كتب: محمد عبد الرحمن

هنتكلم النهارده عن موبايل Oppo F5 الجديد، واحد من أهم الموبايلات في فئة الـ ٥٠٠٠ جنيه مصري، واللي أعلنت عنه أوبو من فترة قريبة واهم ميزة في الموبايل هي تقنية فتح الموبايل عن طريق وجه المستخدم.

وفي الريفيو ده هنتعرف على أكتر على مواصفات ومميزات وعيوب الموبايل، ولو عجبك الموبايل تقدر من خلال ياقوطة تعرف أحسن الأسعار ليه وتقارن بينهم، وممكن طمان تطلبه من خلالنا وهيوصل لغاية عندك وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

وصف الموبايل

• الجهة الأمامية هنلاقي مع شاشة الموبايل كاميرا سيلفي، ولمبة إشعارات LED.
• الجهة الخلفية هنلاقي كاميرا خلفية مزودة بفلاش ومستشعر لبصمة الإصبع.
• الجهة اليمنى للموبايل هنلاقي زر منفصل للباور، مع وجود درج خاص بشريحتي الموبايل والميموري الخارجي.
• الجهة اليسرى هنلاقي زر التحكم في الصوت.
• الجهة السفلية للموبايل هنلاقي منفذ شحن الموبايل ومكان سماعات الهاند فري، مع وجود سماعات الموبايل.

الشاشة

المميزات

• شاشة LTPS IPS LCD بحجم ٦ بوصة، ودقة وضوح ٢١٦٠ × ١٠٨٠ بكسل، وكثافة بكسلات ٤٠٢ بكسل.
• الشاشة بتيجي بالأبعاد الجديدة للعرض ١٨:٩.
• الشاشة مزودة بطبقة حماية إضافية ضد الكسر Corning Gorilla Glass 5.

العيوب

• لا يوجد.

تجربة المستخدم

• شاشة الموبايل حجمها مناسب جدًا لمشاهدة أفلام الفيديو والقراءة عليها.
• زوايا الرؤية والووضح مناسبين جدًا ومريحة للعين حتى في ظروف الإضاءة المختلفة.
• للأسف دقة وضوح وسطوع الألوان بتقل تلقائي وبمجرد ما الموبايل بيوصل شحن البطارية فيه لـ ٢٠٪، ومهما عليت درجة السطوع هتفضل قليلة، والحركة دي ورغم إنها بتوفر البطارية لكنها متاحة في معظم الموديلات اللي في السوق عند ٥٪ مش ٢٠٪ زي أوبو.
• رغم إن زراير التنقل متاحة في الموبايل جوه الشاشة، فالمستخدم يقدر يستغنى عنها ويستعمل اللمس للتنقل جوه الموبايل وده عن طريق السحب من ناحية اليمين للأعلى (Back)، وعن طريق السحب من المنتصف للأعلى تروح للـ Home، ولو محتاج تروح للبرامج اللي شغالة في خلفية الموبايل هتسحب من منتصف الشاشة للأعلى، وعلشان تشوف شريط المهام زي الواي فاي والثري جي، بيتم ده عن طريق السحب ناحية الشمال.
• لمبة إشعارات الموبايل بتنوّر بلون واحد بس، هو الأبيض، وبيظهر عند وجود إشعارات واتساب أو فيس بوك بس، وللأسف المستخدم مش هيقدر يعرف هل الموبايل تم الشحن ولا لأ غير لو نوّر شاشة الموبايل.

الأداء

المميزات

• الموبايل بييجي بنظام تشغيل نوجا، وبييجي ببروسيسور ثماني النواة Mediatek MT6763T Helio P23 بتردد 2.5 جيجاهرتز، مع رام داخلي بسعتي ٤ و ٦ جيجابايت وميموري داخلي بسعتي ٢٣ جيجا و ٦٤ جيجابايت، وممكن تضيف ميموري خارجي بسعة توصل لغاية ٢٥٦ جيجابايت.
• الموبايل بيدعم تشغيل شريحتين اتصال وميموري خارجي في نفس الوقت، وكمان تقنية الجيل الرابع للاتصال.
• الموبايل بيدعم وجود مستشعر بصمة الإصبع، وتقنية الـ OTG، والجيروسكوب.

