كتبت: شذا وليد

السفر حول العالم بقي حلم ناس كتير دلوقتي، مين ميتمناش يزور أماكن متنوعة ويجرّب أكلات غريبة ويقابل ناس جديدة؟ السفر تجربة ممتعة ومميزة، سواء مع العيلة، الأصحاب، الزوج أو الزوجة، أو حتى لوحدك، لكن أحياناً بتكتشف حاجة مهمة: السفر غالي ودا لما تفكر في مصاريف الطيران، والفندق،  والمواصلات هناك، والأكل، والرحلات السياحية هتلاقي الموضوع مربك ومكلف. بس السفر بمبلغ معقول مش مجرد حلم. عندك سامح صالح، وزياد العدوي، ويارا يحيي، تلاتة أصحاب بيعشقوا السفر عِرفوا يسافروا أكتر من 20 بلد بمبلغ معقول ميبوظش ميزانيتهم، تعالوا نشوف نصائحهم للسفر بأقل تكلفة.

عشان الأصحاب الثلاثة بيحبوا السفر والمغامرات، قرروا يعملوا قناة ليهم على يوتيوب اسمها هزها وسافر عشان يشاركوا نصائح مهمة عن إجراءات الفيزا، والحجز، والأماكن الحلوة، والأكل اللي في البلاد المختلفة، ده غير حاجات تانية تهم أي مُسافر. القناة بتاعتهم على يوتيوب دلوقتي عليها 3,400 مُتابع وصفحتهم علي فيسبوك عليها أكتر من 68,000 مُتابع.

عشان نقدر نعرف أكتر عن المشروع ده ونصائح عن كيفية السفر بميزانية معقولة، احنا في ياقوطة عملّنا مقابلة مع «زياد العدوي»، مؤسس مُشارك ومدير التسويق لهزها وسافر.

أوروبا مش المكان الجميل الوحيد في العالم

لما أي حَد يفكر في السفر، أول مكان هيجي في باله هو أوروبا، بس زياد بيرَشَح آسيا للناس اللي مسافرة أول مرة لأنها تتميز بثقافة متنوعة وثرية. ووضح زياد أن «العيب الوحيد في آسيا هو تذكرة الطيران الغالية، لكن غير كده الإقامة، والمواصلات، والأكل أرخص بكتير من أوروبا، خليك منفتح على تجربة أماكن مختلفة وجديدة.»

اعمل خطط مُسبقة

ترتيب رحلتك قبلها بكتير هينفعك في كذا حاجة، أضاف العدوي «هتقدر تختار مواعيد الحجز براحتك وتَحصُل على أسعار وعروض معقولة.»، ترتيب الرحلة صح هيوّفَر لك فلوس أي نفقات غير ضرورية.

حَقَق الاستفادة القصوى من رحلتك

وقال العدوي «أنت هتبقى خلاص دفعت تذكرة طيران، فالأحسن تستفيد منها على قد ما تقدر.» نصيحة زياد إن الواحد يروح من بلد للتانية باستخدام المواصلات العامة. بالطريقة ديه، هتكون سافرت بلدين بدل واحدة بسعر أقل كتير، على سبيل المثال، ممكن تروح من ماليزيا لتايلاند وتشوف عجائب البلدين.

لو أنت تقليدي شوية وبتحب تَحصل على معلوماتك من الكتب، يبقي لازم تجيب دليل السفر الشامل ده قبل ما تسافر.

اقرأ أيضاً: مفيش حاجة هتضيع منّك تاني: كل ما تريد معرفته عن جهاز التعقب (Chipolo)

