كتبت: منى عوض

شركة هواوي وشركة سامسونج بيتنافسوا دايمًا على التطور وتقديم كل جديد للسوق باستمرار، وفي ظل سعيهم ده الشركتين قدموا موبايلات بمواصفات مختلفة بتناسب كل الفئات السعرية تقريبًا، ومن بين الموبايلات دي موبايل Huawei Mate 10 Lite، وموبايل Samsing  galaxy J7 Pro.

النهارده هنقدملكم مقارنة بين الموبايلين دول، وهنتعرف مع بعض من خلال المقال ده على أهم مواصفات ومميزات وعيوب الموبايلين، ولو عجبك موبايل منهم ممكن لك من خلال ياقوطة تعرف أفضل الأسعار ليه وتقارن بينهم وتقدر كمان تطلبه من خلالنا وهيوصل لحد عندك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

التصميم

• هيكل موبايل Huawei Mate 10 Lite مصمم بالكامل من معدن الألمونيوم السلس عشان يتحمل التعرض للصدمات والخدوش، زيه زي هيكل موبايل Samsung J7 Pro، ولكن هيكل سامسونج أقوى من هواوي وقدرته على تحمل الصدمات أعلى.

الشاشة

• شاشة Huawei Mate 10 Lite من النوع  IPS LCD بتقنية الـ Full HD وحجم ٥٫٩ بوصة ودقة وضوح عالية ١٠٨٠ × ٢١٦٠ بكسل وكثافة بكسلات ٤٠٩ نقطة لكل بوصة، ومش مزودة بطبقة حماية إضافية ضد الكسر أو الخدش.
• شاشة Samsung J7 Pro من النوع Super Amoled بحجم 5.5 بوصة، ودقة وضوح ١٩٢٠ × ١٠٨٠ بكسل، وكثافة بكسلات ٤٠١ بكسل، ولكنها مش مزودة بطبقة حماية ضد الكسر أو الخدش، بس فيها تقنية Always On Display الموفرة للطاقة.

لو حبينا نعمل مقارنة بين شاشة الموبايلين هنلاقي إن ألوان ودقة وضوح شاشة سامسونج أعلى من هواوي بس الاتنين زوايا الرؤية والوضوح بتاعتهم كويسة جدًا في ظروف الإضاءة المختلفة وكمان هيوفرولك أفضل تجربة مشاهدة على الإطلاق

الجدير بالذكر كمان أن شاشة هواواي بتيجي بالأبعاد الجديدة ١٨:٩ على عكس سامسونج وكمان تقدر تقسم مساحة الشاشة لنصين عشان تشغل أكتر من تطبيق في نفس الوقت.

بالنسبة لخاصية Always On Display، فهي خاصية بتقدر تعرض التاريخ والوقت على الشاشة وهي مقفولة من غير ما تحتاج إنك تشغل إضاءة الشاشة كل شوية عشان تعرف المعلومات دي وبالتالي فهي بتحقق توفير في طاقة البطارية.

الأداء

• موبايل Huawei Mate 10 Lite بييجي ببروسيسور ثماني النواة من النوع HiSilicon Kirin 659 بمعمارية 64 بت Cortex-A53، ومعالج رسومي Mali-T830 MP2 و ٤ جيجابايت رام، مع ميموري داخلي بسعة ٦٤ جيجابايت
• موبايل Samsung J7 Pro بييجي ببروسيسور ثماني النواة من النوع Exynos 7870 Octa بتردد 1.6 جيجاهرتز، مع معالج رسومي Mali-T830 MP1. و ٣ جيجابايت رام، وكمان بيوفر إصدارين من حيث الذاكرة الداخية الأول بسعة ٣٢ جيجابايت أما التاني بسعة ٦٤ جيجابايت.

موبايل هواوي أدائه مميز وسريع جدًا في فتح وتشغيل أكتر من تطبيق في نفس الوقت والتنقل بينهم وكمان مش بيعاني من أي بطء أو تهنيج خلال استخدام الألعاب التقيلة، زيه زي موبايل سامسونج اللي سجل هو كمان أداء قوي وسريع في إتمام المهام المعتادة للموبايل من غير المعاناة من أي تهنيج أو بطء أو سخونة في الموبايل خلال الاستخدام.

هواوي مش بيتيح استخدام شريحتين اتصال وميموري خارجي في نفس الوقت يعني لازم تختار بين شريحة الاتصال التانية وإضافة ميموري خارجي سعته بتوصل لحد ٢٥٦ جيجابايت، على عكس سامسونج اللي بييجي بمنفذين لشريحتي الاتصال ومنفذ منفصل لإضافة الميموري الخارجي.

الكاميرا

• كاميرا Huawei Mate 10 Lite بتدعم وجود كاميرا خلفية مزدوجة بدقة ١٦ ميجابكسل + ٢ ميجابكسل، مع فلاش LED، وكاميرا السيلفي مزدوجة أيضًا بدقة ١٣ ميجابكسل + ٢ ميجابكسل مزودة بفلاش LED.
• Samsung J7 Pro بتدعم وجود كاميرا خلفية بدقة ١٣-ميجابكسل بفلاش LED وفتحة عدسة F/1.7، أما الكاميرا الأمامية فدقتها ١٣ ميجابكسل بفلاش LED أيضًا ومزود بفتحة عدسة F/1.9.

أداء الكاميرا الخلفية لهواوي مميز في التقط الصور بنقاء تام وتفاصيل واضحة جدًا ودرجة ألوان طبيعة وده في مختلف أنواع الإضاءة، تقريبا زيها زي أداء كاميرا سامسونج ولكن سامسونج بتقدم صور أكثر نقاء بفضل فتحة العدسة.

وبالنسبة لأداء كاميرا السيلفي فهواوي بتقدم صور سيلفي كويسة جدًا في الإضاءة المرتفعة ولكن جودة الصور بتنخفض كلما انخفضت درجة الإضاءة لأنها مش بتحتوي على فلاش أمامي، على عكس سامسونج اللي بتقدم صور مميزة في مختلف درجات الإضاءة بفضل الفلاش الأمامي.

كمان كاميرا هواوي بتعمل عزل، ودي ميزة مش متاحة خالص في كاميرا سامسونج.

البطارية

• بطارية Huawei Mate 10 Lite ليثيوم أيون بسعة ٣٣٤٠ مللي أمبير في الثانية، أما بطارية Samsung J7 Pro ليثيوم أيون بسعة ٣٦٠٠ مللي أمبير، وللأسف الأتنين مش بيدعموا تقنية الشحن السريع.

بالنسبة لأداء بطارية موبايل هواوي فأدائها كويس لأنها بتقدر تكمل لحد يوم كامل من الاستخدام المتوسط، أما بطارية سامسونج فهي الموبايل بتقدم أداء مميز لأنها بتكفي لحد يوم أو يوم ونص تقريبًا.

بطارية الموبايل، سواء هواوي أو سامسونج، بتتشحن شحنة كاملة في ٣ ساعات تقريبًا، ودي مدة طويلة نسبيًا بس ده لأنها مش بتدعم تقنية الشحن السريع.

شوف موبايل Huawei Mate 10 Lite من هنا.

شوف موبايل Samsung J7 Pro من هنا.

شوف أحسن ٥ موبايلات مقاومة للماء على ياقوطة من هنا.

عايز تعرف إزاي تفرق بين الموبايل الأصلي والتقليد شوف المقال ده.

  *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.