العيوب

• الموبايل مش بيدعم تشغيل راديو FM.

تجربة المستخدم

• أداء الموبايل مميز جدًا وواجهة الموبايل تقريبًا نفس واجهة نظام موبايلات أبل.
• الموبايل بيقدم تجربة مميزة في التصفح والتنقل وتشغيب اكتر من برنامج في نفس الوقت، والمستخدم مش هيلاحظ أي بطء في استعمال الموبايل، وده بفضل الرام المميزة وكمان واجهة اوبو اللي بتكون ملائمة لمواصفات الموبايل وبتسهل كتير من استجابة الموبايل للمهام المطلوبة.
• أداء بصمة الموبايل سريع جدًا، والمستخدم مش هيواجه أي تأخير أو تهنيج عند استعمالها.
• الموبايل خيار كويس لعشاق الألعاب وده بفضل سرعته وكمان دقة وحجم شاشة الموبايل.
• سماعات الموبايل صوتها نقي وواضح، لكن وجودها في الجهة السفلية جهة اليسار بيقلل من صوتها عند الاستماع للفيديو أو ممارسة الألعاب المختلفة.
• أوبو بتسمح للمستخدم بتشغيل أكتر من برنامج واتساب وفيس بوك على الموبايل.
• ميزة مهمة جدًا من أوبو وهي إن الشريحتين بيدعموا تشغيل الإنترنت، واحدة منهم 3G ن والتانية 4G.

الكاميرا

المميزات

• الموبايل بييجي بكاميرا خلفية بدقة ١٦ ميجابكسل بفتحة عدسة F1.8 وفلاش أحادي.
• الكاميرا السيلفي للموبايل بتيجي بدقة ٢٠ ميجابكسل، ومزودة بتقنية التعرف على الوجه بفضل ميزة الذكاء الاصطناعي.

العيوب

• الكاميرا الخلفية مفيهاش تقنية الـ IOS.

تجربة المستخدم

• أداء الكاميرا السيلفي مميز جدًا وتقنية عزل الصور فيها بيتم بشكل رائع.
• مع ميزة التعرف على الوجه اللي بتقدمها الكاميرا هيكون بإمكان المستخدم إنه يزود حماية موبايله عن طريق تعرف الموبايل على وش المستخدم، واللي بيتم بسرعة كبيرة جدًا، ومفيش تهنيج ولا تأخير منها خالص، وبتشتغل بشكل كويس حتى في الإضاءة القليلة، لكن طبعًا من السهل خداع الكاميرا لو تم وضع صورة للمستخدم (وده تحذير من أوبو كمان)، لكن وجود التقنية دي بيرفع من مميزات الموبايل.
• كمان ميزة الذكاء الاصطناعي للكاميرا السيلفي بتسمح للكاميرا إنها تدرس كل تفاصيل وش المستخدم وعند التصوير بتجمع التفاصيل دي من الصور السابقة ليها وتظهره بأحسن شكل، ودي ميزة قوية وأحسن بكتير من الوضع الجمالي اللي موجود بموبايلات تانية.
• الكاميرا الخلفية دقة صورها كويس جدًا، لكن بتقل في الإضاءة الضعيفة رغم عن فتحة العدسة واسعة وده لسبب مش معروف، كمان للكاميرا الخلفية مش موجود فيها ميزة البورتريه، ولو حصل أي اهتزاز لإيد المستخدم الصور المستخدم بيفقد جزء من جمال الصورة، كمان الكاميرا مش بتوفر ميزة البورتريه زي الكاميرا السيلفي.

البطارية

المميزات

الموبايل بييجي ببطارية بسعة ٣٢٠٠ مللي أمبير.

العيوب

• البطارية مش بتدعم تقنية الشحن السريع.

تجربة المستخدم

• البطارية بتتسحن شحنة كاملة في ساعتين ونص تقريبًا.
• الموبايل بيقدم تجربة أداء مناسبة جدًا وتكفي يوم كامل من الاستعمال المكثف.

ممكن تشوف موبايل Oppo F5 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.