كتبت: أمنية عزمي

الشعر أحد أهم مظاهر الجمال اللي كل الناس بتسعى إنه يكون في أحسن حال، وللأسف معظمنا بيكون عنده مشاكل في الشعر سواء بسبب سوء التغذية أو الأكل الغير صحي والشمس والصبغة والسشوار، بالإضافة للعادات السيئة اللي معظم الناس بتعملها زي استخدام الشامبوهات العادية اللي بتحتوي على مواد كيماوية وكمان لجوء الكثير من السيدات والبنات لفرد الشعر بالكيراتين وغيره وده بيقضي على الشعر تمامًا، كل العوامل دي بتأدي لتساقط الشعر وجفافه وتقصيفه، وطرق علاج الشعر بتتمثل في نقط كتير أولها إنك تعرف ان الشعر زي النبات بيحتاج اهتمام وعناية من الجذور علشان يطلع بمظهر صحي وده بيحصل من خلال روتين يومي وأسبوعي لتغذية الشعر والعناية المثالية ليه.

Strong Ville من ضمن طرق العناية بالشعر بمجموعته المميزة اللي بتتميز بكونها من مكونات طبيعية واللي بينصح بها معظم أطباء الجلدية وخبراء العناية بالشعر والمميز فيه ان أسعاره مناسبة وأقل من منتجات كتير في سعره وبيدي نتيجة هايلة.

هنتكلم في المراجعة دي مع ياقوطة  عن Strong Ville إكسترا- شامبو وبلسم للشعر المجعد 220 مل وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر بنفسك تقارن بينهم وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: ST517HB04VYGANAFAMZ
• خامة العبوة: بلاستيك.
• اللون: أبيض.

المميزات

• كل مكوناته طبيعية 100% وكل مكون منهم ليه خصائص مهمة للشعر هنتكلم عليها بالتفصيل..

زيت الأرغان: بيستخرج من شجرة لوز الأرغان، وبيمد الشعر بالتغذية اللازمة لانه بيحتوي على مجموعة من الأحماض الدهنية الأساسية اللي بتفيد في علاج الشعر المجعد وبتخليه ناعم وسهل التصفيف، بالإضافة إنه بينشط الدورة الدموية لجلد الرأس وبالتالي بيساعد العناصر الغذائية إنها توصل لجذور الشعر وتسرع نموه.

زيت الأيمو: مشتق من الأنسجة الدهنية لطائر الايمو (من فصيلة النعام) ليه فوائد كتير للجسم، وبالنسبة للشعر بيساعد بشكل رئيسي في علاج قشرة الرأس عن طريق انه بيقضي  عالفطريات اللي بتسبب القشرة، وبيرطب فروة الرأس ويمنع جفافها ويساعد في تقوية بصيلات الشعر لنمو صحي.

الكيراتين: وهو عبارة عن مادة طبيعية بيفرزها الجسم في الأساس حسب نوع الأغذية اللي بيتغذى عليها الجسم وبالتالي لما بتكون غير صحية بتقلل المادة اللي بتتكون من البروتين والأحماض الأمينية المهمة للشعر والأظافر، وإضافة الكيراتين بيغذي الشعر ويعوض الكميات اللي فقدها الجسم بسبب سوء التغذية.

البيوتين: هو فيتامين H أو فيتامين B7 اللي بيعتبر أحد أهم العناصر الغذائية الأساسية اللي بتقوي بصيلات الشعر وبتزود معدل نموه وتكثفه.

زيت الزيتون: غني عن التعريف، بيمنع تهيش الشعر ويعالجه من الجفاف (بلسم طبيعي)، وبيرطب فروة الرأس، بيمنع تساقط الشعر، بيعزز لمعانه، بيغذيه وبيساعد الشعر انه يطول بسرعة.

زيت الجوجوبا: منظف هايل لفروة الرأس لأنه بيساعد على تنضيف المسام وبيزيل الأتربة والزيوت المتراكمة اللي بتتسبب في سقوط الشعر، بيعزز اللمعان وبيحفز الشعر عالنمو.

• من المكونات السابقة نقدر نقول إنه بيغذي الشعر من الجذور للأطراف وبيوفر العناصر الغذائية الكاملة لشعر صحي وبيعالج القشرة والنتيجة شعر صحي لامع.
• عبوة الشامبو عبارة عن علبه بلاستيك 220 مل بفوهة متوسطة بيكفي منه ضعطتين أو حسب طول الشعر ومش بيرغي لأنه خالي من سلفات الصوديوم اللي بتأذي الشعر واللي بتتكون منها الشامبوهات العادية مش الطبية.
• ريحته حلوة جدًا غالبة على ريحة زيت الأرغان لأنه من مكوناته الأساسية وبيسيب الشعر نضيف منعش بريحة جميلة لفترة طويلة.
• سعره منافس جدًا في السوق وأقل كتير من المستورد وبيدي نفس النتيجة.

العيوب

• بينشف الشعر وبيحتاج بعده كريم مرطب أو بلسم وبيفضل استخدام مجموعة Star Ville الكاملة لعناية متكاملة للشعر.

تجربة المستهلك

• استخدمته لفترة طويلة حوالي 5 شهور وفرق معايا جدًا، التساقط قل جدًا وشعري بقى صحي رغم ان شعري جاف أصلا لكن كنت بستخدم بعده الكريم المرطب لأنه بينشف الشعر وأنصح باستخدام المجموعة كاملة للوصول للنتايج المطلوبة.
• ما نفعش مع شعري ونفع مع شعر بنتي، وده طبيعي في أي منتج انه بيناسب شخص وشخص تاني لأ، لكن كان كويس مع بنتي جدًا ومنع تساقط الشعر وبيحتاج تداوم عليه.

شوف Strong Ville إكسترا- شامبو وبلسم للشعر المجعد 220 مل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 15 شهر، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.