كتبت: أماني سمير

«العيد فرحة وأجمل فرحة يجمع شمل قريب وبعيد»..

الجملة دي في أغنية الطفولة المشهورة بتلخّص بهجة العيد كلها، فرحة العيد الحقيقية في لمتنا وسط الأهل والأصحاب والناس اللي بنحبها، نقعد ونحكي ونضحك ونستمتع طبعًا بكحك العيد والبسكوت والبيتي فور مع كوباية الشاي باللبن السُخنة، وأكيد ما بننساش نتسابق مين فينا ياخد العيدية قبل التاني أو نفرّح أهلنا وأصحابنا بهدايا جميلة ومبتكرة.

ولإن ياقوطة يهمها دايمًا راحتكم وسعادتكم، هنعرض عليكم مجموعة أفكار متنوعة ل هدايا العيد مناسبة لجميع الأعمار، تقدروا تشوفوها وانتم قاعدين في مكانكم وتعرفوا بتتباع فين وبكام قبل ما تشتروا، وتقارنوا بين أكتر من منتج وتختاروا من بينهم اللي يناسب ذوقكم واحتياجاتكم، ولو عجبكم منتج منهم تقدروا تطلبوه عن طريق ياقوطة ويكون عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- سماعة رأس بيتس

السماعة دي تُعتبر هدية قيمة لعشاق الموسيقى والكتب الصوتية، لإنها بتفصلهم تمامًا عن العالم الخارجي وتخليهم يعيشوا جوه عالمهم الخاص، وبتتميز بدرجة نقاوة ووضوح للصوت عالية ومميزة وكمان وزنها خفيف ومريحة في الاستعمال وده لإنها مصنوعة من خامات عالية الجودة.

شوف سماعة رأس بيتس من هنا.

٢- بولو شيرت أولادي ديادورا

لإن أولادنا هم أغلى حاجة في حياتنا بنهتم دايمًا بصحتهم وراحتهم وخصوصًا في فصل الصيف، اللي مهم جدًا هدومهم كلها تكون من القطن. والبولو شيرت هو قطعة أساسية في دولاب ابنك الصغير لأنه مصنوع بالكامل من القطن النقي اللي هيكون مريح لابنك في لعبه وجريه طول اليوم.

شوف بولو شيرت أولادي ديادورا من هنا.

٣- نظارة شمس حريمي مينكل

النظارة الشمسية شيء أساسي في إكسسوارات المرأة العصرية ومفيش واحدة تستغنى عنها في فصل الصيف طول اليوم، واخترنا ليكي نظارة من نوع خاص تناسب أوقات الصباح وده لإن إطارها مطبوع عليه مجموعة من الزهور الملونة بألوان زاهية ومرحة هتزوّد من إطلالتك الجميلة كل يوم.

شوفي نظارة شمس حريمي مينكل من هنا.

٤- تابلت هواوي أسود

التابلت ده بيتيمز بشاشة عريضة بحجم ٧ بوصة وذاكرة داخلية بحجم ٨ جيجابايت ومزوّدة بمدخل لكارت الميموري بيسمح بتخزين الملفات بحجم يوصل لـ ٣٢ جيجابايت، وكمان فيه سماعات خارجية MP3 وبيدعم تركيب شريحة اتصال للدخول على الإنترنت وتحميل كل اللي تحبوه، تابلت هواوي يُعتبر هدية عصرية ومتطورة لأولادك وأصحابك.

شوف تابلت هواوي أسود من هنا.

٥- حامل المفاتيح ريماكس

مش مجرد حامل مفاتيح عادي، لإنه بيحتوي على كابل «يو إس بي» جوه جراب أنيق مصنوع من الجلد تقدر تستخدمه عند الحاجة لتوصيل الموبايل باللاب توب في أي وقت، وتقدر تنقل اللي تحتاجه في أي وقت ومش هتحتاج تشيل معاك كابل نقل بيانات طول اليوم، حامل المفاتيح يعتبر هدية ذكية ومبتكرة تناسب كل رجل عملي في عصر السرعة اللي بنعيش فيه.

شوف حامل المفاتيح ريماكس من هنا.

٦- بالتّة ألوان مياه

البالتّة دي فيها ١٢ لون وفرشاة تلوين وغطاها مُصمم بعدد ٢ تجويف لاستخدامه كلوحة لخلط الألوان بيه، وبعد الانتهاء بيقوم الغطاء بدوره في غلق العبوة بإحكام، وهي مناسبة للتلوين على الورق والكرتون وممكن يستخدمها الأطفال بكل سهولة، وتُعتبر هدية جميلة ومفيدة تحببهم في الرسم والتلوين.

شوف بالتّة ألوان مياه من هنا.

٧- قلادة بوهيميا

الإكسسوار بالنسبة لكل بنت جزء لا يتجزأ من شياكتها واكتمال أناقتها. عشان كده اخترنالكم قلادة مميزة بنمط جديد وتصميم فريد حيث تجمّع فيها دمع قطرة الفيروز مع حجر عين الشر وهمسة اليد، تقدري تلبسيها طول اليوم مع تي شيرت وبنطلون جينز أو بالليل مع فستان بسيط من اختيارك، القلادة دي تعتبر هدية فخمة ومفعمة بالحياة للمرأة العصرية.

شوفي قلادة بوهيميا من هنا.

٨- دراجة واريور جو 947

لأن العجلة دي مصنوعة بالكامل من الألومنيوم الصلب والمقاوم للصدأ بالإضافة لإطاراتها المتينة المصنوعة من أجود أنواع المطاط، فهي بتوفرلك الراحة والمتعة عند ركوبها والسير بيها لساعات من غير ما تحس بتعب. العجلة دي هدية مثالية لعشاق ركوب الدراجات.

شوف دراجة واريور جو 947 من هنا.

٩- موبايل إنفينكس دهبي

الموبايل ده بيتميز بشاشة عالية الوضوح بحجم ٥٫٥ بوصة، وكاميرا خلفية ٨ ميجابكسل وكاميرا أمامية ٥ ميجابكسل وذاكرة داخلية ١٦ جيجابايت وييقبل إضافة كارت ميموري لغاية ٣٢ جيجابايت، ومزوّد بمدخل شريحتين مع بطارية بتدوم لمدة ٤٨ ساعة، بالإضافة لشكله المميز وتصميمه الفريد من نوعه المستوحى من فن الأورجامي ولونه الدهبي اللي بيدي إحساس بالفخامة والأناقة ويخليه هدية مميزة لأحبابك. 

شوف موبايل إنفينكس دهبي من هنا.

١٠- لعبة رجل الإطفاء ليجو

بتتكون اللعبة من ٦٤ قطعة بتكوّن ٣ أشكال رئيسية بعد تركيبهم، وهم رجل الإطفاء وسيارة إطفاء الحريق والمبنى المحترق، كل اللي عليك تعمله هو التركيز والتفكير لتركيب القطع بشكل صحيح للوصول للشكل النهائي لبدء المغامرة في جو من المتعة والمرح، تنفع هدية رائعة لأولادك عشان تلعبوا بها سوا وتنمّي ذكائهم هم وأصحابهم.

شوف لعبة رجل الإطفاء ليجو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.