كتبت: أمنية عزمي

كل نوع من الغسالات بيتميز بمواصفات بتتشابه مع بعضها وبيرجع اختيارك للنوع على حسب عوامل منها السعة المطلوبة والميزانية والإمكانيات المتوفرة في الغسالة، غسالات هوفر فيها مزايا خاصة بها يمكن تتشابه مع الأنواع التانية لكن الأكيد إنها بتميزها عن غيرها، من المميزات دي إنها صناعة إيطالي وبتمتلك أفضل الشاشات الديجيتال، وجسم الغسالة غير قابل للصدأ بعكس أي نوع تلاقيه بيصدي من الجزء السفلي، بيميزها كمان عرض فتحة الباب كبيرة جدا وده بيسمح بدخول المفروشات فيها بسهولة، فيها برنامج إقتصادي مدته 20 دقيقة ونضافته هايلة، فيها خاصية تعقيم الملابس ومنع الكرمشة، بتتمتع بتقنية الغسيل الذكي من خلال التحكم في الغسالة عن طريق الموبايل، ومن مميزاتها انها بتحافظ على نفسها من أي خطأ زي إنها بتحافظ على السعة المفروضة وبترفض تشتغل لو التحميل عالي أو كمية الغسيل كبيرة علشان ما يأثرش على الموتور وتقدر توفر أعلى نضافة.

تابعونا مع ياقوطة هنتكلم بالتفصيل عن غسالة HOVER فل أتوماتيك سعة 8 كيلو وهنتعرف على أهم مواصفاتها ومميزاتها وكمان عيوبها ورأي الناس اللي استخدمتها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• موديل المنتج: DXOA38AC2-EGY
• سعة الغسالة: 8 كيلو.
• معدل الدوران: 1300 لفة في الدقيقة.
• سخان داخلي: متوفر.
• طلمبة: نعم.
• شاشة ديجيتال: نعم.
• فترة الضمان: خمس سنوات ضمان مجاني شامل.

المميزات

• إيطالية الصنع بالكامل وبتتمتع بأجود الخامات من الداخل والخارج من معدن الكروم ومعالجة ضد الصدأ.
• من الغسالات الأكثر كفاءة على الإطلاق ومصنفة فئة A+++ بتوفر جدا في استهلاك الكهرباء والمية وبتوفر عليك إنفاق المال بشكل كبير.
• مزودة بشاشة LCD من أفضل الشاشات الديجيتال في السوق، مساحتها كبيرة وألوانها واضحة وتعمل باللمس، بيظهر عليها البيانات والأعطال.
• سعة الغسالة 8 كيلو بتوفر عدد مرات الغسيل وتقدر تغسل فيها بطاطين ومفروشات وتوفر عليك مصاريف الدراي كلين وتعب الغسيل اليدوي.
• مزودة بتقنية الغسيل الذكي عن طريق التحكم في تشغيلها من الموبايل ببرنامج التشغيل عن طريق NFC بتوصلها بالواي فاي وتتحكم فيها عن بعد.
• تعمل بتكنولوجيا All in One، يعني تقدر تغسل الأبيض مع الألوان في غسلة واحدة بدون قلق وبدون ما تستنى تكمل نفس نوعية الغسيل.
• تعمل بموتور انفرتر وبيعتمد على الدفع المباشر اللي بينقل الحركة بطريقة مباشرة للحلة والمروحة بدون ناقل الحركة (السير) وده بيضمن عوم أقوى للدوران للدوران وبيوفر الهدوء للغسالة وعدم الاهتزاز وقت العصر، وبيقلل من استهلاك الكهرباء بنسبة 30% اقل.
• معدل دورانها 1300 لفة في الدقيقة يعني قوة تنضيف عالية وقوة عصر عالية والغسيل مش بيحتاج وقت طويل علشان ينشف.
• جسم الغسالة مصنع من الاستانلس ستيل بالكامل المضاد للصدأ وبيحفظها من مشاكل البارومة اللي بنعاني منها ومن مشاكلها مع الغسالات.
• تعمل بخاصية الغسيل ثلاثي الأبعاد، خاصية شلال التربو تعمل على توزبع المياه بشكل ثلاثي الأبعاد وتدويره بالتساوي لتقليل تشابك الملابس والتخلص من أي رواسب.
• بتتميز بفتحة باب واسعة بعرض 35 سم بتفتح بزاوية 180 درجة بيسهل كتير إنك تضيف الملابس الشتوي والبطاطين والمفروشات بسهولة.
• حلة الداخلية العصر ستيل بالكامل مقاومة للصدأ وبتحافظ على نسيج الأقمشة.
• مزودة ببرامج متعددة لكل أنواع الملابس ودرجات الحرارة.. برنامج الغسيل الاقتصادي عند درجة حرارة 20، برنامج التعقيم الشامل، برنامج غسيل جميع أنواع الأقمشة في 59 دقيقة على حرارة 40 درجة، برنامج غسيل القمصان بالبخار، برنامج غسيل الملابس القطنية البيضاء مع الغسلة التمهيدية، برنامج غسيل الملابس المختلطة والملونة، برنامج الشطف، برنامج العصر والصرف، برنامج الغسيل اليدوي والحرير، برنامج للصوف، برنامج غسيل الأقمشة الناعمة والرقيقة، برنامج غسيل الأقمشة المختلطة.
• خاصية تأجيل بدء التشغيل حتى 24 ساعة كاملة.
• مزودة بعدة مفاتيح للتحكم.. مفتاح بدء التشغيل والإيقاف المؤقت باللمس، مفتاح التحكم في سرعة العصر، مفتاح للتحكم في درجة الحرارة، مفتاح البرنامج السريع وتحديد درجة اتساخ الملابس، مفتاح مانع لكرمشة الملابس، مفتاح العناية الحساسة، مفتاح التعقيم للملابس عند درجة حرارة 60.
• عليها ضمان مجاني لمدة 5 سنوات مجاني شامل من توشيبا العربي.

العيوب

• لا تحتوي على مجفف.
• لو كمية الغسيل زادت عن الحد المحدد الغسالة هتتوقف ومش هتكمل دورتها.
• قطع غيارها مش دايما متوفرة وده لأنها مستوردة.

خدمة العملاء

• دعم فني 24 ساعة، سيارات مجهزة لجميع المحافظات.
• في شكاوى كتير من الناس بسبب سوء مستوى الصيانة مؤخرا في توشيبا العربي.

تجربة المستخدم

• الغسالة هايلة في تنضيفها وبرامجها والحقيقة كان عندي هوفر من زمان قديمة وبدلتها بالجديدة ال 8 كيلو لأني مقتنعة بها جدا، ميزة انك تغسل الألوان مع الأبيض من غير ما يحصل لهم حاجة دي هايلة ومش بتخلي الغسيل يتكوم، وكمان برنامج الغسيل السريع 20 دقيقة هايل وبينضف كويس جدا.
• أول لما اشتريتها وكنت أوقات بحط الغسيل واتفاجأ انها بتتوقف لأن الحمولة زيادة ودا عجبني جدا انها بتحافظ على الموتور وعلى الكمية الصح اللي بتاخدها، والشاشة فيها واضحة وبتتعامل باللمس وكمان تشغيلها عن طريق الموبايل مريح جدا. فعلا غسالة ذكية.

شوف غسالة HOVER (هوڨر) فل أتوماتيك سعة 8 كيلو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.