كتبت: ميّ نور

النهارده معانا واحد من أشهر أجهزة سامسونج اللي أصدرته في بدايات ٢٠١٨، وهو موبايل Samsung Galaxy A8 Plus- 2018 اللي بيتميز بمواصفات تتراوح ما بين المتوسطة والراقية، وأسعار كمان ما بين المتوسطة والعالية، خلونا نتعرف أكتر على الموبايل وعلى مواصفاته ومميزاته وأسعاره في السوق، ولو عجبكوا وعايزين تشتروه، تقدروا من خلالنا في ياقوطة تطلبوه وهيوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات Samsung Galaxy A8 Plus- 2018

المميزات

• الموبايل بييجي بهيكل قزاز من قدام ومن ورا، وده بيديله مظهر جمالي وشكل لامع وجذاب وشيك، مع إطارات معدنية في الـ ٤ جوانب عشان تحميه أثناء الحوادث.
• الموبايل بيتميز بمعيار IP68 للمقاومة ضد الميّة والغبار لمسافة متر ونص ومدة ٣٠ دقيقة.
• سامسونج بتتميز دايمًا بصناعة شاشات الـ Super AMOLED اللي بتيجي بجودة عالية وألوان براقة.
• الشاشة بتيجي مع الأبعاد الجديدة ١٨٫٥ : ٩، يعني هتكون متوافقة مع أبعاد كتير من الفيديوهات الحديثة ومواقع زي اليوتيوب.
• الشاشة مدعمة بطبقة كورنينج الغوريلا اللي بتحميها من الخدش.
• الشاشة بتيجي بخاصية Always-on display اللي بتسمح للموبايل بإنه يبين بعض العناصر على الشاشة حتى وهي مقفولة.
• الموبايل بيدعم تركيب بطاقة ذاكرة خارجية بسعة ٢٥٦ جيجابايت، ودي بتيجي في منفذ منفصل ومخصص ليها بعيدًا عن منافذ شرايح الاتصال.
• الموبايل بيدعم الاتصال بشبكات الجيل الرابع 4G.
• الموبايل بيدعم خدمات Samsung Pay للدفع وتحويل الأموال.
• الموبايل بيدعم معالجات قوية.
• الموبايل بيشغل راديو الـ FM.
• كاميرا الموبايل الأمامية والخلفية كويسين بالنسبة لسعره والموبايلات المنافسة له، وبيتميزوا بفتحة عدسات ممتازة.
• الموبايل متوفر بألوان متعددة عشان تناسب الأذواق المختلفة، وهي ألوان الأسود والرمادي والأزرق.
• بطارية الموبايل مناسبة مع حجم شاشته و البروسيسور بتاعه، فهي بتيجي بعمر ٩٢ ساعة تقريبًا مع خاصية الشحن السريع.

العيوب

• أبعاد الموبايل كبيرة وهيكون صعب استخدامه بأيد واحدة، كمان وزنه تقيل وممكن يضايقك لو هتستخدمه لفترة طويلة.
• حجم الشاشة مش كبير على عكس كتير من الموبايلات المنافسة في الفئة السعرية دي، واللي بتدعم شاشات أكبر.
• الموبايل بيدعم مستشعر لبصمات الأصابع في موقع تحت الكاميرا الخلفية، وده أفضل أكيد من موقعها السابق اللي كان جنب الكاميرا وكان صعب الوصول له، لكن حتى الموقع الجديد ممكن يتسبب في تشويه شكل عدسة الكاميرا بالبصمات.
• مساحات الوصول العشوائي قليلة بالمقارنة مع الموبايلات اللي بتيجي بالسعر ده من شاومي وهواوي.
• معالج الرسوميات Mali-G71 ضعيف جدًا وبصراحة وجوده في الموبايل غير مبرر.
• الموبايل مش بيدعم نظام تشغيل الأندرويد أوريو بشكل تلقائي، لكن ممكن يتم تحديثه بعد كده.
• سعر الموبايل مبالغ فيه بشكل غير مبرر، وفيه كتير من الموبايلات بتقدم نفس إمكانياته بأسعار أحسن بكتير.

شوف موبايل Samsung Galaxy A8 Plus- 2018 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.