كتبت: أمنية عزمي 

بعض المستهلكين بيحبوا إن الأجهزة تكون منفصلة بذاتها زي مثلًا إنه يجيب فريزر قائم بذاته غير فريزر التلاجة، وده بيبقى على حسب استخدام كل واحد واحتياجاته، وبما إن السوق مليان نماذج مختلفة وبينهم فروقات كتير وكل واحد ليهم ليه مواصفات ومميزات وعيوب يبقى مبدئيًا بتحدد الفئة اللي محتاجها بناءً على المساحة وإذا كان فريزر أفقي ولا رأسي وحجم الفريرز بالنسبة لعدد الأفراد، هنساعدكم في المراجعة دي تتعرفوا على نوع من أنواع الفريزر الرأسي اللي مش بيحتاج مساحة كبيرة على الأرض وفي نفس الوقت سعته الداخلية كبيرة لأنه منظم بأدراج تساعدك تلاقي الأغذية بشكل سريع.

هنقدملكم مراجعة مع ياقوطة عن ديب فريزر فريش رأسي نوفروست ديجيتال-٦ درج سعة ٢٠٠ لتر استانلس ستيل ونقولكم أهم مواصفاته ومميزاته وعيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• حجمه متوسط بسعة ٢٠٠ لتر.
• يعمل بتقنية نوفروست اللي بتعمل على عدم تكوين الثلج وبالتالي بيوفر المساحة كاملة. وكمان بيوفر المجهود والوقت اللي بيحتاجه الفريزر العادي اللي بيكون ثلج للتنظيف.
• مقسم لـ ٦ أدراج ودا بيخليه منظم وبيسهل من عملية وصولك لأي أغذية محفوظة بسبب تقسيمة الأدراج.
• الأدراج مصنعة من البلاستيك القوي اللي بيتحمل الأوزان ومزود بمقبض سهل في استعماله لحمل الدرج بالوزن بشكل سليم.
• مش بيحتاج مساحة كبيرة لأنه أقل في الحجم أفقيا لكن بياخد من مساحة الحائط بشكل رأسي.
• سهل النقل من مكان لمكان.
• مزود بإضاءة داخلية يساعدك تلاقي اللي محتاجة لما تفتح الفريزر.
• الجسم الخارجي للفريزر مصنوع من الاستانلس ستيل المقاوم للصدأ.
• بيتحمل العمل في درجات الحرارة العالية.
• مزود بشاشة عرض خارجية تقدر تعرف منها درجات الحرارة وكمان فيه خاصية تعديل درجات الحرارة.
• عليه ضمان ٥ سنوات.
• مزود بجوانب سميكة تحافظ على درجة البرودة لفترات طويلة.

العيوب

• تقنية النوفروست بتستهلك كهرباء كتير أكتر من العادي.
• الأدراج مش شفافة زي الأنواع التانية، وبالتالي هتحتاج تفتحها علشان تعرف اللي داخلها.

خدمة العملاء

• شركة فريش بتديك ضمان ٥ سنوات على الفريزر، عندهم مهندسين وفنيين لكل الأعطال وده رقم الاتصال لشكاوى خدمة العملاء 19059. الحقيقة فيه اختلاف في آراء الناس عن الخدمة، ناس بتشكر فيهم وناس بتشتكي منهم وإنهم مش بيهتموا وبيدوا مواعيد ومش بيلتزموا بيها وإن فيه بعض الفنيين تعاملاتهم دون المستوى.

تجربة المستخدم

• جبته وكان شغال حلو وبعد شهرين تبريده ابتدى يقل ويسخن من الجوانب واتصلت بالصيانة وصلحوه لكن تبريده مش حلو وندمت إني جبته.

شوف ديب فريزر فريش رأسي نوفروست ديجيتال- ٦ درج- سعة ٢٠٠ لتر استانلس ستيل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.