كتب: محمد حمدي

بعد سنين من التعامل مع مراجعات الموبايلات ودراسة مواصفاتها وأسعارها، كتير بيسألنا صحابنا: عاوزين تليفون إمكانياته كويسة، يشتغل فترة طويلة من غير أعطال. ويكون سعره رخيص. وفي كل مرة بتكون شاومي هي أول شركة تخطر على بالنا لما نتسأل عن المعادلة دي. وتليفون شاومي ريدمي نوت ٨ بيؤكد القاعدة دي ومش بينفيها.

تابعنا في المراجعة دي مع ياقوطة علشان تتعرف على أهم مواصفات ومزايا وعيوب Xiaomi Redmi Note 8  ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري مميزات وعيوب شاومي ريدمي نوت 8 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• حجم الشاشة: ٦.٣ بوصة.
• قدرة الكاميرات الخلفية: ٤٨+ ٨+ ٢+ ٢ ميجا بيكسل.
• قدرة الكاميرا الأمامية: ١٣ ميجا بيكسل.
• سعة التخزين: 32 و 64 جيجا بايت.
• سعة الرامات: 3 و 4 جيجا بايت.
• سعة البطارية ٤٠٠٠ ملي أمبير.

المميزات

• تصميم التليفون حديث وعملي وبيدي الشاشة أكبر مساحة ممكنة من التصميم علشان الناس اللي بتحب تلعب جيمز أو تقرا كتب تكون عينها مرتاحة مع الشاشة الكبيرة.
• دقة الشاشة عالية وأدائها وحجمها كويسين. وبتيجي بطبقة حماية إضافية من الخدوش والصدمات. وبتقدم أداء كويس تحت أشعة الشمس المباشرة (٤٠٩ بيكسل لكل انش).
• معالج التليفون Snapdragon 665 بيقدم أداء كويس مقارنة بالسعر وباقي المواصفات الفنية.
• شاومي بتقدم خدمة ما بعد البيع والصيانة بشكل ممتاز وبتغطي كل مصر تقريبا.
• ممكن تزود ذاكرة التليفون باستخدام كروت الميموري اللي استخدامها مش بيأثر على الشريحة الإضافية. يعني ممكن تزود مساحة التخزين وتستخدم شريحتين في نفس الوقت.
• كاميرات التليفون الخلفية أو الأمامية بتقدم أداء أكتر من رائع سواء في تصوير الصور التقليدية أو السيلفي أو مقاطع الفيديو اللي بتوصل جودتها لـ 4K
• التليفون بيدعم توصيل السماعات من مدخل ٣.٥ مم وتوصيل الاكسسوارات بنمط OTG وكل دي حاجات بتسهل استخدامه جدا.
• بطارية التليفون سعتها ٤٠٠٠ ملي امبير ودي سعة كبيرة مقارنة بباقي المواصفات كمان بتيجي مع القدرة على الشحن السريع بقوة ١٨ وات.

العيوب

• سعة التخزين الداخلية للتليفون مش كبيرة قوي. وقطاع كبير من المستخدمين هيلاقي نفسه مضطر يشتري كارت ميموري علشان يخزن ملفات أكبر براحته.
• سعة الرامات 3 و 4 جيجا بايت مش أحسن حاجه. والمستخدمين اللي متعودين يفتحوا تطبيقات كتير مع بعضها أو يشغلوا ألعاب تقيله ممكن يلاحظوا بعض بطء في الأداء
• ماينفعش المستخدم يغير البطارية بنفسه، ولازم يروح بالتليفون مركز الصيانة علشان يغيرها. وده بيكلفه وقت ومجهود وفلوس أكتر. بعض موديلات التليفونات بيكون تغيير البطارية أسهل فيها لتوفير الوقت والجهد على المستخدمين.

تجربة المستخدم

• المستخدمين التقليديين اللي عاوزين يتصفحوا مواقع السوشيال ميديا ويسمعوا أغاني ويتفرجوا على يوتيوب ويتصلوا بأصحابهم على برامج واتس أب.. الخ مش هيلاقوا أي مشكلة في التليفون. بالعكس الأداء كويس والبطارية بتستحمل شغل لوقت طويل والشاشة بتقدم أداء كويس.
• أما المستخدمين اللي عاوزين تليفون مافيهوش غلطه. وعاوزين يحملوا ألعاب كتيره وتقيله. أو اللي عاوزين يخلصوا شغل مهم على التليفون ويفتحوا تطبيقات كتير في نفس الوقت ممكن الأداء مايعجبهم بنسبة ١٠٠٪.
• الموبايل بيقدم قيمة ممتازة مقابل السعر. ومع انتشار مراكز الصيانة وخدمة ما بعد البيع مافيش قلق من أي مشاكل ممكن تحصل.

ممكن تشوف Xiaomi Redmi Note 8 من هنا.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتب المقال

محمد حمدي. صانع محتوى من أكتر من ١١ سنة. بحب الكتابة عن المنتجات وتجربة استخدامها بشكل عام. وعن التكنولوجيا بشكل خاص. مهتم بمنتجات شركة Apple وفي وقت فراغي بحاول أتبع نظام حياه صحي قدر الإمكان.