كتب: خالد عاصم

بتحلم تعمل كمبيوتر ألعاب PC مفيش أي لعبة تقدر تقف قصاده، يبقى هو ده المكان الصح لأننا في المقال ده هنبني مع بعض كمبيوتر ألعاب PC الأحلام من خلال المكونات المتوفرة على ياقوطة، وطبعًا تقدر تطلب كل المكونات دي من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مكونات كمبيوتر ألعاب PC اللي بتحلم بيه

اللوحات الأم MotherBoards

لوحة MSI B450 Gaming Pro Carbon AC

لو ناوي تستخدم بروسيسور وكارت فيجا من AMD يبقى الماذربورد دي من MSI هي الأنسب ليك لأنها متوافقة مع بروسيسورات AMD وكمان مخصصة للألعاب يعني هتوفرلك كل اللي محتاجة عشان تكون كمبيوتر ألعاب PC الأقوى، اللوحة بتتضمن ٤ منافذ للرامات فئة DDR4 وكمان فيها ٦ منافذ SATA III ومنفذين M.2 بالإضافة لمنفذ واحد لكل فئات كروت PCIe وكمان فيها كارت صوت ممتاز من Realtek بيدعم لحد الأنظمة الصوتية ٧٫١ ده غير إن الماذربورد بتدعم الاتصال اللاسلكي عن طريق واي فاي وبلوتوث من غير ما تحتاج لأي كروت إضافية.

شوف عروض أسعار ماذربورد MSI B450 Gaming Pro Carbon AC من هنا.

ماذربورد Gigabyte Z390 AORUS Ultra

لو ناوي تستخدم منتجات انتل في تكوين كمبيوتر ألعاب PC يبقى أفضل حل ليك هو الماذربورد دي واللي رغم إنها غالية شوية إلا انها هتوفرلك أكتر من اللي محتاجه وكمان هتقدر تعيش معاك لسنين كتير جاية تقدر فيهم تطور وتعمل الترقيات اللي انت عايزها، الماذر بورد بتدعم بروسيسورات انتل الأجيال التامنة والتاسعة وفيها أربع منافذ للرامات فئة DDR4 وبتتميز اللوحة بعدد كبير من التقنيات المتميزة على مستوى التوصيلات والصوتيات وكمان دعم أنظمة التبريد المختلفة وأنظمة الإضاءات المتطورة ده غير إن فيها عدد كبير من المنافذ.

شوف عروض أسعار ماذربورد GigaByte Z390 AORUS Ultra من هنا.

البروسيسور Processor

بروسيسور Intel Core i7 الجيل التاسع

قلب الكمبيوتر ه المعالج المركزي أو البروسيسور وعشان تقدر تكون كمبيوتر ألعاب PC قوي لازم يكن قلبه قوي وعشان كده هيكون اختيارك معالج Intel Core i7 الجيل التاسع بسرعة ٣٫٦٠ جيجا هيرتز، وطبعًا تقدر تشتري معالج Core i9 بس ده هيكون مكلف جدًا لأن سعره حوالي ١٠ الاف جنيه تقريبًا.

شوف عروض أسعار معالج Intel Core i7 من هنا.

بروسيسور AMD Ryzen 1700X

لو كنت اخترت الماذربورد اللي بتدعم بروسيسورات AMD يبقى هتختار معاها المعالج ده AMD Ryzen 1700X ثماني النواة بسرعة ٣٫٤ جيجا هيرتز واللي بيعتبر واحد من قوى المعالجات الموجودة دلوقتي وهيقدر يدعم كل الألعاب اللي نفسك فيها.

شوف عروض أسعار معالج AMD Ryzen 1700x من هنا.

اتعرف على عروض أسعار كل البروسيسورات واللوحات الام المتوفرة على ياقوطة من هنا.

