كتب: خالد عاصم

شركات كتير قوي مقدرتش وعلى مدى سنين كتير مقدرتش تحقق اللي قدرت تحققه موبايلات Xiaomi من يوم ما ظهرت سواء في السوق العالمي أو المصري، وخصوصًا السوق المصري اللي كان زمان عنده تخوفات كتير وذكريات سيئة جدًا مع موبايلات الشركات الصينية، وده اللي قدرت موبايلات Xiaomi وغيرها من الشركات الصينية التانية زي Huawei طبعًا ومعاها Oppo وOnePlus إنها تغيره في خلال الفترة والكم سنة اللي فاتوا.

أما اللي بيميز موبايلات Xiaomi حتى عن غيرها من الشركات الصينية وخصوصًا في السوق المصري، إنها قدرت تستغل نقطة ضعف أي مستهلك وهي احتياجه لموبايل شكله كويس وتقنياته عالية وكمان إمكانياته ممتازة والأهم من كل ده سعره مناسب، وكمان لازم يكون بيتمتع بخدمة ما بعد البيع وخدمة عملاء ممتازة وموثوقية كبيرة، كل ده قدرت موبايلات Xiaomi تفهمه وتشتغل على إنها تحققه لحد ما قدرت تبني جسر ثقة قوي بينها وبين المستهلك المصري وقدرت تثبت أقدامها وتحقق نجاحات كبيرة بتحسدها عليها شركات تانية كتير.

عشان كده السوق المصري فيه دلوقتي عدد كبير من موبايلات Xiaomi في مختلف الفئات، والنهارده هنختار منهم الأبرز تحديدًا عشان نتكلم عنهم ونقارن بين مواصفاتهم وأسعارهم. وطبعًا تقدروا تطلبوا أي موبايل منهم يعجبكم أو أي موبايل تاني من موبايلات Xiaomi من خلالنا في ياقوطة، واللي هتطلبوه هيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز موبايلات Xiaomi في السوق المصري

موبايل Xiaomi Mi Mix 2S

مواصفات Xiaomi Mi Mix 2S

• تاريخ الإعلان عن الموبايل: مارس ٢٠١٨.
• تاريخ إصدار الموبايل: أبريل ٢٠١٨.
• أبعاد الموبايل: ٨.١ × ٧٤.٩ × ١٥٠.٩ مم.
• وزن الموبايل: ١٩١ جرام.
• صناعة الموبايل: الموبايل معمول من هيكل من الألومنيوم ومقدمة من الزجاج وضهر من السيراميك.
• شرائح الموبايل: شريحتين.
• شاشة الموبايل: موبايل Xiaomi Mi Mix 2S بييجي بشاشة قطرها ٥.٩٩ بوصة معمولة من شرائح IPS LSD ومعدل الشاشة ١٨:٩ يعني الشاشة كاملة. دقة شاشة الموبايل ٢١٦٠ × ١٠٨٠ بيكسل بكثافة ٤٠٣ بيكسل لكل بوصة والشاشة بتشغل حوالي ٨١.٩ % من مساحة الموبايل الأمامية. والموبايل محمي بزجاج كورنينج جوريلا الإصدار الرابع.
• أداء الموبايل: الموبايل بيعتمد على البروسيسور الرائد كوالكوم سنابدراجون ٨٤٥ وده بروسيسور ثماني النواة بسرعة ٢٫٨ جيجا هيرتز لأربع شرايح Kryo 385 Gold وبسرعة ١.٨ جيجا هيرتز لأربع شرايح Kryo 385 Silver والبروسيسور ده مدمج بيه بروسيسور جرافيكس Adreno 630 وبييجي الموبايل بإصدار بذاكرة عشوائية سعتها ٦ جيجابايت بذاكرة داخلية سعتها ٦٤ جيجابايت وبإصدار تاني بذاكرة عشوائية سعتها ٦ جيجابايت رام وبذاكرة داخلية سعتها ١٢٨ جيجابايت وإصدار أخير بذاكرة عشوائية سعتها ٨ جيجابايت رام وبذاكرة داخلية سعتها ٢٥٦ جيجابايت والموبايل مش بيقبل كروت الميموري الخارجية.
• نظام التشغيل: نظام تشغيل أندرويد ٨.0 أوريو قابل للترقية لحد أندرويد ٩ باي.
• الكاميرا: موبايل Xiaomi Mi Mis 2S بييجي بكاميرا خلفية مزدوجة بقوة ١٢ ميجا بيكسل بفتحة مستشعر f/1.8 للعدسة الأولى وبقوة ١٢ ميجا بيكسل بفتحة مستشعر f/2.4 للعدسة التانية وبتمتاز الكاميرا بتقنية التركيز التلقائي PDAF ومثبت الصورة البصري رباعي المحاور والتركيز التلقائي لحد 2x وتقنية HDR وبتصور فيديو بأكتر من جودة ومدعومة بإضاءة فلاش ليد ثنائية، الكاميرا الأمامية بقى قوتها ٥ ميجا بيكسل بفتحة مستشعر f/2.0 وبتصور فيديو بجودة 1080p بمعدل ٣٠ إطار في الثانية.
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Xiaomi Mi Mix 2S على بطارية سعتها ٣٤٠٠ مللي أمبير في الساعة بتتشحن من منفذ USB Type-C وبتدعم الشحن السريع.
• الألوان المتاحة من الموبايل: الأسود – الأبيض