اعرف هتحجز فين وإزاي

معرفة المواقع اللي تحجز من عليها تذاكر الطيران والإقامة برضه هتوفرلك فلوس كتير. يرشح العدوي سكاي سكانر واللي عليه هتلاقي أحسن عروض على تذاكر الطيران لأنه بيخليك تقارن بين أسعار شركات الطيران المختلفة. أما بالنسبة لخيارات الإقامة، ممكن تحجز في فندق أو نُزُل أو تأجَر بيت. عشان تلاقي أسعار فنادق معقولة، ممكن تحجز على بوكينج أو بطوطة (الموقع باللغة العربية). بالنسبة للنُزُل أو بيوت الشباب، اللي بيبقوا أرخص من الفنادق زي ما العدوي بيقول، ممكن تحجز على هوستيل بوكرز أو هوستيل وورلد. أما لو عايز مكان للإقامة يكون مريح ومعقول أكتر في السعر، يبقي تأجر بيت أو شقة في المدينة اللي أنت مسافر لها. وقد شَرَح العدوي أن «آير بي أن بي هو موقع مضمون عشان تأجر بيت أو شقة المعروضة من قِبَل سكان المدينة. كده بيبقي أرخص من الفندق ومناسب أكتر للعائلات.»

اعرف هتركب مواصلات إزاي

أضاف العدوي «يُستَحسَن تِبعد عن التاكسي وأنت مسافر عشان بيبقي غالي جدًا، المواصلات العامة الخاصة بالبلد بتبقي أرخص وأسهل زي المترو والأوتوبيس. في بعض البلاد كمان ممكن تركَب توك توك.»

قد يهمك: ازاي تختار وتشتري أفضل حقيبة ظهر؟

أساسيات تحضير حقيبة السفر

لما بنيجي نحضّر شنطة السفر، دايمًا بناخد حاجات كتير مالهاش لازمة، عشان نتفادي الموضوع ده، زياد قال لياقوطة على نصائح مهمة لتحضير الشنطة بشكل أكتر فعالية وعملية. «أحسن طريقة لتحضير شنطة السفر هو ترتيبها بالعكس، يعني آخر حاجة تتحط في الشنطة تبقى هي أول حاجة هتستخدمها لما توّصَل، كده هتوفر وقت وهتلاقي الحاجة اللي أنت محتاجها بسرعة.»

• أكيد هتتضايق لو نسيت حاجة مهمة في السفر، صح؟ اشتري واحدة من القوائم المُنَظمة ديه عشان تساعدك تفتكر كل حاجة محتاج تعملها أو تاخدها معاك وأنت مسافر.
• نَصَح العدوي المسافرين بشراء شنطة ظهر 70 لتر، واللي هو بيقول إنها هتكفي كل أساسياتك بالإضافة إلى إنه اقترح إنك تاخد معاك شنطة أصغر (30 لتر) عشان لما تكون رايح رحلة ومش عايز تاخد حاجتك كلها معاك. تقدر تبُص على مجموعة شنط الظهرمن هنا .
• وأضاف العدوي«دايمًا خُد معاك جاكيت مضاد للماء بغض النظر عن الجو، هينفعك في أي وقت، بالذات لو امطرت.» تقدر تبُص على جاكيتات رجالي مضادة للماء هنا وجاكيت نسائي مضاد للماء هنا.
• وكان رأي العدوي أن «المُحوّل العالمي من الحاجات اللي لازم تاخدها معاك عشان تتفادي أي مشاكل في شحن أجهزتك الإليكترونية.» ممكن تشتري مُحوّل عالمي على ياقوطة من هنا.
• لازم تاخد معاك مجموعة الأدوية الأساسية لحالات المرض المعتادة زي البرد، والمغص، والإسهال. ممكن بسهولة تطلب الأدوية اللي أنت محتاجها قبل ما تسافر من صيدليات سيف.
• للمُسافرين اللي هيقعدوا في نُزُل أو بيت للشباب، ممكن ياخدوا معاهم سدادات للأذن وقناع للعين عشان يقدروا يناموا في أي وقت حتى لو زملائهم في الغرفة مازالوا صاحيين.
• للمُسافرين اللي هيروحوا رحلات المغامرة، المصباح اليدوي والبطاريات هينفعوك جدًا.
• من الأشياء الأساسية في السفر أيضًا هو باور بنك عشان موبايلك يفضَل مشحون على طول وكاميرا، بالشاحن بتاعها وشريحة الذاكرة، عشان تصوّر كل اللحظات والمناظر الحلوة في السفر.
• لرحلات الطيران أو الأتوبيس الطويلة، هتحتاج تِسَلّي وقتك. ممكن تاخد معاك سماعات الأذن أو سماعات الرأس أو كتاب ممتع.

