أبرز منتجات شاومي ستور إللي تقدر تطلبها من ياقوطة
كتب: خالد عاصم
تعرف إن شركة شاومي عندها منتجات أكتر بكتير جدًا من الموبايلات، وإن منتجاتها دي بتتميز بنفس مميزات موبايلات من حيث السعر المنافس جدًا والإمكانيات المتميزة جدًا؟ لو ما كنتش تعرف فأنت دلوقتي عرفت، وفي المقال ده هنعرفك أكتر على عدد من منتجات شاومي اللي طرحتها الشركة الصينية على متجرها الإكتروني وبقت متوفرة دلوقتي من خلالنا في ياقوطة.
طبعًا أي منتج من منتجات شاومي اللي هنتكلم عنها النهارده هتلاقيها متوفرة عندنا وهتقدر تطلبها من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
سماعات ومكبرات صوت شاومي
سماعة شاومي مي ٢ بلوتوث
سماعة بلوتوث ممتازة جدًا سواء على مستوى التصميم المريح المناسب لأي ذوق أو البناء اللي بيجمع بين القوة والمتانة وبين خفة الوزن، فالسماعة بتعتمد على سبائك الألومنيوم في صناعة الجزء العلوي وبتعتمد على بلاستيك من أنواع PC وABS في صناعة الجزء السفلي، بلمسة زر واحدة بس تقدر تستفيد من كل إمكانيات السماعة اللي من بينها نطاق لاسلكي قدره ١٠ متر وقوة صوت ٥ وات أما البطارية اللي سعتها ١٢٠٠ ميللي أمبير في الساعة فتقدر تشتغل لحد ٧ ساعات متواصلة.
شوف سماعة شاومي مي ٢ بلوتوث من هنا.
مكبر صوت شاومي مي بلوتوث المحمول
متخليش الأبعاد الصغيرة والحجم الخفيف للسماعة دي يخدعك، فعلى الرغم من أبعاد السماعة الصغيرة اللي متعديش ٥٢ × ٥٢ × ٢٥ مم إلا ان صوتها قوي جدًا وبتتميز رغم وزنها الصغير جدًا بقوة صوت جبارة وكمان دعم تقنية بلوتوث ٤٫٠ المتميزة المتوافقة مع كل أنواع الموبايلات.
شوف مكبر صوت شاومي مي بلوتوث المحمول.
مكبر صوت شاومي مي بلوتوث بتصميم العلبة
إمكانيات ممتازة وصوت جبارة في هيكل صغير وخفيف بفضل الخليط من الألومنيوم والبلاستيك اللي بتعتمد عليه السماعة في صناعتها، السماعة مكونة من سماعتين داخليتين بقوة ٥ واط وفيها بطارية قوية بتقدر تشتغل لحد ١٠ ساعات كاملة والسماعة متوافقة مع كل الأجهزة اللي بتدعم تقنية الاتصال اللاسلكي بلوتوث ٤.٠.
شوف مكبر صوت شاومي مي بلوتوث التصميم المربع من هنا.
مكبر صوت شاومي مي ٢.٠
واحدة من أفضل سماعات البلوتوث الموجودة في السوق خصوصًا في السعر ده، فالسماعة بتتميز بإمكانيات كتير ممتازة منها إنها مكونة من سماعتين كل سماعة منهم بقوة ٣ وات وبقوة نهائية ٦ وات للسماعتين، وكمان فيها ميكروفون تقدر من خلاله تعمل تستقبل مكالماتك لو وصلت السماعة بالموبايل، أما البطارية فسعتها ١٥٠٠ ميللي أمبير في الساعة بتقدر تشتغل لحد ٨ ساعات كاملة.
شوف مكبر صوت شاومي مي ٢٫٠ من هنا.
سماعة أذن شاومي مي ان برو
بالسعر ده صعب قوي إنك تشتري سماعة أذن سلكية احترافية، بس شاومي حلت المشكلة دي مع سماعتها مي ان برو اللي بتمتاز بمكبر صوت داخلي ديناميكي باستجابة ترددات من ٢٠ هيرتز لحد ٢٠ كيلو هيرتز بحساسية ٩٣ ديسيبل وبمقاومة ٣٢ أوم يعني زيها زي أي سماعة احترافية بتتكلف مبلغ كبير جدًا، السماعة سلكية بتعتمد على منفذ ٣٫٥ مم.
شوف سماعة أذن شاومي مي ان برو السلكية من هنا.
ماوسات محمولة شاومي مي
بتقدم شاومي ماوسات محمولة بتقنية الاتصال اللاسلكي بلوتوث ممتازة، وبتقدر الماوس دي إنها تتوصل بأكتر من كمبيوتر في نفس الوقت على شرط إنها تكون بتشتغل بويندوز ٧ أو ٨ أو ١٠، نطاق بلوتوث الماوس بيوصل لحد ١٠ متر عشان الراحة وسهولة الاستخدام، أما دقة استخدام الماوس فبتوصل لحد ٩٥ في الميه بفضل تقنية الليزر المتطورة، أما الهيكل الخارجي فخفيف جدًا ورغم كده مضادة للخدش والبصمات بفضل الألومنيوم المؤكسد المستخدم في صناعة الماوس.
شوف ماوس شاومي مي بلوتوث المحمول من هنا.
باور بنك مي ٢ من شاومي سعة ٢٠٠٠٠ مللي أمبير في الساعة
بتقدم شاومي مجموعة من أفضل الباور بنك أبرزها الباور بنك ده سعة ٢٠٠٠٠ ميللي أمبير في الساعة واللي بيقدر يشحن شحن سريع لجهازين في الوقت نفسه بفضل منافذه وكمان بفضل بطاريات الليثيوم بوليمر الممتازة اللي بيعتمد عليها.
شوف باور بنك شاومي بمختلف أنواعه من هنا.
ملحقات شاومي المختلفة
موزع USB رباعي المداخل
موزع مفيد ومهم جدًا بيعتمد على ٤ مداخل منهم ٢ مدخل USB وواحد مدخل لكابل الإنترنت RJ45 وواحد مخرج للشاشة VGA وبيتميز الموزع بأبعاده المدمجة وبخفة وزنه وكمان بمتانة صناعته.
شوف موزع USB رباعي المداخل من هنا.
عصا سيلفي مونوبود مع سلك كهربي
حامل مونوبود أو عصى سيلفي أحادية مصنوعة من الألومنيوم الخفيف اللي بيوصل وزنها لحد ١٣٢ جرام بس، والحامل مزود بسلك بيتوصل بالموبايل من خلال منفذ ٣٫٥ مم عشان شحن الحامل واستخدامه.
شوف عصا السيلفي من شاومي من هنا.
شوف مختلف عروض أسعار منتجات شاومي المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.