كتبت: منى عوض

أعلنت شركة نوكيا الفنلندية مؤخرًا عن إصدارها لعدد من الهواتف المحمولة، وده كان في خطوة بتهدف من وراها أنها ترجع للسوق بقوة بعد ما اختفت لفترة طويلة، ومن ضمن الهواتف دي كان نوكيا 5 اللي بينتمي لفئة الهواتف متوسطة المواصفات والتكلفة.

هنتعرف أكتر على مواصفات ومميزات وعيوب موبايل نوكيا 5 من خلال المقال ده، ولو عجبك تقدر تطلبه من خلال ياقوطة وهيوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

تقييم موبايل نوكيا 5

• الجهة الأمامية من الموبايل فيها الشاشة – بتشكل ٦٩٪ من حجم الهاتف – وفوقها سماعة المكالمات والكاميرا الأمامية ولمبة الإشعارات LED، أما تحت الشاشة فهتلاقي مستشعر بصمة الإصبع.
• الجهة الخلفية بتحتوي على الكاميرا الخلفية وتحتها فلاش LED المزدوج بالإضافة إلى ميكروفون إضافي لإلغاء الضوضاء.
• الجهة اليمنى فيها زرار الباور وزرارين التحكم في مستوى الصوت.
• الجهة اليسرى فيها مكان مخصص لشريحتي الاتصال واللي من الممكن نستخدمها في وضع شريحتي اتصال أو شريحة اتصال وكارت ميموري خارجي.
• الجهة العليا للموبايل بتحتوي على مدخل سماعة الرأس ٣٫٥ ملليمتر.
• الجهة السلفية للموبايل هتلاقي فيها منفذ الـ USB 2.0 ومكبر للصوت وميكروفون.

التصميم

المزايا

• الموبايل نازل بتصميم معدني سلس من الألمونيوم لحمايته من التعرض للصدمات والخدوش.
• أبعاد الموبايل: الارتفاع 149.7 ملليمتر والعرض 72.5 ملليمتر والسمك 8.05 ملليمتر.
• مزود بلمبة إشعارات LED.
• مزود بميكروفون إضافي مانع للضجيج.
• بيدعم بصمة الإصبع.

العيوب

• لا يوجد.

تجربة المستخدم

• موبايل نوكيا 5 الجديد بيتمتع بتصميم جميل وعصري وحواف منحنية من معدن الألمونيوم تم صنعها بعناية فائقة عشان يتوفر للمستخدم متانة وسلاسة في الاستخدام وتلائم في اليد، ده غير إنه كمان بيتميز بخلفية نقية مفيهاش أي خطوط.
• الموبايل بيتمتع بوجود مستشعر لبصمة الأصابع مدمج في زرار الـ Home في الجهة الأمامية للموبايل.

الشاشة

المزايا

• الموبايل مزود بشاشة LCD IPS بمقاس 5.2 بوصة ودقة HD ودرجة وضوح دقتها 1280 × 720 بكسل وكثافة بكسلات 282 بكسل، وده بجانب طبقة الحماية الإضافية Corning Gorilla Glass.
• الشاشة بتدعم 16 مليون لون.
• الشاشة بتدعم اللمس المتعدد.

العيوب

• مش مزودة بدقة الـ Full HD.
• كثافة بكسلات الشاشة بتُعتبر ضعيفة إلى حد ما بالمقارنة بالمنافسين.

تجربة المستخدم

• الموبايل بيوفر للمستخدم شاشة مُضاءة بالكامل وبحجم مناسب عشان تقدر تستمتع بمشاهدة الصور بأعلى جودة وألوان طبيعية وسطوع متميز ده غير المستقطب اللي هيمنحك سهولة أكتر خلال عملية القراءة مهما كانت درجة سطوع الشاشة‏.‏
• دقة الشاشة قليلة وبيعيب على شركة نوكيا أن الشاشة مش مزودة بدقة الـ FULL HD.
• طبقة الحماية الزجاجية الإضافية Corning Gorilla glass  بتُعتبر مميزة جدا ده لأنها بتحمي الشاشة بفعالية قصوى من التعرض لأي كسر أو حتى خدش.