عشان يبقي عندك قائمة كاملة بالحاجات المهمة اللي تاخدها معاك في السفر، ممكن تبُص على مقال أشياء مهمة لا تسافر بدونها.

تطبيقات للهاتف مهمة للسفر

 الموبايلات  بَقت بتخلي العالم بين أيدينا، ودي حاجة هتبقي في صالح المُسافرين أكيد. قال العدوي «كل المواقع دلوقتي بقى عندها تطبيقات للموبايل عشان السفر يبقي أسهل.» على سبيل المثال، اقتَرَح العدوي إنك تحمّل التطبيق الخاص بشركة الطيران اللي أنت مسافر معاها عشان متحتاجش تطبًع التذكرة قبليها. ممكن برضه تحمّل تطبيق تريب أدفايزور أو لونلي بلانِت عشان تعرَف أهم النصائح الخاصة بالرحلات والمطاعم والأماكن السياحية وغيره.

وللناس اللي بتدور علي أكل حلال في بلاد غير عربية، ممكن تحمّل تطبيق اسمه ذبيحة عشان تعرَف المطاعم والأسواق اللي بتقدم أكل حلال.

الهاتف الذكي بقي أداة لا يُستَغني عنها لأي مُسافر. تقدر تبُص علي مجموعة الهواتف الذكية هنا.

التسوق عبر الإنترنت

وزي ما أكيد لاحظتوا، السفر محتاج أساسيات كتير عشان الرحلة تبقي آمنة وممتعة وعشان كده أكيد مش هتبقي عايز تضيّع وقت في محلات كتير عشان تشتري اللي أنت محتاجه، وهنا ييجي دور التسوق عبر الإنترنت. شَرَح العدوي «التسوق عبر الإنترنت أتاح للمسافرين إنهم يستمتعوا برحلاتهم من غير مشاكل. يعني مثلاً، أنا لو مسافر ومحتاج حاجات ضرورية ومعنديش وقت أنزل أجيبها، بدوّر علي اللي أنا عايزه أونلاين وأطلبه ويجيلي لحد البيت.»

السفر لبلاد متنوعة أكيد كان ليه تأثير إيجابي على شخصية زياد، عَلّق العدوي «أنا بقيت منفتح ومتقبل أكثر للناس اللي من ثقافات أو أديان أو أفكار مختلفة عني، السفر بيخليك تتعَرَض لتجارب جديدة وكمان بيخليك تشوف المواقف اليومية العادية بشكل مختلف تمامًا.»

لو بتحب توَثّق رحلاتك عن طريق الكتابة، يبقي ضروري تجيب مذكرة السفر عشان تكتب أحداث رحلتك يوم بيوم.

ومع كل النصائح المهمة اللي اتكلمنا عنها، عندك قناة هزها وسافر على يوتيوب عشان تعرف الأماكن والأنشطة الممتعة في البلد اللي أنت رايحها، بالإضافة إلى نصائح لسفر بسعر معقول حَسَب كل بلد. ولقد قال العدوي أن فريق هزها وسافر حاليًا بيحضروا سلسلة من 5 حلقات عن مدن مختلفة في أوروبا، بالإضافة إلى حلقات للناس المهتمة برحلات المغامرة.

 لو أنت بتحب رحلات المغامرة يبقي الكاميرا العادية مش هتمشي معاك. اشتري كاميرا جو برو عشان تُصور كل مغامراتك بأعلى جودة.

اقرأ أيضاً: أهم 10 إكسسوارات لكل أنواع الكاميرات 

دلوقتي فكرة السفر بَقِت أسهل، صح؟ متستناش أكتر من كده وسافر واستَكشِف العالم، نتمنى لك رحلة سعيدة.

عندك أي نصائح لسفر بسعر معقول تقدر تشاركنا بيها؟