مميزات وعيوب مروحة ستاند شبح من فريش، 20 بوصة
كتبت: أمنية عزمي
مروحة فريش الشبح واحدة من الأنواع الكتير اللي بتقدمها فريش في التشكيلة الكبيرة من المراوح اللي بتقدمها بمواصفات وأحجام وأشكال مختلفة، بتتميز بشكلها الأنيق بقاعدة مفتوحة وريش رفيعة باللون الأحمر المتناغم مع الأسود في جسم المروحة، فيها 3 سرعات وبتشتغل بالريموت كنترول ومزودة بتايمر وعندها القدرة على العمل ساعات طويلة بنفس الكفاءة مع إمكانية تثبيت المروحة في إتجاه واحد، خامات فريش في تصنيع منتجاتها من المرواح بتكون خامات عالية وبتعيش.
هنتكلم مع ياقوطة عن مروحة ستاند شبح من فريش، 20 بوصة، GSFR-20 وهنتعرف على أهم مواصفاتها ومميزاتها وعيوبها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.
بنفكرك إنك ممكن تشتري مروحة مروحة ستاند شبح من فريش، 20 بوصة، GSFR-20 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات مروحة فريش ستاند شبح، 20 بوصة، GSFR-20
- العلامة التجارية: فريش
- إسم الموديل: GSFR-20
- حجم المروحة: 20 بوصة
- مصدر الطاقة: كهرباء
- عدد السرعات: 3
- اللون: أحمر/ أسود
- النوع: مروحة قائمة
مميزات مروحة ستاند شبح من فريش، 20 بوصة، GSFR-20
- بتتميز بخامات تصنيع قوية من عمود ستاند من المعدن بلون أسود مميز مطلي مقاوم للصدأ وقاعدة دائرية مفتوحة، وخامات تصنيعها متينة وعالية الجودة.
- بتتميز بموتور قوي بيوفر قدرة على العمل لساعات طويلة بدون توقف بنفس القوة والأداء.
- مزودة ب 3 إعدادات للسرعة بتوفر من خلالهم كل المستويات لقوة تدفق الهواء والسرعة التالتة فيها عالية.
- المروحة بحجم 20 بوصة ومزودة ب 3 ريش بلاستيك رفيعة بتزيد من تدفق الهواء بقوة ودا بيوفرلك التهوية المطلوبة في المكان.
- بتقدر تتحكم في مستوى طولها حسب رغبتك عن طريق عمود بتقصره وتطوله حسب الرغبة وتثبته.
- مزودة بواجهة تحكم سهلة مع وجود تايمر بتقدر تظبطه لحد 7.5 ساعة.
- مزودة بزر خلف المروحة بتقدر تتحكم من خلاله في تثبيت اتجاه المروحة وتدفق الهواء في اتجاه معين.
- مزودة بريموت كنترول يخليك تتحكم في كل وظائفها عن بعد بسهولة وراحة.
- بتقدر تشغلها متواصل طول اليوم بدون ما تفصل.
- سهلة التركيب وكمان سهلة الفك لتنضيفها كل فترة.
- عليها ضمان 5 سنوات ودي فترة حلوة جدا في المراوح وفريش مميزة بصيانتها.
- بتشتغل على 220 فولت- 50/60 ذبذبة في الثانية، استهلاكها في الطاقة موفر للكهرباء عدد لفاتها 1300 لفة في الدقيقة.
عيوب مروحة ستاند شبح من فريش، 20 بوصة، GSFR-20
- أنواع تصميمات القاعدة المقتوحة الدائرية في المراوح الاستاند بتكون غير ثابتة عالسرعات العالية.
- الريموت غير مزود بخاصية تثبيت المروحة في اتجاه معين وبتتثبت فقط بشكل يدوي.
- بتكون مشكلة وقت تخزينها في الشتاء لأنها بتشغل حيز كبير ومش سهل تشيلها.
- مش مناسبة للمساحات الكبيرة، أو غير كافية لوحدها.
- صوتها عالي مع السرعات العالية.
- قطع الغيار في فريش أسعارها عالية.
خدمة ما بعد البيع لمروحة ستاند شبح من فريش، 20 بوصة، GSFR-20
- رقم الخط الساخن للصيانة 19059.
- متوفر عندهم مراكز صيانة بتغطي الجمهورية بكل محافظاتها.
- سرعة في الخدمة خلال 24 ساعة، قطع غيار أصلية، شهادة ضمان.
رأي المستخدم في مروحة ستاند شبح من فريش، 20 بوصة، GSFR-20
- مروحة قوية وممتازة وعملية جدا رغم إن صوتها عالي شوية مع السرعة التالتة لكن دا بسبب قوة الموتور.
- ممتازة لكن صوتها عالي.
شوف مروحة ستاند شبح من فريش، 20 بوصة، GSFR-20 من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من 4 سنين.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.