كتبت: أمنية عزمي

لو كنت من هواة الألعاب وعندك كمبيوتر مخصص للألعاب يبقى أكيد هتهتم تكمل المنظومة بماوس مخصص للألعاب بجودة عالية مناسبة لإمكانيات الألعاب اللي بتحبها، مع اختلاف أنواع واستخدامات الماوس الموضوع بيكون محير بالنسبة لناس كتير لما تيجي تختار الماوس المناسب، لكن اختلاف أنواع الألعاب نفسها هو اللي بتختار إمكانيات الماوس على أساسها بالخصائص اللي تؤهله يكون الأفضل في نوع اللعبة، سواء في عدد الأزرار الموجودة فيه القابلة للبرمجة اللي بتخلي التحكم في أمور اللعبة أسهل ودقة حساس تتبع الحركة وسرعة الاستجابة أوالدقة عالية والقدرة على التحمل طويل المدى والإمكانيات المتواجدة في الماوس المناسبة للعبة بالإضافة للتصميم المناسب اللي يخليك تقدر تتحكم فيه باليد بسهولة في وقت اللعب ومش شرط تكون المواصفات كاملة في ماوس واحد لكن كل لعبة بتتطلب مهارات معينة هي اللي بتدور عليها في الماوس اللي بتشتريه.

هنتكلم في المراجعة دي مع ياقوطة عن Generic Techno Zone V5 Equipment Master RGB Gaming Mouse With CD Software & Macro 3200 DPI وهنتعرف على أهم مواصفاته ومميزات وكمان عيوبه ورأي المستخدم فيه علشان تقدر تكون فكرة كاملة عنه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الموديل: Techno Zone V5
• الكود التعريفي للمنتج: GE810EL1GB3UFNAFAMZ
• اللون: أسود.
• بلد المنشأ: الصين.

المميزات

• مصمم بشكل مريح يتناسب مع طول أوقات استخدامه ومع نوع قبضة اليد اللي بتختلف حجمها من يد ليد لأن التصميم بيعتمد على نقطتين أساسيتين هما راحة اليد اللي بتمسك بها الماوس بشكل كامل ورأس الإصبع اللي بتتحكم من خلاله في الأزرار.
• مزود بمستشعر حساسيته عالية وليه سرعات متعددة بتتحكم فيها وتغيرها حسب رغبتك في السرعة من خلال زر Sniper وبيوفر سرعة 1000- 1500- 2000- 3200 DPI، وبتكون مفيدة جدا للتوجيه الدقيق والتصويب في اللعبة.
• يعمل بمستشعر ليزر المعروف بأنه من أدق المستشعرات للحركة، بيحتوي على ضوء أشعة تحت الحمراء مع وجود كاميرا صغيرة جدا تلتقط الضوء والحركة، لما بيكون في حركة على السطح بيبدأ المستشعر يلتقط مئات الصور في الثانية الواحدة والماوس بيقوم بدوره بمقارنة الصور وتحديد اتجاه الحركة ويرسل الماوس البيانات دي للكمبيوتر لترجمتها إلى حركة للمؤشر على الشاشة.
• بيتم توصيله عن طريق USB بشكل سهل وسريع.
• متوافق مع أي كمبيوتر أو لاب توب.
• يعمل بتأثيرات RGB مميزة ومناسبة للتصميم، وهو أحد مصادر الطاقة الدافعة LED اللي بيتم استخدامه في الأضواء الكاشفة وبيمكن التحكم في مصادر الضوء الأحمر والأخضر والأزرق.
• مزود ب 8 مفاتيح قابلة للبرمجة بالكامل بتتحكم فيها حسب الرغبة وبتستخدم كل مفتاح حسب برمجتك ليه في اللعبة.
• دقة واضحة في التصنيع والإمكانيات وأماكن الأزرار اللي بيتم برمجتها سهلة في التعامل لسهولة الوصول إليها.
• مزود ب CD عليها السوفت وير الخاص به.

العيوب

• ممكن يكون برمجته فيها صعوبة للبعض.

تجربة المستخدم

• فرق معايا جدا في الألعاب وحساسيته عالية والتحكم في سرعته رائع ودقته في التصويب عالية.

شوف ماوس الألعاب Generic Techno Zone V5 Equipment Master RGB Gaming Mouse With CD Software & Macro 3200 DPI من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.