الأداء

المزايا

• الجهاز بيشتغل بنظام تشغيل الأندرويد الأحدث على الإطلاق حتى الآن نوجا “Nougat 7.1.1”.
• مدعوم بمعالج ثماني النواه من نوع Qualcomm Snapdragon MSM8937 430 بتردد 1.4 جيجاهرتز مع معالج رسومي من نوع Adreno 505، ورامات بحجم 2 جيجابايت.
• سعة الميموري الداخلي 16 جيجابايت، وممكن تضيف ميموري خارجي سعتها 256 جيجابايت.
• بيدعم تقنية الـ OTG اللي بتقدر تشغلك فلاش ميموري على الموبايل، وتقنية الـ NFC اللي بتساعد في تبادل البيانات في نطاق ضيق جدا، بجانب نظام تحديد المواقع GPRS، والبلوتوث من إصدار 4.1 مع A2DP، وLE.
• بيدعم مقياس التسارع والجيروسكوب ومُستشعر التقارب والبوصلة.
• بيدعم تشغيل راديو FM.
• شريحتين الاتصال SIM Nano بتدعم شبكات الجيل الثاني والثالث والرابع.

العيوب

• تصميم الموبايل مش مقاوم للماء والغبار.
• الذاكرة العشوائية للهاتف ضعيفة.
• المساحة التخزينية الداخلية مش كبيرة بما فيه الكفاية.
• مش بيدعم وصلة HDMI.
• مش بيدعم الـ Java.

تجربة المستخدم

• الموبايل بيشتغل بنسخة غير مُعدلة من نظام أندرويد نوجا 7.0، يعني المستخدم هيتمتع بواجهة بسيطة ومش هيلاقي أي تطبيقات مثبتة مسبقاً على الموبايل باستثناء تطبيقات جوجل، ده غير أنه هيضمن تحديثات أمنية وتحديثات لنظام التشغيل بشكل أسرع بالمقارنة بالهواتف الذكية التانية اللي بتشتغل بنظام أندرويد.
• الموبايل سجل أداء سريع وكويس في تصفح شبكة الإنترنت واستخدام التطبيقات الثقيلة والألعاب من غير ما الموبايل يهنج منك وده بفضل المعالج المضاف للجهاز والرامات الـ 2 جيجابايت.
• الذاكرة الداخلية للموبايل مساحتها مش كبيرة بما فيه الكفاية وبتتملي بسرعة وبالتالي بتتسبب في بطئ أداء الموبايل إلى حد ما بس ممكن تضيف كارت ميموري خارجي سعته 128 جيجابايت عشان تتخطى العقبة دي.

الكاميرا

المزايا

• الكاميرا الخلفية دقتها 13 ميجابكسل مع فلاش مزدوج LED وفتحة عدسة F/2.0 وحجم استشعار 1.12 ميكرون حجم بيكسل، بالإضافة إلى أنها بتدعم عملية الضبط التلقائي للصورة.
• الكاميرا الأمامية دقتها 8 ميجابكسل بفتحة عدسة F/2.0.
• الكاميرا بتدعم تصوير مقاطع فيديو بجودة 1080 بكسل و30 لقطة فى الثانية.
• بتتميز بوضع العلامات الجغرافية والتركيز على اتصال وكشف الوجه، بالإضافة لتقنية التصوير بالمدى الديناميكي العالي “HDR” والبانوراما.

العيوب

• الكاميرا الأمامية مفيهاش فلاش.

تجربة المستخدم

• دلوقتي هتقدر تصور صور بجودة أفضل بالليل وكمان هتقدر تاخد صور كويسة جدا حتى في حال ضعف الإضاءة وده بفضل قوة الكاميرا الخلفية اللي دقتها 13 ميجابكسل والفلاش المزدوج LED الموجود فيها.
• هتقدر كمان تاخد صور بزوايا واسعة وفيها عدد أشخاص أكتر بفضل عدسة الكاميرا الأمامية العريضة الزاوية اللي بدورها بتُعتبر كويسة ومُرضية إلى حد.

البطارية

المزايا

• بطارية ليثيوم أيون بسعة 3000 مللي أمبير.

العيوب

• مش هتقدر تشيل أو تغير البطارية.
• البطارية مش بتدعم خاصية الشحن السريع.

تجربة المستخدم

• أداء البطارية كويس إلى حد ما، ده لإنها صمدت لحد 75 ساعة فى وضع الإستعداد ولأكتر من 22 ساعة من إستخدام إتصال 3G وأكتر من 9 ساعات خلال تصفح الإنترنت وأكتر من 9 ساعات في حالة مشاهدة مقاطع فيديو.
• كتير من المستخدمين معجبهمش فكرة أن البطارية مش بتدعم خاصية الشحن السريع.

شوف موبايل نوكيا 5 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.