كتبت: رشا أبو القاسم

غسالة الأطباق بقت من الأجهزة المهمة في أي بيت عصري دلوقتي، عشان تعفيكي من الوقفة على الحوض وغسل المواعين، واختيار غسالة الأطباق بقى شيء محيّر في ظل تعدد الأنواع والأشكال والمواصفات.

ياقوطة هتقدملك النهارده غسالة الأطباق إرستون ديجيتال ٦٠ سم، وهتعرفك على مواصفاتها، مميزاتها وعيوبها عشان تقدري تحددي إذا كانت مناسبة ليكي ولا لأ.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

المميزات

• حجمها كبير، وده بيخليها تغسل عدد كبير من الأكواب والحلل والأطباق عشان بتتكون من ٣ أرفف؛ الرف الأعلى للأطباق قليلة الاتساخ، الرف الأوسط للمعالق والشوك والرف الأخير للحلل أو الأطباق شديدة الاتساخ.
• يوجد زر نصف حمولة  بالضغط عليه في حالة عدم تشغيل الغسالة  بكامل سعتها، يساعدك في توفير الكهرباء والماء.
• إعادة تشغيل الغسالة من غير ما تعيد البرنامج من الأول لو ضغطتي على زرار pause.
• بإمكانك ضبط البرنامج وهتشتغل تلقائيًا بعد ٣ أو ٦ أو ٩ ساعات تايمر للتأخير.
• فيها العديد من البرامج منها برنامج ١٠ دقائق، ٣٠ دقيقة، ٤٥ دقيقة حسب درجة الاتساخ.

العيوب

• في عيب خطير ومشكلة شائعة في غسالات إرستون وهو خلال فتح الباب أثناء عمل الغسالة  ممكن تتعرضي لصدمة كهربائية، ولتلافي المشكلة دي في خيارات في البرنامج الخاص بيها لفتح الغسالة خلال عملية الشطف.
• حجمها كبير فلازم تخصصي لها مساحة داخل المطبخ وكمان لازم تعمليلها توصيلات مياه وفلتر خاص بيها.
• غير مناسبة لأسرة عددها صغير.
• استخدام الغسالة هتلاقيه مش سهل في الأول، لازم تتعرفي على طريقة التشغيل وأفضل المساحيق والملح والزيت.
• عشان تشغلي غسالة الأطباق لازم تشتري مسحوق خاص بيها وزيت وملح كمان، تمنهم غالي شوية وده ممكن يرهق ميزانيتك.
• تعرض الأطباق والأكواب المنقوشة للتلف ومسح النقوشات الموجودة عليها خلال عملية الشطف.
• بتحتاجي لتركيب فلتر مياه غسالة لمنع تراكم الرواسب على صحونك وأكوابك.
• لو عدد الأطباق مش كتير فقدامك حل من اتنين؛ تحطيها في غسالة الأطباق لغاية لما تعمليها وده بيخليها عرضة لظهور الحشرات أو تغسيلها بنفسك.
• قطع الغيار تمنها غالي وهتلاقي صعوبة في الحصول على القطع الأصلية لأنها مستوردة.

تقييم خدمات ما بعد البيع

الضمان لمدة سنة، لكن في شكوى عامة من صيانة إرستون بأنها غير جيدة وعمال الصيانة غير ملتزمين بالموعد، وكمان مراكز الصيانة مش بتغطي جميع المحافظات وبتغطي القاهرة والإسكندرية والشرقية والغربية فقط، وباقي المحافظات لو حدث أي أعطال بيتم التعامل مع مراكز صيانة معتمدة، وقطع الغيار غالية لأنها مستوردة وهتلاقي صعوبة في الحصول عليها.

شوف غسالة الأطباق إرستون من هنا.

مقارنة سريعة بين غسالة أطباق إرستون وإل جي

غسالة أطباق إرستون ممتازة وعملية ومريحة في الاستخدام بس فكرة إنها بتكهرب وانتي بتفتحيها ممكن يخليكي قلقانة على ولادك فلازم تفصلي التيار الكهربائي الأول قبل ما تمسكي الباب، وحاجة كمان الشكوى من الصيانة وعدم توافر قطع الغيار.

غسالة أطباق إل جي كويسة جدًا في الاستخدام وشغالة بالأشعة وبتكفي ١٤ فرد وبتحتوي على ١٠ برامج، لكن تمنها غالي بالمقارنة بباقي أنواع الغسالات. شوف غسالة أطباق إل جي من هنا.

لو عندك تجربة جيدة أو سيئة مع غسالة الأطباق ممكن تشاركنا بيها في كومنت.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.