شوف عروض أسعار موبايل Xiaomi Mi Mix 2S من هنا.

موبايل Xiaomi Mi 6

مواصفات Xiaomi Mi 6

• تاريخ الإعلان عن الموبايل: أبريل ٢٠١٧.
• تاريخ إصدار الموبايل: أبريل ٢٠١٧.
• أبعاد الموبايل: ٧.٥ × ٧٠.٥ × ١٤٥.٢ مم.
• وزن الموبايل: ١٦٨ جرام.
• صناعة الموبايل: الموبايل معمول من هيكل من الستانلس ستيل ومقدمة وضهر من الزجاج ومحمي ضد رش المياه.
• شرائح الموبايل: شريحتين.
• شاشة الموبايل: موبايل Xiaomi Mi 6 بييجي بشاشة قطرها ٥.١٥ بوصة معمولة من شرائح IPS LSD ومعدل الشاشة ١٦:٩. دقة شاشة الموبايل ١٩٢٠ × ١٠٨٠ بيكسل بكثافة ٤٢٨ بيكسل لكل بوصة والشاشة بتشغل حوالي ٧١.٤ % من مساحة الموبايل الأمامية. والموبايل محمي بزجاج كورنينج جوريلا الإصدار الرابع.
• أداء الموبايل: الموبايل بيعتمد على البروسيسور الرائد من السنة اللي فاتت كوالكوم سنابدراجون ٨٣٥ وده بروسيسور ثماني النواة بسرعة ٢٫٤٥ جيجا هيرتز لأربع شرايح Kryo  وبسرعة ١.٩ جيجا هيرتز لأربع شرايح Kryo والبروسيسور ده مدمج بيه بروسيسور جرافيكس Adreno 540 وبييجي الموبايل بإصدار  بذاكرة عشوائية سعتها ٦ جيجابايت رام وبذاكرة داخلية سعتها ٦٤ جيجابايت وإصدار أخير بذاكرة عشوائية سعتها ٦ جيجابايت رام وبذاكرة داخلية سعتها ١٢٨ جيجابايت والموبايل مش بيقبل كروت الميموري الخارجية.
• نظام التشغيل: نظام تشغيل أندرويد ٧.١.١ نوجات
• الكاميرا: موبايل Xiaomi Mi 6 بييجي بكاميرا خلفية مزدوجة بقوة ١٢ ميجا بيكسل بفتحة مستشعر f/1.8 للعدسة الأولى وبقوة ١٢ ميجا بيكسل بفتحة مستشعر f/2.6 للعدسة التانية وبتمتاز الكاميرا بتقنية التركيز التلقائي PDAF ومثبت الصورة البصري رباعي المحاور والتقريب البصري لحد 2x وتقنية HDR وبتصور فيديو بأكتر من جودة ومدعومة بإضاءة فلاش ليد ثنائية، الكاميرا الأمامية بقى قوتها ٨ ميجا بيكسل بفتحة وبتصور فيديو بجودة 1080p بمعدل ٣٠ إطار في الثانية.
• مستشعرات الموبايل: الموبايل فيه ماسح بصمة أمامي وكمان فيه مستشعرات التقارب والتسارع والدوران والبوصلة والباروميتر
• البطارية: بيعتمد موبايل Xiaomi Mi 6 على بطارية سعتها ٣٣٥٠ مللي أمبير في الساعة بتتشحن من منفذ USB Type-C وبتدعم الشحن السريع.
• الألوان المتاحة من الموبايل: الأسود – الأبيض – الأزرق.

شوف عروض أسعار موبايل Xiaomi Mi 6 من هنا.

