مميزات وعيوب سماعة أذن ريماكس TWS-2 بلوتوث
كتبت: أمنية عزمي
معظم الناس بقت تستخدم السماعات بشكل يومي في احتياجات مختلفة، ومع تطور تكنولوجيا الاتصالات اللاسلكية بتتطور معاها تقنيات الصوت والأجهزة الصوتية، ورغم إنه من سنوات قليلة مكانش فيه أصلا وجود للسماعات البلوتوث وكانت سعرها عالي جدا لما نزلت الأسواق فالتنافس بين الشركات في توفير كل جديد بأسعار متنوعة دايما بيكون في صالح المستهلك، ريماكس من الأسماء اللي بتوفر تقنيات جديدة في سماعاتها باستمرار ومن ضمن السماعات اللي كان رأي الناس فيها إيجابي جدا واللي جمعت فيها كل مميزات السماعات من الإصدارات اللي نزلتها هي ريماكس TWS 2 واللي هنتعرف عليها في المراجعة دي.
تابعونا مع ياقوطة هنتكلم بالتفصيل عن سماعة أذن ريماكس TWS-2 بلوتوث- أبيض وهنتعرف على أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- الموديل: TWS-2
- الكود التعريفي للمنتج: RE882EL042A1TNAFAMZ
- اللون: أبيض.
- بلد المنشأ: الصين.
المميزات
- تعمل بتقنية بلوتوث الإصدار 5.0 المميز بشبكة لاسلكية قوية وباستقرار إشارته وبتتطابق تلقائيا مع نوع موبايلك بمجرد تشغيلها، بالإضافة لتوفر خاصية توسيع نطاق البلوتوث فيها.
- اتصال متعدد النقاط، بتقدر توصلها بعدد 2 أجهزة بلوتوث في نفس الوقت.
- بلوتوث 5.0 بيوفر مجال إتصال ثابت لمدى 3 أمتار، يعني تقدر تتحرك في نفس الغرفة وانت بتستخدمها.
- حجمها صغير وخفيفة جدا وبتوفر تجربة إرتداء مريحة، ثباتها عالي في الأذن خاصة الجزء الداخلي المصمم بشكل محكم للأذن ومش من السهل انها تسقط حتى في الحركة السريعة، وزن العلبة بالسماعات 36 جم.
- بطارية بقوة 350 ملي أمبير والبوكس بيشحن في حوالي ساعة ونص، وبطارية السماعات قوتها 55 ملي أمبير وبتقدر تسمع فيها موسيقى أو أي صوتيات من ساعتين ل 3 ساعات.
- السماعة مزودة بمساعد داخلي بيقولك كل حالة بتمر بها السماعة زي مثلا يقولك power off أو paring ولو جالك مكالمة بتقولك ان في مكالمة وممكن تقولك رقم المتصل وترد من خلالها بدون الرجوع للموبايل.
- زمن اقتران السماعة بالموبايل سريع جدا ودي من الحاجات اللي اتحسنت جدا في الإصدار ده لأن كان الأول بياخد وقت وأحيانا كنت بتحتاج تقفل السماعات وتفتحها وتاخد وقت.
- السماعات فيها تقنية ذكية إنها لو مقترنة بالموبايل وما استخدمتهاش لمدة دقيقة بتفصل لوحدها وده بيوفر في الطاقة.
- السماعات بتقدم تجربة صوت ممتازة ووصوت نقي وتوزيع الصوت رائع في السماعتين بالإضافة إن الصوت في المايك نقي جدا في المكالمات بالإضافة لدعمها الصوت الستيريو والباس في الموسيقى.
- متوافقة مع كل أنواع الهواتف الذكية ونظام أندرويد و IOS .
- السماعات بيتم التحكم فيها بالضغط على زر خاص بكل سماعة بالشكل اللي يخليك تشغل موسيقى وتستقبل المكالمات أو ترفضها.
- علبة الشحن مزودة بلمبات ليد بتقدر تتابع منها حالة الشحن.
- علبة الشاحن ذكية وخاماتها قوية والسماعة بتفضل متصلة بالعلبة عن طريق مغناطيس قوي بيحافظ على ثباتها حتى لو قلبت العلبة السماعات بتفضل محتفظة بثباتها بشكل عالي.
- مزودة بمخدات أذن متعددة المقاسات، تقدر تغير حجم المخدات المطاطية اللي بتدخل في الأذن بما يتناسب مع حجم أذنك وبالتالي بتكون محكمة بشكل أكبر وتناسب الجميع بعكس الأنواع التانية.
العيوب
- مجال الاتصال اللي بتوفره يعتبر قليل مقارنة بالمنافسين، بتوفر 3 أمتار وغيرها بيوفر مدى 10 أمتار.
- مش بتشتغل أتوماتيك بمجرد فتح البوكس أو خروجها من العلبة وبتحتاج تضغط عليها ضغطة مطولة علشان تبدأ تشتغل.
- السماعات لا تعمل باللمس ولكن من خلال زرار في كل سماعة بيتم التعامل من خلاله.
- مش بتحتوي على ميكروفون لإزالة الضوضاء وبيحصل تداخل في الأصوات في الأماكن المزدحمة.
- بالنسبة للمكالمات الصوت بيظهر في السماعة اليمين فقط مش من خلال السماعتين.
- غير مناسبة للألعاب لأن بيكون في تأخير بسيط بين الصوت والصورة وممكن تستخدم في الأفلام لكن الألعاب بتحتاج توافق تام بين الصورة والصوت.
- عمر البطارية يعتبر متوسط ومش بتستمر فترات طويلة.
تجربة المستخدم
- لو بتستخدمها للموسيقى والأغاني هتكون هايلة لأن الصوت فيها نقي جدا والمكالمات كمان صوت المايك قوي وبيوصل بشكل رائع للطرف التاني، بالنسبة للمكالمات بتستخدم السماعة اليمين بس، الشحن عمره متوسط وأقل من أنواع تانية كتير.
شوف سماعة أذن ريماكس TWS-2 بلوتوث- أبيض من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.