الذاكرة العشوائية (الرامات) RAM

رامات Patriot Viper Steel 16 GB Ram

الرامات هي تاني أهم عنصر في أي كمبيوتر ولأننا بنبي كمبيوتر ألعاب PC قوي ويقدر على أي حاجة فلازم نختارله رامات قوية جدًا وعشان كده اخترنا Patriot Viper Steel اللي بتيجي في وحدتين كل وحدة سعة ٨ جيجابايت رام يعني بتدي جهازك قوة ١٦ جيجابايت رام واللي من فئة DDR4 وبتتميز بسرعة بتوصل من ٣٠٠٠ ميجا هيرتز لحد ٤٤٠٠ ميجا هيرتز، والرامات كمان بتتميز بغلاف خارجي بيدي تصميم أكتر من رائع وكمان بتحميها من زيادة درجة حرارة الكمبيوتر.

شوف عروض أسعار رامات Patriot Viper Steel 16 GB Ram من هنا.

اتعرف على عروض أسعار مختلف الرامات المتوفرة على ياقوطة من هنا.

معالج الرسوميات (كارت الفيجا) Graphics Card

كارت فيجا GeForce GTX 1080

احنا بنتكلم عن تجميع وبناء أفضل كمبيوتر ألعاب PC ممكن وده معنى إننا لازم نختار أفضل الإمكانيات الممكنة بغض النظر عن الفئة السعرية، وده اللي خلانا نختار كارت فيجا GeForce GTX 1080 سعة ٨ جيجابايت رام فئة GDDR5X واللي بيعتبر واحد من أقوى معالجات الرسوميات المتوفرة في الأسواق وده اللي مش هيخلي أي لعبة مهما كانت تقف قصادك.

شوف عروض أسعار كروت شاشة GeForce GTX 1080 من هنا.

اتعرف على عروض أسعار كروت الشاشة المتوفرة على ياقوطة من هنا.

حاوية المكونات والمبردات Case and Coolers

حاوية الكمبيوتر أو Case هي المكان اللي بيتحط فيه كل مكونات الكمبيوتر بس أهميته بتكون في أكتر من كده، فالحاوية كمان لازم تكون قوية ولازم يكون فيها مساحات وإمكانيات تبريد متميزة ده غير الشكل اللي بيدي إيحاء بالقوة المناسبة للألعاب، وتعبر شركة Cooler Master واحدة من أبرز الشركات في مجال تصنيع الحاويات وكمان وحدات تبريد الكمبيوتر، واخترنالكم من منتجاتها محدة ممتازة مصنوعة من الستيل والبلاستيك والزجاج الحراري، وبتتمتع الحاوية بسبع أماكن للبطاقات ده غير إن فيها عدد كبير من منافذ USB ومنافذ Audio وفيها كمان إضاءة متعددة الألوان، أما بالنسبة للتبريد فالحاوية فيها تبريد أمامي من خلال ٣ مراوح بسرعة ١٢٠٠ لفة في الدقيقة لكل مروحة بالإضافة لمروجة خلفية بقوة ١٢٠٠ لفة في الدقيقة، جدير بالذكر إن الحاوية مفيهاش مصدر طاقة وننصح باختيار مزود طاقة مناسب مع الإمكانيات اللي هتستخدمها في الكمبيوتر.

شوف عروض أسعار حاويات Cooler Master المتوفرة على ياقوطة من هنا.

اتعرف على عروض أسعار كل أنواع حاويات ومبردات الكمبيوتر من هنا.

الشاشة

عشان تقدر تستمتع بالإمكانيات القوية اللي جمعناها في كمبيوتر ألعاب PC فائق القوة، لازم يكون معاه شاشة ممتازة تقدر تعرضلك الإمكانيات الممتازة دي، وموقع ياقوطة فيه مجموعة كبيرة جدًا من شاشات الألعاب ومن بينها شاشة Samsung ٢٣٫٥ بوصة المنحنية واللي بتتمتع بدقة ١٩٢٠ × ١٠٨٠ وبتدعم تقنية FreeSync وبتتميز بإمكانيات بصرية أكتر من ممتازة.

شوف عروض أسعار مختلف شاشات الألعاب المتوفرة على ياقوطة من هنا.

اتعرف على عروض أسعار مختلف مكونات الكمبيوتر المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.