كتب: ميشيل رمسيس

لو كنت محتاج تليفزيون ومش عاوز سعره يكون غالي وفي نفس الوقت تكون إمكانياته مميزة من حجم شاشة وجودة صورة وصوت، وبيدعم تشغيل USB، وكمان سمارت، هتلاقي عند ياقوطة الخبر اليقين، هنعرض عليك مجموعة مختلفة ومتميزة جدًا من التليفزيونات اللي سعرها مقبول وإمكانياتها كتيرة وهتعرف برضه أفضل سعر ليها ولو عجبك منتج فيهم تقدر تطلبه ويوصلك لغاية عندك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

تليفزيون جروهي ٣٢ بوصة

المميزات

• دقة الشاشة ١٩٢٠×١٠٨٠ بكسل.
• نظام LED.
• وصلات كتيرة «مدخلين USB ووصلتين HDMI».
• ضمان محترم وتوافر قطع الغيار.
• تصميم وشكل جذاب.
• موجود معاه طقم سماعات بقوة ١٠ وات يعني هتستمتع بصوت مميز.

العيوب

• التقفيل الخارجي مش بالكفاءة المطلوبة.
• ما بيشغلش ملفات ترجمة بامتداد srt.
• صوته الخارجي مش بالقوة المطلوبة.
• للأسف مش بيدعم مدخل للإريال الخارجي.
• مش بييجي معاه حامل للحائط.

شوف تليفزيون جروهي ٣٢ بوصة.

تليفزيون سكاي لاين ٣٢ بوصة

المميزات

• صناعة كورية.
• يعمل بنظام LED.
• فيه تقنية Auto Volume.
• وصلات كتيرة «مدخل لسماعات الرأس، مدخلين USB ومدخلين HDMI».
• شاشة مصنوعة من مادة الكريستال.
• المكونات الداخلية للتلفزوين صناعة كورية.
• فيه تايمر ممكن تتحكم من خلاله في وقت فتح التلفزيون أو قفله.

العيوب

• دقة الشاشة ضعيفة شوية ١٣٦٦×٧٦٨.
• للأسف مش بيدعم مدخل للإريال الخارجي.
• صوت السماعات الخارجية مش بالقوة المطلوبة.

شوف تليفزيون سكاي لاين ٣٢ بوصة. 

تلفزيون ATA

المميزات

• يعمل بنظام LED.
• فيه مخرج AV.
• ٣٢ بوصة.
• سعره مناسب.
• فيه خاصية الضبط التلقائي لإضاءة الصورة.
• فيه مدخل USB.

العيوب

• دقة الشاشة ضعيفة ١٣٦٦×٧٦٨.
• وصلاته الخارجية قليلة «منفذ واحد USB ومنفذ واحد HDMI».
• للأسف مش بيدعم مدخل للإريال الخارجي.

شوف تليفزيون ATA ٣٢ بوصة.

تليفزيون بريفيكس ٣٢ بوصة

المميزات

• يعمل بنظام LED.
• وصلات كتيرة «مدخل لسماعات الرأس، مدخلين USB، مدخلين HDMI ،VGA ،PC Audio Input».
• بييجي معاه استاند حائط بخامة قوية.
• فروع الصيانة والضمان منتشرة.

العيوب

• دقة الشاشة ضعيفة ١٣٦٦×٧٦٨.
• الصوت الخارجي ضعيف شوية.

شوف تليفزيون بريفيكس ٣٢ بوصة.

تلفزيون يونيون إير ٣٢ بوصة (الأكثر مبيعًا)

المزايا

• ضمان ٣ سنين.
• يعمل بنظام LED.
• صوته الخارجي قوي.
• صورة مميزة.
• وصلات كتيرة «مدخل لسماعات الرأس، مدخلين USB ومدخلين AV1 وHDMI».
• شاشة التليفزيون رفيعة في الحجم.

العيوب

• التقفيل الخارجي للمنتج مش حلو قوي.
• تثبيت الحامل الخاص بيه مرهق.
• للأسف مش بيدعم مدخل للإريال الخارجي.
• مش بيتيح أدوات كتيرة للتحكم في دقة ووضح الألوان.
• استجابة التليفزيون عند خفض الصوت مش سريعة قوي.
• ريموت التليفزيون طويل زيادة عن اللزوم.

شوف تليفزيون يونيون إير ٣٢ بوصة.

تليفزيون جاك سمارت ٣٢ بوصة (أفضل سعر)

المميزات

• يعمل بنظام LED.
• التقفيل الخارجي والخامات المصنع منها التلفزيون مميزة.
• صورة مميزة.
• يدعم تقنية WiFi.
• يعمل بنظام تشغيل أندرويد كيت كات.
• مدخلين USB وHDMI.

العيوب

• الصوت الخارجي مش بالقوة المطلوبة وان كان مقبول شوية.
• للأسف استجابة التليفزيون للأوامر تتسم بالبطء أحيانًا.
• مفيش مدخل  إريال خارجي.
• التقفيل الخارجي للتلفزيون مش كويس قوي.
• صورة التليفزيون مش مميزة.

شوف تليفزيون جاك سمارت ٣٢ بوصة.

الخلاصة إنك ممكن تشتري تليفزيون بمواصفات جبارة وممكن يكون أحسن من ماركات عالمية بسعر رائع وعلى قد الإيد.