كتبت: أمنية عزمي

Huawei Y9 2019 الجديد هو المنافس ل Oppo F11 Pro في فئتهم المتوسطة بنفس تصميم الكاميرا الأمامية المنبثقة من جسم الموبايل وقت التصوير، بالإضافة إن التوجه العام في الشاشات انها تكون كاملة بحواف رفيعة جدا بدون نوتش والميزة دي بتكون موجودة في الهواتف الأغلى سعرا، لكن هواوي وفرت الميزتين بأقل سعر موجود حاليا للهواتف الذكية بكاميرا سلايدر أمامية بجودة 16 ميجا بكسل وكاميرا خلفية ثلاثية وبطارية قوية 4000 ملي أمبير ومعالج كيرين 710 مع شاشة 6.59 بوصة، وبكده هواوي اختصت Y9 Prime بتقنية غير متوفرة حتى في هواتف الفئة الرائدة ووفرتها في الفئة المتوسطة بسعر منافس جدا وفعلا حققت سلسلة Y نجاح كبير جدا.

مع ياقوطة هنكمل أهم مواصفات موبايل Huawei Y9 Prime  2019وهنتعرف على مميزاته وعيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بيهم وتقدر كمان تطلبه من خلالنا ويوصلك في أسرع وقت.

**أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• حجم الذاكرة (رام): 4 جيجابايت.
• سعة التخزين: 128 جيجابايت.
• دقة الكاميرا الخلفية: 16 ميجا بكسل.
• الكاميرا الخلفية: ثلاثية بدقة 16 + 8 + 2 ميجابكسل.
• حجم الشاشة: 6.59 بوصة.
• سعة البطارية: 4000 ملي أمبير

التصميم

• الهاتف مصنع من البلاستيك وده بيعرضه للتجريح، ونزل بلون واحد بدون تدريجات علشان يدخل في الفئة السعرية الخاصة به، لكن لمعة الليون اللي بتظهر في ضهر العاتف بتضيف ليه شكل جميل، وزنه حوالي 196 جرام يعني تقيل نوعا ما وصعب الامساك به بيد واحدة خاصة لو حجمها صغير، أبعاده 163.5× 77.3× 8.8 ملي والضهر فيه انحناءات بتخليه مريح في المسكة.
• الواجهة الأمامية للهاتف عبارة عن شاشة بحجم 6.59 بوصة وللأسف مش بيحتوي على لمبة اشعارات.
• أسفل الهاتف هتلاقي ميكروفون المكالمات والسماعة الخارجية ومنفذ للشحن USB Type C ومنفذ سماعات الرأس 3.5 م.
• أعلى الهاتف فيه سلايدر كاميرا Pop Up الكاميرا الأمامية فيه بجودة 16 ميجا بكسل وميكروفون إضافي لإزالة الضوضاء وفيه منفذ لتركيب شريحتين الاتصال أو شريحة واحدة وكارت ذاكرة خارجي.
• على الجانب الأيمين فيه زر التشغيل وأزرار التحكم في رفع وخفض الصوت.
• ضهر الهاتف بيجمع الكاميرا الخلفية الثلاثية بجودة 16+8+2 ميجا بكسل مع فلاش أحادي ليد وشعار AI Camera وأسفلهم في المنتصف مستشعر بصمة الإصبع وأسفلهم شعار Huawei بشكل أنيق.
• الهاتف متاح بألوان أسود وأزرق وأخضر.

أداء الهاتف

• الهاتف بيأتي بمعالج Hisilicon Kirin 710 وبيعتبر واحد من أشهر معالجات الفئة المتوسطة، ثماني النواة بتكنولوجيا 12 نانو اللي بتوفر في استهلاك البطارية مع معالج رسوميات Mali-G51 MP4.
• ذاكرة داخلية 128 جيجابايت مع 4 جيجا رام ذاكرة عشوائية، وفيه إمكانية زيادة الذاكرة الداخلية حتى 256 جيجابايت عن طريق كارت الذاكرة الخارجي لكن في الحالة دي هتستغنى عن وجود شريحة اتصال تانية.
• الأداء العام للموبايل جيد لكن مع واجهة هواوي اللي بتعتبر ثقيلة نوعا ما بتحس بثقل في الموبايل بعد فترة من الاستخدام وبيقطع على خفيف وبتلاحظ الموضوع ده أكتر لو بتستخدم موبايل من أي نوع تاني.
• وبالنسبة للعبة PUBG بتشتغل على الموبايل على High HD جرافيك بسلاسة عالية وبدون ما تهنج وبأداء رائع مع سخونة متوسطة لو لعبت لفترات طويلة.

