كتبت: أمنية عزمي

إل جي واحدة من أفضل الشاشات الموجودة في السوق بالنسبة للأجهزة وبتوفر أنواع مختلفة وأحجام بتبدأ من 24 بوصة لحد 75 بوصة بمواصفات وأسعار مختلفة ودا بيدي فرصة لكل واحد يشتري النوع المناسب ليه في الحجم والإمكانيات والسعر اللي يتناسب مع ميزانيته، هنتكلم عن شاشة بحجم 32 بوصة بتنقلك لمستوى جديد من الوضوح العالي HD، شاشة ذكية بمعالج رباعي النواة بيفرق في سرعة التنقل بين القنوات والتعامل عالإنترنت سواء يوتيوب أو مواقع التواصل الاجتماعي، بيقدم تفاصيل رائعة مع تقنية Active HDR، بالإضافة لصوت دولبي نقي وقوي بتكمل معاه متعة المشاهدة.

تابعنا مع ياقوطة علشان تتعرف على أهم مواصفات ومميزات وعيوب تليفزيون إل جي LG 32LM630B– ٣٢ بوصة- HD– سمارت وهتعرف كمان مستوى خدمة العملاء ورأي الناس اللي استخدمته، لو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون إل جي LG 32LM630B- 32 بوصة- HD- سمارت من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض: HD|LED|Smart
• نوع المعالج: رباعي النواة.
• اللون: أسود.
• الاتصال: Bluetooth|Wi-Fi|HDMI-USB 2.0
• رقم الموديل: 32LM630BPVB
• نظام التشغيل: WebOS
• حجم الشاشة بالبوصة: 32 بوصة.
• عدد سنوات الضمان: 1 عام.
• نوع التلفزيون: تليفزيون ذكي.

المميزات

• بيوفرلك مستوى جديد من تقنية الوضوح العالي HD بيتناسب مع حجم الشاشة ال 32 بوصة، بتشوف معاها الصور بوضوح أكتر ودقة مذهلة وألوان طبيعية رائعة
• صورة تعمل بمعالج رباعي النواة بيعمل على تحسين الدقة حتى في الجودة المنخفضة للصورة للوصول لجودة صورة أعلى وبيعمل على تقليل الضوضاء المشتتة.
• الشاشة ليد يعني إضائتها خلفية ودا بيمنحك تباين رائع للون الأسود حتى في أحلك اللقطات وألوان صافية وطبيعية.
• صوته رائع بفضل تقنية القنوات المتعددة اللي بتحس معاها ان المكان كله محاط بالصوت في جو سينيمائي.
• Dolby Audio بيخلي الصوت بجودة الصوت السينمائي بوضوح أعلى ونقاء وقوة.
• مع تقنية محسن الألوان الديناميكي المتقدم هيوفرلك ألوان حقيقية طبيعية مع تفاصيل دقيقة تستمتع بكل حاجة من خلالها.
• مع تقنية Active HDR هتحس بتحسن المشاهد والتفاصيل الدقيقة فيه وألوانه الرائعة، بالإضافة إن تنسيق HDR المتعدد بما فيه HDR10 و HLG مع تقنية تعديل كل مشهد ديناميكيا من إل جي بتقدر تستمتع معاه بمحتوى أي فيديو بجودة HDR الرائعة.
• ميزة الذكاء الاصطناعي AI بيوفرلك إجابة لأي سؤال بتدور عليه بمجرد ما تسأل السؤال تلفزيون إل جي هيعرض لك المعلومات المفيدة ويقدملك كمان كم كبير من المقترحات والأفكار تساعدك في نفس الموضوع.
• مزود بمدخلين USB 2.0 بتقدر من خلالهم تشوف أفلامك وصورك المفضلة وكمان بيستخدموا في تحديث السوفت وير.
• مزود ب 3 منافذ HDMI اللي بتوصل من خلالهم الأجهزة الأخرى زي البلاي ستيشن والكاميرات وتستمتع بألعابك الترفيهية.
• مزود بمدخل LAN بتوصل به كابل الراوتر وتقدر تستخدمه وايرلس.
• مزود بنظام WebOS بيقدر تبحث عن التطبيقات من خلاله وبيقدملك خدمات كتير وبتقدر تتحكم في الأوامر باستخدام صوتك فقط.
• الشاشة سمارت، بتقدر تتابع من خلالها كل التطبيقات عالإنترنت بشكل أوضح وأسهل على شاشته وتقدر كمان تنزل تطبيقاتك المفضلة من جوجل ستور وتستمتع بها.
• سهل التنقل من التطبيقات للقنوات والألعاب كأنك بتقلب قنوات.
• مزود بريموت كنترول للتحكم فيه عن بعد.
• تصميمه أنيق وعصري بإطار معدني رقيق وقوي بيضيف قيمة عالية لجمال المكان.

العيوب

• سمك الشاشة الخلفي كبير حوالي 10 سم مقارنة بالأنواع التانية، وبيعتبر عائق لو فكرت تعلقها على الحائط.
• فترة الضمان سنة واحدة فترة قليلة بالنسبة للتلفزيونات ومفروض مش بتقل عن 3 سنوات.
• الشاشة بدون مفاتيح تحكم زي المفروض انها موجودة في كل تليفزيون والتحكم فيها بيكون عن طريق الريموت كنترول فقط.
• مستوى خدمة العملاء في التعامل سيئ.

خدمة العملاء

• مراكز الصيانة متوفرة في أماكن متعددة، لكن في شكاوى كتير من سوء الصيانة وانهم مش بالكفاءة المطلوبة والتليفزيونات ليها أعطال كتير وبتروح الصيانة أكتر من مرة وبترجع بنفس العطل بالإضافة ان أسعارهم مبالغ فيها في الصيانة.

آراء المستخدمين

• ناس رأيها ان الشاشة حلوة لكن دقة HD قليلة، والألوان والسطوع مش بالنقاء المطلوب.
• ناس كتير بتواجه مشاكل مع خدمة الصيانة وبتقول انها مش بالمستوى المطلوب والفنيين خبرتهم ضعيفة في التصليح ودا أدى إلى إن الأجهزة بتبوظ تاني بعد فترة قصيرة.
• ناس كتير بتقول ان إل جي بقى دون المستوى من بعد ما بدأوا تصنيعه في مصر.

شوف تليفزيون إل جي LG 32LM630B– 32 بوصة- HD– سمارت من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.