!ياقوطة تمت سنة
حياة الناس اتغيرت، والراجل المصري مبقاش يتبهدل في الشوارع بيدوَّر على أرخص سعر، والست المصرية مبقتش تتشحطت مابين كل محل والتاني ..
الإنترنت دخل حياة البني ادم المصري وغيرها تماما, والe-commerce دخل حياة الشاري المصري وشألبها .. واحنا استغلينا الفرصتين وقدمنا للشاري المصري ياقوطة!
نحكلكوا حكايتنا كده من الأول خالص …
زي النهارده من سنة فاتت .. موقع ياقوطة انطلق على شبكة الإنترنت، بعد ما اتفقنا مع أكبر مواقع الonline shopping زي SOUQ وJumia وYashry وبقوا الclients بتوعنا هما ومواقع تانية.. والناس اكتشفتنا ولقيناهم بيجولنا من كل أنحاء مصر عشان يدوروا على اللي عاييزين يشتروه online عبر موقعنا.. وفرنالهم خدمات ومساعدة: وريناهم اللي عايزينه بأكتر من سعر واحد، متوفر في أكتر من شكل واحد، أو لون واحد، أو حجم واحد..
والنهارده .. بعد سنة من الشغل والوقوف جنب كل الonline shoppers اللي اختاروا ياقوطة، و عايزين نقولكوا إن ياقوطة بتشكركوا على الانتماء بتاع كل واحد فيكوا ..
طيب احنا بقى مين وبنعمل ايه بالظبط؟
احنا ياقوطة! محرك بحث للتسوق بيجمع محلات أونلاين مصرية موثوق فيها عشان بدل متلاقوا من اللي انتوا عايزينوا عند محل واحد بس, تلاقوا منه اتنين وتلاتة وأربعة وتختاروا براحتكوا..
اخترنا اسم “ياقوطة!” عشان ليه دلالة خاصة للمصريين; كلنا عارفين إن أسعار الطماطم بتتغير بجنون و أكيد سمعنا الباعة الجائلين و ندائهم المشهور: “مجنونة ياقوطة!”
احنا موجودين عشان نساعدكوا تلاقوا أفضل العروض وأفضل فرص للشراء من كل المحلات الأونلاين في مصر عشان نوفر ليكوا أحسن تجربه شرائية. من الآخر إحنا هدفنا تبسيط و نشر وعي التسوق أونلاين في مصر.
ازاي؟
يا قوطة بتجيب لكم خلاصة ال”online stores” المختلفة في مصر و المنتجات اللي بتعرضها في شكل search engine بديهي العرض, نعرف المشترين و المتاجر على بعض, و كأننا بنوفق رأسين في الحلال …
احنا مقدرين قد ايه الأسعار على الانترنت بتحير, ممكن تلاقي موديل معين لموبايل على موقع بسعر و تبص عليه على موقع مختلف تلاقي فرق ألف جنيه في السعر… احنا بنجبلك منتجات من متاجر موثوق بها وبنتأكد من الجودة اللي بيوفروها لك ونتأكد عن طريق معاييرنا أن المتجر يستحق ثقتكم.
في أسباب كتيرة (زي مثلا ضمان محلي أو دولي) وراء الاختلاف في الأسعار, هنوضحلكوا كل ده قريب بس احنا بنطمنكوا ان ياقوطة دايما هاتوفرلكوا الأسعار الصح!
احنا عايزين نشكركوا على السنة الجميلة اللي ابتدينا فيها مع بعض وبنوعدكوا ان احنا مش هانبطل نوفرلكوا أحسن تجربة شرائية online وبمناسبة أول عيد ميلاد لياقوطة احنا بنديكوا الفرصة انكم تسألونا أي سؤال محيركوا أو ناتج عن تجربة شخصية مع الonline shopping
ابعتولنا على صفحتنا على Facebook
وكل سنة وانتم واحنا طيبين!