نظام التشغيل

• يأتي الهاتف بنظام Android Pie 9.0 وواجهة مستخدم EMUI 9.
• الواجهة بتتميز بخصائص متعددة منها خاصية App Lock اللي بتحافظ منها على خصوصية أي تطبيق من خلال استخدام البصمة أو كلمة سر، وبتتميز الواجهة ببرنامج ترجمة فورية لأي لغة، وبتقدر كمان تفتح منها التطبيقات عن طريق رسم الاختصار على الشاشة زي إنك تكتب M علشان تشغل الموسيقى أو تكتب C علشان تستخدم الكاميرا.
• الواجهة بتدعم Dual App اللي بتقدر من خلالها تستخدم تطبيقين في نفس الوقت زي واتس آب وفيسبوك مثلا.
• بتقدر تعمل screenshot عن طريق الضغط ب 3 أصابع، وبيدعم خاصية تسجيل الشاشة Screen Recorder من لوحة الإشعارات، غير إن فيه قائمة من الاختصارات لما بتضغط ضغطة مطولة على بعض التطبيقات والبرامج.
• متاح إمكانية تقسيم الشاشة لنصفين Split Screen وبتقدر من خلالها تفتح تطبيقين في نفس الوقت، مع إمكانية تصغير الشاشة لجانب الشاشة لتسهيل استخدامها بيد واحدة، وإمكانية إضافة درج التطبيقات ووضع eye comfort اللي بيظبط إضاءة الهاتف بحيث تكون مريحة للعين.
• الموبايل مزود بمستشعر بصمة الإصبع اللي بيتميز بدقته العالية وسرعته، واستخدامات البصمة متعددة يعني تقدر تفتح وتقفل بها الهاتف وتقدر ترد منها على المكالمات وتلتقط الصور وتتنقل بيها وتقدر تسحب لوحة الإشعارات لأعلى أو أسفل، وتفعيل المهام دي وإلغائها بيكون من الإعدادات.
• مش بيدعم خاصية التعرف الفتح عن طريق الوجه Face Unlock وغالبا هواوي لغتها علشان تقلل عدد المرات اللي بيتفح فيها السلايدر كاميرا الأمامية.

الشاشة والصوت

• Y9 Prime بيتميز بأكبر حجم شاشة في فئته السعرية بحجم 6.59 بوصة، الشاشة IPS LCD بتعرض 16 مليون لون بكامل الدقة بجودة 1080× 2340 بكسل مع كثافة بيكسلات 391 بكسل لكل بوصة، بتدعم اللمس المتعدد، لكن بتيجي بدون طبقة حماية ومرفق في العلبة شاشة بلاستيك ممكن تستعين بها في الحماية.
• الشاشة أدائها جيد جدا وألوانها جيدة لو فارنتها بفئة Y المعروف عنها إن تشبع الألوان فيها مش قوي، الشاشة كاملة بحواف قليلة جدا وبدون نوتش وده بيدي قيمة للشاشة والألعاب ومشاهدة الفيديوهات عليها بتكون ممتعة، بالنسبة للسطوع وخاصة تحت أشعة الشمس مستواه جيد جدا.
• بالنسبة للصوت فا السماعة السماعة الخارجية صوتها متوسط لكن بالنسبة لسماعة المكالمات الصوت فيها ممتاز وكمان الصوت في سماعة الأذن قوي وواضح بالإضافة إن فيه ميكروفون إضافي لإزالة الضوضاء وده بيحسن جودة الصوت جدا في تسجيل الفيديوهات، في ملحوظة هنا إن الشاشة بتقفل ببطأ وبتحتاج تلمس الأذن بشكل قوي وانت بتتكلم في الموبايل.

الكاميرا الأمامية

• فكرة الكاميرا المنبثقة أو السلايدر نقطة من نقاط القوة اللي الشركة استخدمتها في الهاتف، الكاميرا بجودة 16 ميجابكسل مع فتحة عدسة f/2.0 وتصوير فيديو بجودة 1080 بكسل مع 30 لقطة في الثانية، بالنسبة لأداء الكاميرا في الشمس القوية يعتبر مش حلو خالص لأن مفيش HDR، وفي البورتريه القص مش مظبوط، لكن في ظروف الإضاءة المعقولة هتقدر تاخد صور كويسة جدا لكن هيفضل القص مش مظبوط، في الإضاءة المنخفضة أو في الأماكن المغلقة عامة الصور بتكون مقبولة لكن بدون تفاصيل دقيقة وبيظهر تشويش نوعا ما في الصور. وهنا تعتبر الكاميرا السفلي أدائها ضعيف بالنسبة للمنافسين.
• بالنسبة لمتانة السلايدر، وهو مقفول إنه نازل في مكانه للداخل بنسبة بسيطة ولما بييجي يخرج بيكون فيه حدفة خفيفة قوي ولو مسكته هتلاقيه فيه هزة خفيفة وهو مفتوح وبالتالي متانته نسبيا مش قوية، وأبطأ من السلايدر الموجود في Oppo F11 Pro لكن في حالة الإغلاق بيكون سريع لكن بيحتاج ضغطة قوية علشان يقفل بعكس الأوبو، كمان مفروض في حالة لو الموبايل هيقع السلايدر بيقفل اتوماتيك بشكل سريع لكن للأسف بيقفل ببطأ وده بيعرضه انه ممكن يكون وقع خلاص والسلايدر ما دخلش بالكامل جوه الموبايل.

