميجابكسل.
• على الرغم من أن الكاميرا الأمامية للموبايل دقتها ٨ ميجابكسل إلا أن ألوان الصور اللي بيتم التقاطها بيها مش الأفضل وبتعتبر ضعيفة جداً.

البطارية

المزايا

• بطارية ليثيوم أيون بسعة ٢٦٣٠ مللي أمبير.
• البطارية بتدوم لحوالي ٢٤ ساعة في المتوسط.

العيوب

• مفيش قابلية أنك تشيل البطارية أو تغيرها.
• مش بتدعم تقنية الشحن السريع.

تجربة المستخدم

• بطارية الموبايل بتكفي لغاية ٥٣ ساعة تقريبا فى وضع الإستعداد، وأكتر من ١٣ ساعة في حالة تشغيل الإنترنت 3G ، و٧ ساعات في حالة تصفح شبكة الإنترنت، وأكتر من ٨ ساعات في حالة مشاهدة مقاطع فيديو وهو أداء غير مرضي بالنسبة لكتير من المستخدمين، اللي محبوش برضو فكرة أن البطارية مش بتدعم خاصية الشحن السريع.

شوف موبايل Nokia 3 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.comعلى فيسبوك.