موبايل Xiaomi Mi A2

مواصفات Xiaomi Mi A2

• تاريخ الإعلان عن الموبايل: يوليو ٢٠١٨.
• تاريخ إصدار الموبايل: يوليو ٢٠١٨.
• أبعاد الموبايل: ٧.٣ × ٧٥.٤ × ١٥٨.٧ مم.
• وزن الموبايل: ١٦٨ جرام.
• صناعة الموبايل: الموبايل معمول من هيكل وجسم من الألومنيوم ومقدمة من الزجاج.
• شرائح الموبايل: شريحتين.
• شاشة الموبايل: موبايل Xiaomi Mi A2 بييجي بشاشة قطرها ٥.٩٩ بوصة معمولة من شرائح LTPS ISP LCD ومعدل الشاشة ١٨:٩. دقة شاشة الموبايل ٢١٦٠ × ١٠٨٠ بيكسل بكثافة ٤٠٣ بيكسل لكل بوصة والشاشة بتشغل حوالي ٧٧.٤ % من مساحة الموبايل الأمامية.
• أداء الموبايل: الموبايل بيعتمد على البروسيسور متوسط الفئة كوالكوم سنابدراجون ٦٦٠ وده بروسيسور ثماني النواة بسرعة ٢٫٢ جيجا هيرتز لأربع شرايح Kryo  وبسرعة ١.٨ جيجا هيرتز لأربع شرايح Kryo والبروسيسور ده مدمج بيه بروسيسور جرافيكس Adreno 512 وبييجي الموبايل بإصدار بذاكرة عشوائية سعتها ٤ جيجابايت بذاكرة داخلية سعتها ٣٢ جيجابايت وبإصدار تاني بذاكرة عشوائية سعتها ٤ جيجابايت رام وبذاكرة داخلية سعتها ٦٤ جيجابايت وإصدار أخير بذاكرة عشوائية سعتها ٦ جيجابايت رام وبذاكرة داخلية سعتها ١٢٨ جيجابايت والموبايل مش بيقبل كروت الميموري الخارجية.
• نظام التشغيل: نظام تشغيل أندرويد ٨.١ أوريو بإصدار أندرويد ون وبيقبل الترقية لحد أندرويد ٩ باي بنفس الإصدار
• الكاميرا: موبايل Xiaomi Mi A2 بييجي بكاميرا خلفية مزدوجة بقوة ١٢ ميجا بيكسل بفتحة مستشعر f/1.8 للعدسة الأولى وبقوة ٢٠ ميجا بيكسل بفتحة مستشعر f/1.8 للعدسة التانية وبتمتاز الكاميرا بتقنية التركيز التلقائي PDAF وتقنية HDR وبتصور فيديو بأكتر من جودة ومدعومة بإضاءة فلاش ليد ثنائية، الكاميرا الأمامية بقى قوتها ٢٠ ميجا بيكسل بفتحة f/2.2 وبتصور فيديو بجودة 1080p بمعدل ٣٠ إطار في الثانية ومدعومة بإضاءة فلاش ليد أحادية
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Xiaomi Mi A2 على بطارية سعتها ٣٠١٠ مللي أمبير في الساعة بتتشحن من منفذ USB Type-C وبتدعم الشحن السريع.
• الألوان المتاحة من الموبايل: الأسود – الذهبي – الأزرق – الأحمر – الذهبي الوردي.

شوف عروض أسعار موبايل Xiaomi Mi A2 من هنا.

موبايل Xiaomi Mi 8 Lite 

مواصفات Xiaomi Mi 8 Lite

• تاريخ الإعلان عن الموبايل: سبتمبر ٢٠١٨.
• تاريخ إصدار الموبايل: سبتمبر ٢٠١٨.
• أبعاد الموبايل: ٧.٥ × ٧٥.٨ × ١٥٦.٤ مم.
• وزن الموبايل: ١٦٩ جرام.
• صناعة الموبايل: الموبايل معمول من هيكل من الألومنيوم ومقدمة وضهر من الزجاج.
• شرائح الموبايل: شريحتين.
• شاشة الموبايل: موبايل Xiaomi Mi 8 Lite بييجي بشاشة قطرها ٦.٢٦ بوصة معمولة من شرائح  ISP LCDومعدل الشاشة ١٩:٩. دقة شاشة الموبايل ٢٢٨٠ × ١٠٨٠ بيكسل بكثافة ٤٠٣ بيكسل لكل بوصة والشاشة بتشغل حوالي ٨٢.٥ % من مساحة الموبايل الأمامية.
• أداء الموبايل: الموبايل بيعتمد على البروسيسور متوسط الفئة كوالكوم سنابدراجون ٦٦٠ وده بروسيسور ثماني النواة بسرعة ٢٫٢ جيجا هيرتز لأربع شرايح Kryo  وبسرعة ١.٨ جيجا هيرتز لأربع شرايح Kryo والبروسيسور ده مدمج بيه بروسيسور جرافيكس Adreno 512 وبييجي الموبايل بإصدارات بذاكرة عشوائية إما ٤ جيجابايت رام أو ٦ جيجابايت رام وبذاكرة داخلية إما ٦٤ جيجابايت أو ١٢٨ جيجابايت وكلها بتقبل كروت الميموري لحد ٢٥٦ جيجابايت.
• نظام التشغيل: نظام تشغيل أندرويد ٨.١ أوريو.
• الكاميرا: موبايل Xiaomi Mi 8 Lite بييجي بكاميرا خلفية مزدوجة بقوة ١٢ ميجا بيكسل بفتحة مستشعر f/1.9 للعدسة الأولى وبقوة ٥ ميجا بيكسل بفتحة مستشعر f/2.0 للعدسة التانية وبتمتاز الكاميرا بتقنية التركيز التلقائي PDAF وتقنية HDR وبتقدر تصور صور بتأثير بوكيه وبتصور فيديو بأكتر من جودة ومدعومة بإضاءة فلاش ليد أحادية، الكاميرا الأمامية بقى قوتها ٢٤ ميجا بيكسل وبتصور فيديو بجودة 1080p بمعدل ٣٠ إطار في الثانية
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Xiaomi Mi 8 Lite على بطارية سعتها ٣٣٥٠ مللي أمبير في الساعة بتتشحن من منفذ USB Type-C وبتدعم الشحن السريع..
• الألوان المتاحة من الموبايل: الأسود – الأزرق.

