كتبت: فاطمة نامق

تُعتبر الأجهزة الكهربائية من أكتر الأشياء المهمة والمكلفة في بيوتنا، عشان كده لازم نحسب كويس كل خطوة قبل شراءها سواء تجهيز لشقة عروسة جديدة أو تحديث أجهزة المنزل. ياقوطة بتقدم لنا في المقال ده فكرة شاملة عن الضروريات اللي لازم تكون في اعتبارنا قبل ما نقرر هنشتري إيه وبكام.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

شوية نصائح لشراء أجهزة المنزل عامةً

• إمكانيات الجهاز وخواصه مع العلم ان كل إمكانية إضافية بتكون بثمن.
• الصيانة يجب التأكد من ان مراكز صيانة هذه الأجهزة تكون قريبة ولديهم مصداقية.
• ميزانية الفلوس اللي معاك لازم تدرس كويس الميزانية عشان ما تشتريش حاجة امكانياتها أعلى من احتياجاتك وبعدها تكون مضطر تستغنى عن أجهزة تانية.
• فترة الضمان: كلما زادت فترة الضمان كلما كان أفضل سواء كان ضمان استبدال أو ضمان قطع غيار.
• الاستخدام:  مهم قبل شراء الجهاز إننا نسأل عن كيفية تشغيله وقراءة دليل الاستخدام عشان لو حسيتوا إنه معقد ممكن تشوفوا البديل.
• إن يكون الجهاز كمتوفر فيه عوامل الأمان: ضروري التدقيق في عوامل الأمان لأنها لو مش موجودة ممكن لا قدر الله يحصل كوارث.

ياقوطة هتقولنا نفكر في إيه قبل شراء كل جهاز

التلاجة

فيه شوية حاجات مهم تاخدوا بالكم منها قبل ما تشتروا تلاجة

• لازم نحسب بالضبط المكان اللي هنحط فيه التلاجة ونتأكد إنه مش هيضيق علينا المكان اللي هنحطها فيها وكمان واحنا بناخد المقاسات لازم نعمل حساب إن لازم يكون في مسافة مناسبة في ظهر وجوانب التلاجة لتهويتها لتعمل بكفاءة اعلي.
• كمان قبل الذهاب لشراء التلاجة لازم نعمل حساب حجمها يعني هتكون كام قدم حتي تكون مناسبة لاحتياجات المنزل وكمية تخزين الطعام وده بنحدده حسب عدد أفراد الاسرة.
• الأفضل إن تكون التلاجة طبعًا نوفروست لان الفروست بتكون تلج ومحتاج تنظيف أول بأول.
• الاهتمام بالشكل : شكل التلاجة كلما كان الديزاين شكله جديد كان السعر أغلى والشكل مهم طبعا لو مطبخك نظام أميريكان أو مكان التلاجة هيكون في مكان مكشوف للناس لكن لو في المطبخ عادي ناس كتير بتفضل إن يكون الشكل العادي. أولًا توفير للفلوس. ثانيًا لإن هناك العديد من التلاجات اللي تصميمها شكله جديد وألوان زي الإسود بيكون الباب بتاعها داخل في تصنيعه زجاج وهيكون مش عملي.
• وكمان لازم نقرر هل محتاجين في التلاجة إمكانيات إضافية ولا لأ، لإنها بتعلي في السعر مثل ’لة صنع الثلج، وجود شاشات إل سي دي توضح بيانات التحكم في درجة الحرارة.
• يفضل شراء التلاجة اللي باب الفريزر منفصل عن باب التلاجة نفسه.

تقدر تعرف مواصفات وأسعار الثلاجات بمختلف أنواعها وموديلاتها من هنا.

تقدر تشوف مقالة  أكتر ٧ تلاجات شهرة على ياقوطة من هنا.

الديب فريزر

• لازم نقدر احتياجاتنا واستخداماتنا للفريزر عشان نقرر نختار هيكون السعة بتاعته قد إيه. يعني نحدد كمية الطعام اللي نخزنها في الفريزر.
• لازم نحدد مكان الفريزر وأخذ المقاسات بشكل دقيق عشان لو هيكون في مكان مكشوف للضيوف فلازم نختار شكل حلو حتى لو هندفع زيادة.
• لازم نحدد احنا محتاجين الفريزر ذو الفتحة العلوية ولا الأمامية. والأفضل اللي الباب بتاعه أمامي، لإن متقسم لأدراج وأرفف ونقدر نقسم أصناف الأكل لكن اللي بابه من فوق بيصعب الوصول للأكل اللي في القاع.
• لو التلاجة بتاعتنا كبيرة والفريزر اللي فيها سعته كويسة ممكن نختار الفريزر اللي حجمه صغير توفيرًا في المساحة والفلوس.

