كتب: خالد عاصم

هنتكلم النهاردة عن واحد من أبرز موبايل الفئة المتوسطة من شاومي، موبايل Xiaomi Mi Note 10 Lite وهنتعرف على مواصفاته ومميزاته وعيوبه وسعره في السوق المصري، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Xiaomi Mi Note 10 Lite

المواصفات

• أبعاد الموبايل: ٩.٧ × ٧٤.٢ × ١٥٧.٨ مم.
• وزن الموبايل: ٢٠٤ جرام.
• البناء والصناعة: هيكل من الألومنيوم بزجاج كورنينج جوريلا جلاس الإصدار الخامس على الضهر وعلى الشاشة
• شرائح الاتصال: ثنائي الشريحة.
• شاشة الموبايل: شاشة بشق قطرة المياه قطرها ٦.٤٧ بوصة ومعدلها ١٩.٥:٩ وده بيخليها تشغل حوالي 87.8 % من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٣٩٨ بيكسل لكل بوصة والشاشة مصنوعة من شرائح AMOLED وبتدعم تقنية HDR10
• أداء الموبايل: معالج كوالكوم سنابدراجون 730G بمعمارية ٨ نانوميتر ثماني النواة والمعالج مدمج بمعالج جرافيكس Adreno 618. والموبايل بيصدر بإصدار واحد بذاكرة عشوائية ٨ جيجابايت رام وبذاكرة داخلية سعتها  ١٢٨ جيجابايت وإصدارين بذاكرة عشوائية سعتها ٦ أو ٨ جيجابايت رام بذاكرة داخلية سعتها ٦٤ جيجابايت أو ١٢٨ جيجابايت والموبايل مش بيقبل كروت الذاكرة الخارجية.
• نظام التشغيل: الموبايل بيشتغل بنظام تشغيل أندرويد ١٠ بواجهة مستخدم MIUI 12
• الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.9 للعدسة الأولانية العريضة وبقوة ٨ ميجا بيكسل بفتحة مستشعر f/2.2 للعدسة التانية فائقة العرض وبقوة ٢ ميجا بيكسل بفتحة مستشعر f/2.4 للعدسة التالتة الخاصة بصور الماكرو وبقوة ٢ ميجا بيكسل بفتحة f/2.4 للعدسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدلات ٣٠/٦٠/١٢٠ إطار في الثانية، أما الكاميرا الأمامية فعدستها عريضة بقوة 16 ميجا بيكسل وفتحة مستشعر f/2.5 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: مدمج أسفل الشاشة.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٥٢٦٠ مللي أمبير في الساعة وبتدعم تقنية الشحن السريع بقوة ٣٠ وات.

مميزات وعيوب موبايل Xiaomi Mi Note 10 Lite

مميزات موبايل Xiaomi Mi Note 10 Lite

• الموبايل بيتمتع ببناء قوي متميز زي الموبايلات الرائدة لأنه بيعتمد على الألومنيوم في صناعة الهيكل وعلى طبقة حماية كورنينج جوريلا جلاس الإصدار الخامس على الشاشة وعلى الضهر.
• الموبايل بيقدم أفضل نموذج لتصميم شق قطرة المياه وعلى الرغم من إن التصميم ده ممكن يكون استخدامه بيقل في الموبايلات الجديدة بس في Xiaomi Mi Note 10 Lite شكله أكتر من رائع وتصميمه ممتاز وكمان الحواف المحيطة بالشاشة ضئيلة جدّا من تحت ومن فوق والشاشة منحنية من الجانبين وده بيخليها تقدر تستحوذ على نسبة ٨٧٫٨ في الميه من مساحة الموبايل الأمامية.
• الموبايل بيتمتع بشاشة ممتازة على أكتر من مستوى أولهم إنها شاشة AMOLED يعني مستويات وضوح وسطوع ممتازين في مختلف ظروف الإضاءة وكمان دقة عرض عالية ده غير إنها بتدعم عرض الفيديو بتقنية HDR10 وكمان محمية بطبقة من زجاج كورنينج جوريلا جلاس الإصدار الخامس.
• بيعتمد الموبايل على واحد من أفضل وأبرز معالجات الفئة المتوسطة كوالكوم سنابدراجون 730G والمعدل عشان يكون مناسب للألعاب وفعلًا بيقدر يقدم أداء ممتاز وكمان بيدعم مجموعة كبيرة من الألعاب بإعدادات عالية الجودة.
• ذاكرة عشوائية قوية وكمان مساحات تخزينية كبيرة في مختلف إصدارات الموبايل.
• الذاكرة الداخلية من فئة UFS 2.1
• الموبايل بيشتغل بنظام تشغيل اندرويد ١٠ بأحدث واجهة مستخدم من شاومي.
• كاميرا خلفية ممتازة من حيث دقة العدسة الرئيسية العالية ومن حيث التعددية في الوظائف والكاميرا بتتمتع بإمكانيات ممتازة زي الوضع الليلي عالي الجودة ودعمها لتصوير الفيديو بجودة 4K وكمان تمتعها بمجموعة من وظائف الذكاء الاصطناعي وغيرها من الإمكانيات.
• الكاميرا الأمامية بتدعم التصوير البانورامي.
• الموبايل بيدعم دقة صوت ٢٤ بت/١٩٢ كيلو هيرتز.
• بيدعم الموبايل تقنية بلوتوث إصدار ٥.٠.
• بيتميز الموبايل بخاصية NFC
• الموبايل فيه مرسل الأشعة تحت الحمراء.
• ماسح بصمة مدمج أسفل الشاشة بأداء ممتاز على مستوى السرعة والدقة.
• بطارية الموبايل قوية جدًا سعتها ٥٢٦٠ ميللي أمبير وكمان بتدعم تقنية الشحن السريع بقوة ٣٠ وات من خلال منفذ USB Type-C

عيوب موبايل Xiaomi Mi Note 10 Lite

• الموبايل مش بيتمتع بأي حماية ضد الغبار والغمر في المياه.
• شاشة الموبايل بتدعم تحديث 60 هيرتز بس.
• الموبايل مش بيقبل كروت الميموري.
• الكاميرا الخلفية مفيهاش عدسة مقربة.
• الكاميرا الأمامية مش الأفضل في فئة الموبايل السعرية.
• الموبايل مفيهوش سماعات ستريو.
• الموبايل مش بيدع تقنية الشحن اللاسلكي ولا الشحن العكسي.

اتعرف على عروض أسعار موبايل Xiaomi Mi Note 10 Lite من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.