كتبت: رشا أبو القاسم

التلّاجات من الأجهزة المنزلية الضرورية اللي ملهاش بديل جوه البيت، ده غير إنها تُعتبر سلعة معمرة، بمعنى إنك بتشتريها مرة أو مرتين بالكتير في خلال حياتك. عشان كده لازم تاخد قرارك بعناية قبل شراء التلّاجة لإنها هتكون دراعك اليمين جوه المطبخ.

النهارده في ياقوطة بنقدملك مواصفات، مميزات وعيوب تلّاجة شارب ١٨ قدم الاستانلس ستيل، عشان تقدر تاخد قرار الشراء المناسب.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات الرئيسية

المميزات

• نوفروست يعني مش بتكوّن ثلج، وده ميزة لإن تنظيفها هيكون سهل للغاية بقطعة نظيفة يمكن مسح الأرفف.
• مساحتها ١٨ قدم بسعة ٤٥٠ لتر ودي مساحة كافية تقدري تحتفظي بكل الأطعمة التي ترغبي فيها .
• بتعمل بتكنولوجيا البلازما كلاستر وده معناه إنها هتحفظلك الطعام طازج لأطول فترة ممكنة جوه الثلاجة، وفي نفس الوقت بتنقي الهواء من البكتريا الضارة اللي بتسبب ظهور الروائح الكريهة جوه الثلاجة.
• مزودة بشاشة تحكم ديجيتال على الثلاجة من بره، وده بيسهل من مهمة التحكم في درجة حرارة الثلاجة.
• فيها قفل أمان للأطفال وده من خلال التحكم في الشاشة الديجيتال يمكن فتحها وقفلها.
• مزودة بإنذار عند ترك باب التلاجة مفتوح لمدة دقيقة ولو فضلت مفتوحة أكتر من دقيقة بيستمر الإنذار شغال.
• أرفف التلاجة مصنوعة من الزجاج المقوى فهتلاقيها بتتحمل معاك أي حمولة من الطعام.
• التلاجة تعمل بهدوء لأن الموتور مصمم بشكل مانع للضوضاء.
• مقبض الباب مصنع من الاستانلس المقاوم للصدأ، وكمان الباب ممتد على طول الثلاجة فده بيسهل من عملية فتح وقفل الباب.

العيوب

• الأبواب بتسخن من الجناب بشكل ملحوظ وكمان من ناحية الأطراف.
• الثتاجة عريضة وده مش مناسب مع المساحات الصغيرة.
• الكومبرسور والهيتر الموجودين في الثلاجة من ورا مكشوفين في موديلات معينة.

الضمان والتوكيل وقطع الغيار

الضمان ١٠ سنوات شامل جميع أجزاء التلاجة، بضمان شركة العربي ويمكن التواصل مع خدمة العملاء على ١٩٣١٩ في حالة وجود أي عطل، وطبعًا شركة العربي شركة محترمة وعندها فريق صيانة جيد وبيتواصلوا معاك على الفور في حالة وجود أي عطل فني.

شوف ثلاجة شارب ١٨ قدم من هنا.

مقارنة سريعة

تلاجة إل جي نوفروست سعة ٣٣٣ لتر ٢ باب، تلاجة ذات كفاءة عالية واللي بيميزها إنها تقفيل كوري بالكامل وبتيجي مستوردة من الخارج، وعلى الرغم من إن السعة اللترية أصغر من ثلاجة شارب إلا إن سعتها الداخلية أكبر وكمان الديب فريزر بتاعها أوسع، لكن طبعًا سعرها أغلى وممكن تشوفها من هنا.

معظمنا ليه تجربة مع التلاجة، احكيها لـ ياقوطة في كومنت.