أفكار لغرفة معيشة مريحة
كتب أماني سمير
تعتبر غرفة المعيشة من أهم غرف المنزل لإننا بنقضي فيها بقية يومنا بعد يوم طويل من التعب والإرهاق في العمل، وكمان ست البيت لما تحب ترتاح بعد شغل المطبخ بتقعد فيها، غرفة المعيشة هي أكتر أوضه بنتجمع فيها مع بعض سواء بنتفرج سوا على التليفزيون، أو بناقش فيها مواضيع تهمنا كأسرة، وبنتجمع فيها مع العيلة، وعشان كده غرفة المعيشة لازم يكون ليها مواصفات خاصة أهمها إن تكون ألوان الحائط والستائر والمفروشات مريحة للعين ومتناسقة، وكمان الأثاث يكون مريح في القعدة عشان نكون على راحتنا في بيتنا، يعني نصيحة مننا إنك تبعد عن الكلاسيك أوالاستيل وخليك دايما في المودرن لإنه مريح أكتر في قعدته، كل ده مطلوب سواء كانت غرفة المعيشة مفتوحة على الصالة أو مستقلة بغرفة لوحدها مع مراعاة تناسق الألوان والمساحة.
وعشان كل ده ياقوطة اختارت لك مجموعة من أهم الحاجات الأساسية اللي المفروض تكون موجودة في غرفة المعيشة، عشان لو كنت بتجهز شقتك أو حابب تغير في ديكورغرفة المعيشة الخاصة بك بأفكار بسيطة وغير مكلفة، تقدر تشوف وتختار من الحاجات دي اللي يناسبك وتتعرف على أفكار مختلفة قبل ماتقرر تنزل تشتري، ولو عجبتك حاجه من اللي شوفتها وحابب تشتريها أون لاين يمكنك الحصول عليها بالطريقة اللي تناسبك .
1. برواز للصور
يتكون من أربع براويز بأشكال وأحجام مختلفة، عشان تقدر تجمع فيها صور كل أفراد الأسرة واللحظات الحلوة اللي بتجمعكم سوا، وممكن تحطهم على طربيزة جانبية جنب أباجورة مصنوعة من نفس الخامات والألوان، أو تحطها على أرفف معلقة على الحائط، أو في أرفف المكتبة الخاصة بالتلفزيون والكتب والمجلات .
السعر 179 جنيه مصري.
لمشاهدة برواز للصور من هنا .
2. كنبة مودرن
أهم مايميز الكنبة هو لونها المريح للعين والمهدئ للأعصاب، ومصنوعة من الخشب من الداخل وأربع أرجل خشبية خارجية ، ومغطاه بالكامل من القماش اللي بيتميز بنعومته وسهولة تنظيفه ، ويمكنك تزيين الكنبة بمخدات صغيرة من نفس لون الستائر أو ألوان باقي أثاث المنزل، ويمكنك أيضًا وضع مفرش على الظهر من باب التغيير في ديكور الشقة، دي كلها أفكار بسيطة لكن هتفرق معاك كتير لو انت من الناس اللي بتحب التجديد والتغيير بشكل مستمر.
السعر 7,195 جنيه مصري.
لمشاهدة كنبة مودرن من هنا.
اقرأ أيضًا: ازاي تختار كنبة مناسبة للبيت
3. أباجورة مودرن
شكلها مميز وجذاب، وتقدر تحطها في أي مكان على الأرض أو على طربيزة جانبية، وتتميز الأباجورة إنها بتضفي جو من الهدوء والسحر والسكينة للمكان لزوم الاسترخاء والإحساس بالراحة، عشان تفصل شويه بعد يوم طويل ومرهق وانت بتسمع موسيقى كلاسيك أو بتقرأ الكتاب اللي بتحبه .
السعر 755 جنيه مصري.
لمشاهدة أباجورة مودرن من هنا.
4. طربيزة مودرن
مصنوعة من الخشب، ومصممة بشكل بسيط وجذاب، وتتناسب مع باقي الأثاث بمختلف أنواعه سواء كان كلاسيك أو مودرن عشان لو غرفة المعيشة مفتوحة على الصالة، وممكن تحطيها في أي مكان في الوسط أوتستخدم كطربيزة جانبية، وكمان تقدري تحطي عليها مفرش من نفس لون الستائر أو الأثاث عشان تعملي ربط وتناسق في المكان كله كوحدة واحدة، وده بيساهم بشكل كبير في جمال المكان وأناقته وبالتالي راحة العين .
السعر 695 جنيه مصري.
لمشاهدة طربيزة مودرن من هنا.
5. كرسي هزاز
ناس كتير بتحب لما ترجع من الشغل تقعد شويه مع نفسها في راحة واستجمام على الكرسي الهزاز تحديدًا، وناس تانيه بتحب تقعد عليه وهي بتقرأ أو بتسمع الموسيقى اللي بتحبها، عشان كده ياقوطة هتعرض عليك كرسي مصنوع من الخشب لقوة تحمله وجمال شكله اللي بيتميز بالأصالة والعصرية في نفس الوقت، وعليه مقعد مريح مبطن ومصنوع من خامات قطنية عالية الجودة عشان تحس بالراحة وانت قاعد عليه .
السعر 1,295 جنيه مصري.
لمشاهدة كرسي هزاز من هنا.
6. كرسي الملك
الكرسي ده مصنوع لعشاق البين باج اللي بيحبوا أوي قعدتها ومش بيحسوا إنهم على راحتهم غير وهما قاعدين عليها، ياقوطة اختارت لكم بين باج مميزة ومختلفة في شكلها لإن ليها ظهر مريح تقدر تسند عليه ظهرك، وتقدر كمان تتحرك عليها بسهولة وتقعد بالوضع اللي يعجبك.
السعر 510 جنيه مصري.
لمشاهدة كرسي الملك من هنا.
قد تنفد المنتجات من المتاجر – out of stock- في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.
من خلال ياقوطة تقدر تشوف مفروشات وأجهزة الكترونية و تتطلب أونلاين وتجي لك الحاجة لحد باب البيت.