أزياء أطفال للحفلات التنكرية
كتب أماني سمير
أطفال كتير بتحب تعيش في أجواء الحفلات التنكرية، وبيستنوا الحفلة دي في مدرستهم أو في النادي، وأحيانًا من كتر حبهم في الحفلة التنكرية بيخلوا بابا وماما يعملولهم عيد ميلادهم حفلة تنكرية؛ وده لإنهم بيتأثروا بالشخصيات الكرتونية المفضلة عندهم، وكل واحد فيهم سواء كان ولد أو بنت له شخصية كرتونية مميزة عن باقي شخصيات الكرتون الأخرى، طول الوقت هتلاقيه بيقلدوا وبيعمل نفس حركاته في البيت مع أسرته، أو في النادي أو المدرسة مع أصحابه، وطبعًا وقت الحفلة التنكرية يبقى نفسه يلبس الشخصية اللي بيحبها وشايف نفسه جواها، في الوقت ده هو بيعيش أسعد لحظات حياته، وبيستمتع في اليوم ده لأقصى درجة ممكنة، وعشان ياقوطة يهمها سعادة أطفالك ويهمنا راحة كل أم أو أب هنعرض عليكم شوية أزياء لشخصيات كرتونية مختلفة اختاروا منها أنتم وأطفالكم اللي يعجبكوا، وقارنوا بين أكتر من شكل واعرفوا بيتباع فين وبكام، ولو مفيش وقت تنزل تشتري وحابين تشتروا أون لاين، اعملوا الطلب أون لاين وهيوصل لحد البيت.
في البداية هنعرض عليكم أزياء البنات عشان كل بنت تختار من بينهم الشخصية الكرتونية اللي بتحبها.
1. زي إلسا ملكة الثلج
لكل البنات اللي بتحب كارتون ملكة الثلج، ومتأثرة جدا بشخصية «إلسا»، جبنالك لبسها عشان تعيشي يوم جوه شخصية «إلسا» وتستمتعي بالحفلة وتكوني سعيدة ومبسوطة، والزي عبارة عن فستان طويل مصنوع من الحرير والأورجانزا، وهو من إنتاج شركة ديزني.
السعر 358 جنيه مصري.
لمشاهدة زي إلسا ملكة الثلج من هنا.
2. زي سوبر جيرل
ياقوطة اختارت الزي ده للبنت اللي شخصيتها قوية وذكية، وبتحب جو المغامرات واللعب طول الوقت، وتمتلك روح تنافسية، والزي مكون من فستان مطبوع عليه علامة سوبر الشهيرة وله كاب من الخلف، بالإضافة لحزام من اللون الأصفر الذهبي وغطاء للحذاء برقبة طويلة.
السعر 398 جنيه مصري.
لمشاهدة زي سوبر جيرل من هنا.
3. زي الجنيّة الساحرة
للبنوتة الطيبة الهادئة اللي بتحب تساعد الناس، وكل أصحابها بيحبوها ويحبوا دايمًا يكونوا معاها لأنها جميلة وروحها حلوة، اخترنا لك زي الجنية الجميلة الساحرة، ولبسها عبارة عن بدلة مصنوعة من الأورجانزا ومغطاة بطبقة من الحرير، ومعاها طوق للرأس من نفس لون البدلة عشان تكمل بيها إطلالتها المميزة والجميلة.
السعر 375 جنيه مصري.
لمشاهدة زي الجنيّة الساحرة من هنا.
4. زي الساحرة
الزي مناسب لحفلات الهالوين والحفلات التنكرية، له مظهر مميز مع قبعة الساحرة ذات اللون الأسود والتنورة باللون الأرجواني والأخضر، الزي مناسب لسن 3 إلى 4 سنوات. للبنات اللي بتحب المظهر المُسيطر والإطلالة الجذابة مع بعض من الغموض الذي يمنحه لها زي الساحرة.
السعر 450 جنيه مصري.
لمشاهدة زي الساحرة من هنا.
ودلوقتي دور الولاد، هنعرض عليهم أكتر من زي عشان يختاروا من بينهم اللي يعجبهم.
5. زي الهيكل العظمي
لكل الأطفال اللي بتحب جو الخيال العلمي وأفلام الرعب، وقلبهم جامد ومش بيخافوا ويحبوا يكونوا مختلفين وشكلهم ملفت للانتباه، اختارنا لكم زي الهيكل العظمي، عبارة عن بدلة سوداء ومطبوع عليها شكل الهيكل العظمي بألوان مختلفة.
السعر 374 جنيه مصري.
لمشاهدة زي الهيكل العظمي من هنا.
6. زي أبتيموس
ولاد كتير بتحب كارتون «المتحولون» وبيتأثروا بيه جدًا، ويحبوا يلعبوا دايمًا مع أصحابهم بالأشكال المختلفة للمتحولون، عشان كده جبنالكم زي شخصية أبتيموس، وهو مكون من بدلة مطبوع عليها شكل «أبتيموس» ومبطن من الداخل لإعطاء شكل العضلات في جميع أنحاء الجسم، بالإضافة لقناع أبتيموس.
السعر 350 جنيه مصري.
لمشاهدة زي أبتيموس من هنا.
7. زي القراصنة
لكل الولاد اللي بيحبوا أجواء البحر والمغامرات اللي بتحصل على السفينة مع القبطان والقراصنة ورحلتهم مع الكنز المفقود، اختارنا لكم زي القراصنة، وهو عبارة عن باندانا، قميص مع حزام الكتف، والسروال، وكمان وشاح الخصر، والمسدس.
السعر 350 جنيه مصري.
لمشاهدة زي القراصنة من هنا.
8. زي الأمير الأزرق
للشخصية الطيبة الهادئة اللي بيحب الخير للناس ويحب يساعدهم ويفرحهم، وكمان للولد القيادي اللي بيعرف يجمع أصحابه حواليه وبيسمعوا كلامه عشان بيحبوه، ياقوطة جابتلك الزي المناسب لشخصيتك وهو شخصية الأمير الأزرق، ومكون من سروال من اللون الأحمر الماروني مع شريط أصفر، وسترة زرقاء مع شارة وكتافة وحزام أصفر، وده يعتبر المنتج الأصلي من شركة ديزني.
السعر 652 جنيه مصري.
لمشاهدة زي الأمير الأزرق من هنا.
قد تنفد المنتجات من المتاجر – out of stock- في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.