شوف عروض أسعار موبايل Xiaomi Mi 8 Lite من هنا.

موبايل Xiaomi Redmi Note 6 Pro

مواصفات Xiaomi Redmi Note 6 Pro

• تاريخ الإعلان عن الموبايل: سبتمبر ٢٠١٨.
• تاريخ إصدار الموبايل: أكتوبر ٢٠١٨.
• أبعاد الموبايل: ٨.٣ × ٧٦.٤ × ١٥٧.٩ مم.
• وزن الموبايل: ١٨٢ جرام.
• شرائح الموبايل: شريحتين.
• شاشة الموبايل: موبايل Xiaomi Redmi Note 6 Pro بييجي بشاشة قطرها ٦.٢٦ بوصة معمولة من شرائح  ISP LCD ومعدل الشاشة ١٩:٩. دقة شاشة الموبايل ٢٢٨٠ × ١٠٨٠ بيكسل بكثافة ٤٠٣ بيكسل لكل بوصة والشاشة بتشغل حوالي ٨١.١ % من مساحة الموبايل الأمامية ومحمية بزجاج كورنينج جوريلا مش معروف إصداره.
• أداء الموبايل: الموبايل بيعتمد على البروسيسور متوسط الفئة كوالكوم سنابدراجون ٦٣٦ وده بروسيسور ثماني النواة بسرعة ١٫٨ جيجا هيرتز لشرايح Kryo 260 والبروسيسور ده مدمج بيه بروسيسور جرافيكس Adreno 509 وبييجي الموبايل بإصدار بذاكرة عشوائية ٣ جيجابايت رام وبذاكرة داخلية ٣٢ جيجابايت وإصدار بذاكرة عشوائية ٤ جيجابايت رام بذاكرة داخلية ٦٤ جيجابايت وإصدار أخير بذاكرة عشوائية سعتها ٦ جيجابايت رام بذاكرة داخلية ٦٤ جيجابايت وكلها ممكن تزود مساحتها بكروت الميموري لحد ٢٥٦ جيجابايت.
• نظام التشغيل: نظام تشغيل أندرويد ٨.١ أوريو.
• الكاميرا: موبايل Xiaomi Redmi Note 6 Pro بييجي بكاميرا خلفية مزدوجة بقوة ١٢ ميجا بيكسل بفتحة مستشعر f/1.9 للعدسة الأولى وبقوة ٥ ميجا بيكسل بفتحة مستشعر f/2.2 للعدسة التانية وبتمتاز الكاميرا بتقنية التركيز التلقائي PDAF وتقنية HDR وبتقدر تصور صور بتأثير بوكيه وبتصور فيديو بجودة 1080p بمعدل 30 إطار في الثانية ومدعومة بإضاءة فلاش ليد مزدوجة، الكاميرا الأمامية كمان مزدوجة بقوة ٢٠ ميجا بيكسل بفتحة مستشعر f/2.0 للعدسة الأولى وبقوة ٢ ميجا بيكسل بفتحة مستشعر f/2.2 للعدسة التانية وبتمتاز الكاميرا بتقنية HDR وبتقدر تصور صور بتأثير بوكيه وبتصور فيديو بجودة 1080p بمعدل ٣٠ إطار في الثانية.
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Xiaomi Redmi Note 6 Pro على بطارية سعتها ٤٠٠٠ مللي أمبير في الساعة بتتشحن من منفذ microUSB
• الألوان المتاحة من الموبايل: الأسود – الأزرق – الذهبي الوردي – الأحمر.

شوف عروض أسعار موبايل Xiaomi Redmi Note 6 Pro من هنا.

اتعرف على عروض أسعار كل موبايلات Xiaomi من خلال موقع ياقوطة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.