كتب: محمد عبد الرحمن

 Huawei Mate 10 Pro واحد من أحدث وأقوى الموبايلات اللي أنتجته شركة هواوي في السنوات الأخيرة. الموبايل اللي أضافت ليه هواوي مميزات كتيرة ومن أهمها ميزة الذكاء الاصطناعي، واللي هنتعرف أكتر عليه وعلى باقي مواصفات الموبايل في الريفيو ده، ولو عجبك الموبايل تقدر من خلال ياقوطة تعرف أحسن الأسعار ليه وتقارن بينهم، وممكن كمان تطلبه من خلالنا وهيوصل لغاية عندك وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

وصف الموبايل

• الموبايل بالكامل من الزجاج، والغطاء من الألومنيوم.
• الجهة الأمامية هنلاقي مع شاشة الموبايل كاميرتين سيلفي مزودين بفلاش مع وجود لمبة إشعارات LED.
• الجهة الخلفية هنلاقي كاميرتين مزودين بفلاش، مع وجود مستشعر بصمة.
• الجهة اليمنى للموبايل هنلاقي زري التحكم في الصوت، وزر منفصل للباور، مع وجود درج خاص بشريحتي الموبايل والميموري الخارجي.
• الجهة السفلية للموبايل هنلاقي منفذ شحن الموبايل ومكان سماعات الهاند فري، مع وجود سماعات الموبايل.

الشاشة

المميزات

• شاشة AMOLED بحجم ٦ بوصة، ودقة عرض ٢١٦٠ × ١٠٨٠ بكسل، مع كثافة بكسلات ٤٠٢ بكسل، والأبعاد الجديدة ١٨: ٩.
• شاشة الموبايل مزودة بطبقة حماية إضافية ضد الكسر Corning Gorilla Glass.

العيوب

• لا يوجد

تجربة المستخدم

• هواوي نجحت إنها تقدم شاشة بحجم ٦ بوصة، بحجم موبايل قليل، والمستخدم مش هيحس إنه ماسك موبايل بشاشة كبيرة بفضل أبعاد الموبايل اللي راعت فيها هواوي الأناقة والشكل الحلو اللي تقريبًا مفيش أي Frame حوالين الشاشة.
• الشاشة بتعرض للمستخدم فيديوهات دقة HDR ودي رغم عدم انتشارها كتير، لكن تعتبر طفرة كبيرة عن شركة تهتم بتقتني لسه ما اتنفذتش بشكل كبير، يعني بتوعد المستخدم بتاعها بتقنية كبيرة وجديدة.
• الشاشة بتقدم تجربة أداء وعرض للصور والأفلام بشكل ممتع جدًا ومريح للعين حتى في أشعة الشمس المباشرة.

الأداء

المميزات

• الموبايل بييجي ببروسيسور ثماني النواة Hisilicon Kirin 970 مزود بتقنية الذكاء الصناعي، ومعالج رسومي Mali-G72 MP12 مع رام بسعة كبيرة ٦ جيجابايت، مع ميموري داخلي بسعة ١٢٨ جيجابايت.
• الموبايل بييجي بأحدث نسخة تشغيل أندرويد اوريو.
• الموبايل بيدعم وجود مستشعر بصمة الإصبع، وتقنية الجيروسكوب، والإنفرا، والـ NFC وكمان منفذ الشحن الجديد 1, Type-C 1.0.
• الموبايل مقاوم للمياه.
• الموبايل بيدعم نظام PC Mood

العيوب

• للأسف الموبايل مش بيدعم وجود منفذ توصيل السماعات 3.5 مللي.
• الموبايل مش بيدعم تشغيل راديو FM.
• الموبايل مش بيدعم إضافة ميموري خارجي.

