مميزات وعيوب الشواية الكهربائية من كينوود
كتب: شيماء جيزي
معروف إن الشوي من طرق الطبخ الصحية واللذيذة إللي بيحبها كل الناس، قد إيه بنحتاج إننا نشوي ونستمتع بطعم اللحوم والدجاج والخضراوات المشوية، لكن لأن غالبًا أدوات الشوي بتكون صعبة استخدامها في البيت، فبنكسل ناكل أكل مشوي، لكن كينوود عملت لنا شواية HG266 الرائعة، بإمكانيات كبيرة تسهل الشوي ده غير إنه هيكون شوي مظبوط بطعم شهي، هنعرض عليكم مميزات وعيوب شواية كينوود HG266، وازاي تشوي وتقلي بيها أنواع مختلفة من الأكل مش بس اللحوم.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
ليه تستخدم شواية كينوود HG266
دايمًا بنسأل السؤال ده، ليه الشواية دي مميزة، طبعًا في مميزات كتير هنقولها عن شواية كينوود HG266 لكن من أهم الأسباب لاقتناء شواية كينوود لو بتحب إن معظم أكلك يكون مشوي وصحي، كمان تتيح عمل العزومات والشوي في البيت بشكل آمن جدًا وسهل مع المحافظة على نظافة المكان اللي بيتم فيه الشوي.
وصفة الدجاج المشوي
- الوصفة من أسهل الوصفات وأحبها للأطفال والكبار، المهم التتبيلة، يتم تتبيل الدجاج بالفلفل الأسود والملح، ومجموعة بهارات الشوي ( بتلاقيها عند العطار) مع ماء بصل، وزبادي، وخل، وعصير طماطم (اختياري) بيتبل الدجاج ويترك في التتبيلة لمدة يوم.
- ثم يتم ظبط درجة حرارة الشواية بعد توصيلها بالكهرباء، وأول ما الشواية تفصل بتكون وصلت لدرجة الحرارة المطلوبة وجاهزة للشوي.
- الميزة إن درجة الحرارة لما بتنخفض بترّجع الشواية تزود الحرارة تاني لوحدها، مش هتاخد وقت كبير في الشوي، وهتكون جاهزة، بالهنا والشفا.
مميزات شواية كينوود HG266
- قوة المحرك 2000 واط مما يسمح للشوي أن يتم فيها بسرعة وإتقان كبير.
- ميزة شواية كينوود HG266 إنها مش خاصة بالشوي بس ولكن يمكنك فيها قلي البيض، وشوي الخضراوات وده في الجزء المستوي الخاص بكده.
- سهلة التنظيف؛ لأن الغطاء مصنوع من البيركس والحواف من الستانلس ستيل سهل التنظيف.
- مزودة بـ 2 مكان للحرارة فهي تناسب مهمات عدة كالتسخين، والتحمير، والشوي، وقلي البيض والهامبورجر.
- مكوّنة من جزئين جزء مسطح لقلي البيض وشوي الخضروات، وجزء معرج لشوي اللحوم.
- الشواية نفسها مصنوعة من التيفال المانع للصق الطعام.
- الغطاء مزود بترموستات للتحكم في درجات الشوي ليتناسب مع كافة الأطعمة.
- مزودة بوعاء لجمع الدهون لسهولة التنظيف.
- شواية كينوود HG266 يمكن فكّها كلها بالكامل لسهولة التنظيف، كمان يمكن غسلها في غسالة الأطباق.
عيوب شواية كينوود HG266
- لا يمكن شوي كميات كبيرة مرة واحدة في شواية كينوود HG266.
- درجة الحرارة بتوصل للدرجة المطلوبة والشواية بتطفي لوحدها وبعد مدة بتنخفض تاني وده ممكن يخلّي وقت الشوي أطول.
سعر شواية كينوود HG266 في مصر
يبدأ سعر شواية كينوود HG266 في مصر من 752 جنيه مصري.
متوفرة على محرك البحث للتسوق ياقوطة بإسم كينوود شواية كهربائية بقوة 2000وات HG266.
اسأل مجرب
التجربة خير دليل، وتجربة شواية كينوود HG266 من التجارب الرائعة، فأنا مبخلتش على نفسي إني أشوي فيها كل حاجة، حتى الفاكهة، ولأني بحب الأكل الصحي لقيت إن الشواية مفيدة جدًا، مش بس لأنها بتشوي كويس وبشكل سريع، لكن لأن الطعم كمان كان رائع، جربت شوي اللحمة في الجانب المخصص له وشوي الخضراوات في الجانب التاني، الطعم جميل فعلًا، طعم الخضار واضح مع التتبيلة الجامدة، وبعد كل الشوي الكتير ده كان وقت تنظيف الشواية هو أسهل وقت، متوقعتش الأداء ده، كمان جربت أشوي الثوم لأني بحب استخدمه في الطبخ عمومًا مشوي، كان سهل جدًا وطعمه متغيرش ومش واخد أي نكهة تانية غير نكهته الخاصة، ده غير قلي البيض في الشواية.. إمكانية شوي أكثر من نوع مختلف في شواية كينوود ده من أهم مميزاتها.
تقييم شواية كينوود HG266
الحجم والشكل والحماية
- حجم شواية كينوود HG266 متوسط، فهو مناسب للشوي لأفراد الأسرة لكن لو بتشوي لعزومة هتحتاجي تستخدميها أكتر من مرة.
- شكل الشواية رائع جدًا ده غير أنها بتتميز بلونها الفضي وغطاها البيركس.
- وجود مقابض للشواية بيخلّيها سهلة الحمل كمان المقابض عازلة للحرارة وده أحد وسائل الحماية والأمان.
- شكل شواية كينوود HG266 مناسب إنها تكون وسيلة للتقديم لأفراد أسرتك أو في عزومة.
- لما بتظبطي درجة الحرارة المناسبة ليكي ومع الوصول لدرجة الحرارة دي الشواية بتفصل، وأول ما بتنخفض بترجع تاني تسخن، ودي أحد الوسائل المستخدمة لحمايتك أثناء الشوي.
الخصائص
- خاصية الشوي والقلي بتميز شواية كينوود عن باقي الشوايات.
- يوجد ترموستات في غطاء الشواية يسمح بالتحكم في درجات الشوي.
- الوعاء المرفق علشان جمع الدهون، وهي وسيلة مبتكرة لسهولة التنظيف وكمان تطويل عُمر الشواية.
- قوة المحرك 2000 واط ودي حاجة تضمن إن عملية الشوي بتتم بسرعة وسهولة وبشكل فعّال.
- قاعدة الشواية مصنوعة من التيفال اللي مش بيأثر على طعم الأكل المشوي أو حتى البيض المقلي.
- وزن وحجم الشواية مش كبير، دي خاصية كويسة لسهولة الانتقال بها في أي مكان.
- شواية كينوود HG266 تتيح لك الحصول على أكل صحي و ده لأنك مش بتستخدم الدهون في أي طريقة للطبخ فيها ( سواء الشوي أو القلي).