كتبت: أمنية عزمي

فريش معروفة بجودة أفرانها سواء الكهربائية أو الغاز، لكن الطبيعي إن في أي منتج بيكون فيه مميزات وعيوب وأوقات بيحكمها المواصفات حسب السعر، فرن فريش الكهربائي FR-45 فيه مميزات كتير زي الحجم الداخلي الكبير، وتسخينه للأكل المجهز بشكل رائع وتسوية الكيك بأنواعه والبيتزا ببراعة، بتقدر تتحكم في تشغيله حسب الحاجة بدرجات حرارة مختلفة وكمان طرق تسوية مختلفة، فيه صينية داخلية ممتازة في التسوية بالحجم الكامل للفرن، وشواية سيخ، الفرن بقوة 2000 وات، ومزود بتايمر 90 دقيقة، وفيه 4 عناصر تسخين من الاستانلس ستيل، لكن برضه فيه عيوب لازم تاخدها في اعتبارك.

تابعنا مع ياقوطة واتعرف على أهم مواصفات ومميزات وعيوب فرن فريش 45 لتر، وهننقل رأي المستخد فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري فرن فريش 45 لتر- FR-45 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: FR-45
• نوع الوقود: كهرباء
• الوزن: 38 كيلو جرام
• اللون: فضي
• الأبعاد: الطول 42.5× العرض 55× العمق 36 سم
• خاصية الشواء: نعم

المميزات

• تصميم أنيق بيتناسب تلقائيا مع أي نوع مطابخ بلمسة عصرية، وحجمه بيتناسب مع أي مساحات مطابخ.
• حجمه الداخلي 45 لتر تقدر تستخدم فيه صينية بحجم عائلي، وكمان تقدر تجهز فيه مخبوزات أو أكلات على رفين مختلفين.
• مزود بسيخ شواية للفراخ أو اللحوم والكفتة وكل أنواع المشويات وتحتها صينية لتجميع الدهون من عملية الشوي وتنضيفها بسهولة بعيد عن الفرن.
• بييجي معاه ماسك من الاستانلس ستيل لسهولة رفع سيخ الشوي، وماسك للصواني.
• مصمم ب 3 مفاتيح للتحكم للتحكم في التسوية والحرارة والتايمر، الحرارة من 100 ل 250 درجة مئوية بتناسب التسخين والتسوية، والتايمر بتقدر تظبطه لحد 90 دقيقة، ومفتاح التحكم في التسخين والتسوية من خلال 5 مستويات للتشغيل.
• إمكانية الاحتفاظ بالأكل لفترة ساخن على حرارة 100 لحد وقت التقديم.
• متعدد الوظائف، هتقدر تحضر معاه الكيك والمخبوزات وتحمص الأكلات بشكل شهي وتستخدم الشواية في التحكم في التحمير بدرجة القرمشة اللي تحبها.
• بتقدر تذوب فيه اللحوم أو الأكلات المجمدة بسرعة، وبعدين تسخنها أو تسيبها لمرحلة الطهو.
• مزود بشواية داخلية مثالية لتحمير وتحميص وتجهيز كل أطباق الكرسبي المختلفة والتوست وشوي اللحوم بشكل رائع.
• الشبكة الداخلية مطلية بالكروم المضاد للصدأ وسهلة التنظيف.
• باب كامل للفرن مصنع من الزجاج القوي وميزته انه من الداخل سطحه ناعم سهل التنظيف وبتقدر تتابع منه عملية الطبخ بعنيك من خلال الزجاج للحفاظ على الحرارة الداخلية من التسريب.
• الفرن مزود برف شبك بيوصل الحرارة بشكل قوي وسهلة التنظيف وليه أكتر من مستوى، بالإضافة لصينية كبيرة بحجم الفرن.
• يعمل بالكهرباء وبالتالي سرعة تسخينه عالية ومثالي في توزيع الحرارة.
• مزود بخاصية التسخين أسفل الفرن ودي ميزة حلوة فيه تقدر تستخدمها في تسخين المخبوزات أو الأطباق قبل تقديمها.
• مصمم بمقبض خارجي بعرض الباب مصنع من المعدن.

العيوب

• غير مزود بإضاءة داخلية تساعدك تتابع الكيك والمخبوزات بدون ما تفتح.
• مزود بشمعتين فقط في الأسفل وفي الأعلى بشكل متوازي بعيد عن بعض بيتسببوا في إن الحواف فقط هي اللي بيتم تسويتها بشكل جيد ونص الصواني لا، والأفضل منه الشمعات الكهرباء على شكل الزجزاج اللي بتوصل الحرارة في كل مكان بالتساوي.
• غير مزود بمروحة داخلية للفرن.
• استهلاكه في الكهرباء عالي جدا خاصة مع الارتفاع المستمر في اسعار الكهرباء وبالتالي غير موفر، دا غير إنك مش بتقدر تستخدمه لو الكهربا قاطعة.
• حجم الفرن من الداخل 45 لتر وتعتبر متوسطة بين المنافسين ومش بينجز في العزومات.
• المعدن الداخلي المصنع منه جوانب الفرن خاماته ضعيفة.

خدمة العملاء

• رقم صيانة فريش الرئيسي: 19059
• مراكز الصيانة غير متوفرة في كل المحافظات.. بمعنى ان خارج القاهرة بتضطر تتعامل عن طريق وكيل صيانة مش مع الشركة بشكل مباشر.
• أسعار قطع الغيار تعتبر أعلى من مثيلاتها في السوق.

تجربة المستخدم

• الفرن حلو جدا في تسوية الكيك بأنواعه وبياخد وقت قليل جدا 10 دقايق، وفي البيتزا بياخد حوالي 15 دقيقة والتسوية فيهم ممتازة، لكن في الصواني العادية واللحوم والشوي ضعيف جدا حتى لما بعمل فرخة عالسيخ ودرجات الحرارة بتكون أقل من المكتوبة يعني مش يتوصل للدرجة المطلوبة وأحيانا بتفصل.
• صواني الأكل بتستوي من الحروف بس بسبب تصميم الشمعتين بعيد عن بعض ودي أسوأ حاجة فيه، لكن في التسخين كويس، وفي تسوية المخبوزات كويس.
• اليد بتسخن جدا مع الاستخدام ومفيش إضاءة داخلية.

شوف فرن فريش 45 لتر- FR-45 من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.