كتبت: أمنية عزمي

أول حاجة بنعملها لما نصحى من النوم إننا نشرب حاجة سخنة، شاي نسكافيه أو أي مشروب مفضل، زمان كنا بنصحى نغلي مية في البراد على النار ونستنى علشان نعمل مشروباتنا، لكن دلوقتي الغلايات الكهرباء حلت الموضوع ده وبقيت تقدر تحضر مشروبك في وقت قليل جدًا، مع العلم إنها بتوقف غليان وتفصل أول ما المية تغلي. يعني مش بتبخر مية كتير وترسب أملاح زي البراد، ومع انتشار أنواع الغلايات في السوق واختلاف أسعارها في شوية عوامل تختار على أساسها زي حجم أو سعة الغلاية وسرعة غليانها وإن مايكونش فيها سخان داخلي ظاهر، بعد كده ممكن تشوف النوع اللي تحبه زي التصميم ويد الغلاية واللون والخامة اللي تحبها وطبعا الميزانية اللي محددها هتساعدك في سرعة الاختيار.

هنتكلم في المراجعة دي مع ياقوطة على واحدة من أقوى الغلايات غلاية ستانلس ستيل كينوود SJM290- ١٫٧ لتر وهنتعرف على أهم مواصفاتها ومميزاتها وعيوبها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• سعته ١٫٧ لتر يعني يكفي حوالي ٨ كوب ماء مغلي، مناسب للعائلات الكبيرة والشركات والمكاتب.
• قدرته الكهربائية ٢٢٠٠ وات، يعني سريع في التسخين ومش بياخد وقت.
• مزود بقاعدة منفصلة، وده بيديله أمان أكتر في الحركة لأنه مش مرتبط بطول سلك وكمان أمان للأطفال وكبار السن. بالإضافة لحرية حمله من مكان لمكان دون التقيد بفصل السلك زي الأنواع اللي بدون قاعدة.
• مزود بمؤشر خارجي شفاف لمعرفة مستوى المياه واللي بيساعدك تملاه للحد اللي محتاجة حسب عدد الأكواب وطبعًا بيكون ليه مؤشر لأقل حد وأقصى حد.
• جسمه الخارجي والداخلي من الاستانلس ستيل النقي والصحي وضد الصدأ وبيمنحه شكل جمالي.
• مزود بهيتر (سخان) غير مرئي، وده صحي أكتر علشان مايتفاعلش مع الأملاح والمعادن في المية.
• مصمم بيد مريحة عازلة للحرارة تسهل حمله بدون مشاكل.
• مزود بفلتر لتنقية المياه من الجير المترسب سهل التنظيف علشان يمنحك مياه صحية ونقية.
• سهلة التنظيف من الداخل، لأنها مزودة بفتحة كبيرة تقدر تدخل ايدك فيها بسهولة لتنظيفها، وفتحة مصممة باحترافية لصب المياه المغلية منها بسلاسة دون تسريب.
• تصميم القاعدة ٣٦٠ درجة المناسب لقاعدة الغلاية للحفاظ على ثباتها بشكل آمن.
• كينوود ماركة قيمة معمرة من الماركات المعروفة بإتقانها وأناقتها وبتعتبر قطعة قيمة في أي مكان.
• عليها ضمان سنتين.

العيوب

• وزنها تقيل نسبيًا لأن وزنها بيتعدى الكيلو وهو فارغ وبالتالي لما بيتملي بيزيد وزنه، علشان كده يجب الحرص في التعامل أثناء حمله.
• استهلاكها للكهرباء عالي خاصة لو بتستخدمها بشكل مستمر.

خدمة العملاء

• مراكز صيانة كينوود بتوفرلك سرعة الخدمة خلال ٢٤ ساعة مع فريق متخصص عالي الكفاءة، قطع غيار أصلية بالضمان، شهادة معتمدة، رقم الصيانة ١٩٠٨٩ ومراكزهم متوفرة في كل أنحاء الجمهورية.

تجربة المستخدم

• هايلة، عندي بقالها ٥ سنين وماما جايباها من سنتين والصراحة حلوة جدًا وسريعة ومش بتغير طعم المية وتنضيفها سهل. بحط فيها شوية مية وخل وأغليهم وأسيبهم شوية واشطفها بتخليها جديدة من تاني.

شوف غلاية كينوود ستانلس SJM290 سعة ١٫٧ من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.