تجربة المستخدم

• أداء الموبايل قوي، سريع، مميز مهما كان استخدامك ليه وده بفضل الرام الكبيرة والمعالج القوي، وكمان تقنية الذكاء الاصطناعي.
• الموبايل يعتبر تاني موبايل في العالم يصدر بنسخة الأندرويد الأحدث أوريو – حتى وقت إصداره-، والحقيقة إن مفيش فرق كبير بين استخدام النسخة دي ونسخة المارشملو حتى واجهة هواوي مفيش فروق واضحة بينها وبين النسخ اللي قبل كده.
• الموبايل يعتبر خيار ممتاز لعشاق الألعاب واللي هيستمتعوا بممارسة الألعاب بأعلى دقة ليها.
• ميز الـ PC Mood تقدر تشغل من خلالها الموبايل كإنه جهاز كمبيوتر من غير الحاجة لأي توصيلات غير واصلة HDMI بس، وعند تشغيل الموبايل بالشكل ده مش هتقدر تشحن الموبايل.

الذكاء الصناعي

• ودي هواوي دشنت ليها حملة دعاية كبيرة جدًا من قبل المؤتمر الصحفي وده لإنه أول معالج في العالم ييجي بتكنولوجيا الذكاء الصناعي وزي ما قالت هواوي إنه بيوفر لغاية ٥٠٪ من استهلاك البطارية، وبيدي قوة في الأداء العام للموبايل أسرع ٢٥ من المعالجات العادية، ومن خلال التكنولوجيا دي الموبايل بيقدر من خلال تحليل استخدامنا للموبايل إنه يتعرف على طبيعة البرامج اللي بنعتمد عليها بشكل يومي ويقفل باقي البرامج والتطبيقات اللي مش بنستخدمها كتير.
• ميزة كمان للذكاء الصناعي لمعالج موبايلات هواوي الجديدة مفيدة في المكالمات، وهي إن المعالج بيقدر يحدد مدى قوة صوتك وانت بتتكلم فلو كانت عالية زيادة أو مش عالية قوي هو بيتحكم في نقل الصوت للي بيكلمك بشكل كويس ومسموع كفاية في حالة كان الصوت مش عالي قوي أو العكس.

الكاميرا

المميزات

• الموبايل بييجي بكاميرا خلفية مزدوجة بدقة ١٢ ميجابكسل، و ٢٠ ميجابكسل، مع وجود فلاش LED مزدوج (الكاميرتين بفتحة عدسة F1.6).
• الكاميرا بتصور فيديو بدقة عرض 4k.

العيوب

• دقة الكاميرا السيلفي للموبايل ٨ ميجابكسل، وكان الأفضل تكون أفضل من كده مقارنة بفئة الموبايل وسعره.

تجربة المستخدم

• صور الموبايل مميزة وده بفضل العدستين اللي يعتبروا الأفضل في السوق، الكاميرا الأساسية بتكون بدقة ١٢ ميجابكسل واللي بتصور الصور الطبيعية، والكاميرا التانية اللي بتصور معاها بتكون بدقة ٢٠ ميجا بكسل، واللي بيدمجوا الصور مع بعض والنتيجة صور غنية بالتفاصيل ومفيش فيها أي Noise.
• كاميرا الموبايل الأولى بتكون بتقنية الـ Ios والتانية لأ، لكن ده مش بيأثر على جمال تصوير الفيديو بتاعك لإن الكاميرتين بيشتغلوا مع بعض عند تصوير الفيديو.
• الذكاء الاصطناعي دوره مع الكاميرا إنه بيقدر يتعرف على طبيعة الأشياء اللي بتصورها لو شخص أو حيوان أو نبات والميزة هنا إنه بيظبط الإضاءة المحيطة بالجسم اللي بتصوره تلقائيًا بحيث تكون مناسبة لطبيعة الجسم ده والصورة تطلع بشكل أحسن.

البطارية

المميزات

• بطارية بسعة ضخمة ٤٠٠٠ مللي أمبير.
• البطارية بتدعم تقنية الشحن السريع.

العيوب

• البطارية مش بتدعم تقنية الشحن اللاسلكي

تجربة المستخدم

• البطارية بتتشحن شحنة كاملة في ساعة و ٢٠ دقيقة تقريبًا، وده وقت قليل جدًا.
• البطارية بتكفي معاك لغاية يوم ونص أو يومين من الاستخدام، وبتكفي معاكل لغاية 7 ساعات تقريبًا في وضع الـ Screen On.

ممكن تشوف موبايل Huawei Mate 10 Pro من هنا.