الكاميرا الخلفية

• كاميرا ثلاثية بجودة 16 ميجابكسل مع فتحة عدسة F/1.8 والتانية بجودة 8 ميجا بكسل علشان تصور بزاوية واسعة وفتحة عدسة F/2.2 والثالثة 2 ميجا بكسل اللي بتستخدم في العزل، ، الكاميرا فيها ضبط تلقائي مزدوج PDAF وفلاش ليد أحادي، ويتصور فيديو بدقة 1080 بكسل مع 30 لقطة في الثانية وبتدعم التصوير البطيئ Slow motion، وتصوير البانوراما و HDR، لكن مش بتدعم جودة 4K، وبتدعم الذكاء الاصطناعي AI.
• أداء الكاميرا مقبول لكن في أحسن من كده، يعني بتحس ان ال Sharpness في الصورة ضعيف والألوان فيها اختلاف ملحوظ عن حقيقتها وتعتبر بشكل عام معقولة.

البطارية

• البطارية تعتبر من المميزات القوية في الهاتف، سعتها 4000 ملي أمبير، لكن مش بتدعم الشحن السريع وبتاخد وقت ساعتين علشان تشحن 100% وده بسبب ان الشركة استخدمت USB Type C لكن الشاحن نفسه بطيء بقوة 10 وات، والبطارية بتستمر لمدة 7 ساعات استهلاك عالي وبتستمر أكتر من كدا حسب طبيعة استهلاكك.

الدعم والاتصال

• الهاتف بيدعم شبكات اتصال الجيل التاني والتالت والرابع GSM/HSPA/LTE عن طريق شريحتين إتصال نانو، الشبكة تعتبر قوية وتعاملها ممتاز حتى في الأماكن اللي بتكون الشبكات ضعيفة فيها.
• الموبايل بيدعم راديو FM.
• بيدعم Wi-Fi 802.11 a/b/g/n/ac dual band بالإضافة لدعمه خاصية Wi-Fi direct وخاصية Hotspot، وبيدعم بلوتوث الإصدار 0 مع خاصيتي A2DP,LE.
• بيدعم GPS مع خواص A-GPS GLONASS BDS, GALILEO.
• بيدعم مستشعر الجيروسكوب لاستخدام نظارات الواقع الافتراضي VR ومشاهدة الفيديوهات ب 360 درجة.

محتويات العلبة

• هاتف هواوي Y9 Prime، سماعات رأس، كتيب تعليمات التشغيل والضمان، الشاحن وكابل الشحن، وجراب لحماية الهاتف من الخدوش، مرفق دبوس معدني لفتح الشريحة، وسماعات الأذن، والموبايل بييجي عليه اسكرينة حماية.

المميزات

• بطارية ضخمة 4000 ملي أمبير بتتحمل العمل الشاق والألعاب لفترة طويلة.
• أرخص هاتف حاليا بكاميرا سلفي بوب أب.
• الإنحناءات الموجودة في ضهر الهاتف مريحة في مسكة الموبايل بيد واحدة رغم ثقل حجمه.
• حجم الشاشة الكبير بدون نوتش واستحواذها بنسبة ممتازة.
• دقة عناصر الأمان اللي بتتمثل في بصمة الإصبع والتعرف على الوجه بسرعة.
• يأتي بمنفذ USB Type C الأحدث في الوقت اللي الأنواع المنافسة في فئته بتأتي بالمنفذ الأقدم Micro USB.
• أداء المعالج مناسب للمهام اليومية بشكل عام لكنه مش الأقوى.

العيوب

• مش بيدعم خاصية الشحن السريع رغم انه Type C.
• وزن الهاتف تقيل.
• الكاميرا الخلفية مش بتدعم تصوير الفيديوهات بدقة 4K.
• لو حبيت تستخدم كارت ذاكرة خارجي هتضطر تستغنى عن شريحة اتصال.
• مش بيدعم خاصية Face Unlock.
• لا يوجد لمبة إشعارات.
• ظهر الهاتف من البلاستيك وبيتعرض للتجريح بشكل كبير والإصدار دا تم التنازل فيه عن الألوان المتدرجة.
• لا يوجد طبقة حماية على الشاشة.
• لو قارناه بالإصدارات السابقة هنلاقي انه ما قدمش جديد غير الكاميرا السلايدر.

قولنا تجربتك مع الموبايل علشان نستفاد كلنا.

شوف موبايل Huawei Y9 2019 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.