يفضل إنكم قبل قرار شراء الديب فريز تشوفوا مقالة إزاي تختاروا الديب فريز الصح من هنا.

والمقال ده كمان يقولك أشهر موديلات الديب فريزر السنة دي.

وعشان نعرف أسعار ومواصفات كل أجهزة الديب فريزر تعالوا ياقوطة قالت إيه من هنا.

البوتاجاز

طبعًا كل الناس الغاوية طبخ أهم حاجة عندها البوتاجاز في المطبخ. طبعًا عشان كده ياقوطة هتقولكم شوية نصائح قبل شراء البوتاجاز:

• إنتم محتاجين بوتاجاز غاز ولا كهرباء.
• البوتاجاز الكهربا ميزته إنه بيوفر غاز وتنضيفه إسهل بكتير وإفضل في الشكل، لكن ليه عيوب
• عدد عيون البوتاجاز فيه منها بيكون أربع عيون وفيه بيكون خمسة لازم تقرر انت محتاج إيه حسب استخدامك وكمان حسب مساحة المطبخ وكمان لازم ناخد بالنا لو هيكون بيلت إن عشان المساحة تكون دقيقة.
• واحنا بناخد المقاسات لازم نعمل حساب إن البوتاجاز يكون بعيد عن الحوض وكمان بعيد عن التلاجة
• خامة حامل الأواني وهوبيكون مصنوع من الصاج وده إغلب الوقت متوفر في البوتاجاز الأربع عيون ميزته إن تنضيفه سهل جدًا، لكن قوة تحمله مش قد كده. والنوع الثاني بيكون مصنوع من حامل أواني الظهر وبيكون قوة تحمله أكتر وحسب نوع البوتاجاز.
• لازم كمان ناخد بالنا من سعة الفرن وطبعًا بتختلف حسب حجم البوتاجاز وكمان ناخد بالنا في أفران مش بتشتغل هي والشواية مع بعض وده حسب نوع البوتاجاز.
• عوامل الأمان ضرورية جدًا. لازم نتأكد من وجودها وهي بتمنع تسرب الغاز لو أي سائل تسرب علي الشغلة فالبوتاجاز بيفصل لوحده.

ممكن تشوف مقالة كاملة عن دليلك لشراء البوتاجاز من هنا.

وكمان ممكن تشوف أسعار ومواصفات البوتاجازات الموجودة في الاسواق من هنا.

غسالة الملابس

غسالة الملابس الأوتوماتيك أصبحت من الأساسيات في المنزل خلاص مابقاش حد بيغسل على إيده، ولإن الغسالة من الأجهزة الغالية في تمنها فلازم إننا نختار نوع يعيش لأطول فترة ممكنة ودي المعايير اللي هنحتاجها في اختيار الغسالة

• حجم الغسالة وطبعًا بيكون حسب المساحة  وبيترتب عليه سعة الغسالة حسب عدد أفراد الاسرة، وطبعًا الغسالة اللي سعتها أكبر من ٨:١١ كيلو بتكون أفضل لعدد أفراد أسرة من أربعة وأكتر.
• لازم ندقق في سرعات الغسالة لإن السرعات العالية بتساعد علي جفاف الملابس بشكل أسرع وهي مخصصة للملابس التقيلة زي الشتوي اللي تتحمل، ولكن السرعات القليلة في مهمة للملابس الخفيفة اللي ماتقدرش تتحمل السرعات القوية وممكن تبوظ.
• صوت الغسالة: فعلًا أوقات بنلاحظ غسالات أصواتها عالية جدًا وخصوصًا عند برنامج العصر، ولذلك من الأفضل اختيار الموديلات اللي فيها خاصية الهدوء عند التشغيل.
• المياه الساخنة :الموديلات الجديدة بتخلينا نقدر نضبط درجة حرارة المياه حسب نوع الأقمشة.
• برامج الغسالة أصبحت ليست رفاهية بس، دي مهمة جدًا فلكل نوعية ملابس برنامج خاص بها.
• كمان ماننساش الخواص الإضافية زي تجفيف الملابس، النقع، برنامج للعصر زيادة، وكمان في غسالات بتايمر إنك تديها الأوردر إنها تشتغل في وقت محدد.

وطبعًا عشان ياقوطة بتهتم بينا عملتلنا مقال بيساعدنا ازاي نختار الغسالة المناسبة من هنا.

تقدر تشوف أسعار ومواصفات الغسالات الموجودة في الأسواق من هنا.

دي كانت بعض الأمثلة للأجهزة المهمة جدا في كل منزل  وباقي الأجهزة نقدر نستعين بالنصائح الموجودة في مقدمة المقال قبل شرائها

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.