كتبت: أمنية عزمي

فيه ناس بتحب تشتري حاجتها من الأكل جاهزة وناس بيحبوا يعملوا كل حاجة الأكل بإيديهم في البيت علشان يضمنوا نضافة الحاجة وإنها تكون معمولة بطريقة صحية، من الأجهزة المنزلية اللي البعض بيهتم إنها تكون عنده هي مفرمة اللحم، وعلى فكرة أكلات كتير بتحتاج للفرم في المطبخ العربي والشرقي زي اللحمة المفرومة اللي بتدخل في أكلات كتير والكفتة بأنواعها والكبيبة والبرجر والسجق ومش بس اللحوم، يعني ممكن أكلات تانية زي الطعمية، لما تيجي تشتري المفرمة بتدور على أساسيات في مواصفاتها زي القدرة الكهربائية اللي بتتراوح ما بين 1200 ل 200 وات بالنسبة للاستخدام المنزلي، وأسلحة المفرمة اللي بتساعدك في عمل الأكلات المختلفة زي السجق، والدوران العكسي وسعة المفرمة حسب حجم الأسرة أو احتياجاتها.

هنتكلم في المراجعة دي مع ياقوطة عن مفرمة من أجود الأنواع وهي مفرمة لحم كينوود MG510– 1500 وات وهنتعرف على أهم مواصفاتها ومميزاتها وعيوبها ورأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: KE170HL0MBJBMNAFAMZ
• اللون: فضي.
• الموديل: MG510
• فترة الضمان: سنتين.

المميزات

• العلامة التجارية كينوود، واحدة من أكبر الشركات الرائدة في الأسواق العربية والعالمية اللي محافظة على إسمها وجودة منتجاتها وانها من الماركات المعمرة اللي بتعيش وقت طويل بدون مشاكل.
• مصنعة من هيكل معدني ناعم ورأس فرعي من الفولاذ القوي المقاوم للصدأ بتصميم قوي مناسب لإمكانياتها.
• قدرتها الكهربائية 1600 واط، من أهم الحاجات اللي بتميزها لان القدرة الكهربائية كل ما بتعلى بيبقى الموتور أقوى وبتنتج كميات كبيرة في وقت قليل وبتفرم بالشكل والسرعة والقوة المطلوبين.
• حجم أداة الفرم كبيرة ومميزة بقدرتها على فرم 2 كيلو من اللحم في دقيقة وبالتالي بتوفر في الوقت والجهد.
• مزودة بقادوس معدن مصبوب قوي وطبق كبير لوضع اللحم فيه وغطاء لحمايتها من الأتربة.
• مزودة ب 3 شاشات لاختيار حجم ونوع الفرم، ودرجات الفرم فيها بتتراوح ما بين الناعم والمتوسط والخشن حسب الحاجة للاستخدام.
• متعددة الاستخدامات، مرفق معها أداة لحشو السجق وأداة الفرم المتجانس لعمل كبيبة.
• مزودة بمساحة تخزين داخلية لحفظ الأدوات المرفقة معها ودي ميزة حلوة بتقلل من مساحة التخزين في المكان وتحافظ على القطع من الضياع.
• فيها خاصية الدوران العكسي ودي من أهم المواصفات والمميزات اللي لازم تتأكد انها موجودة في المفرمة وهي الدوران بشكل عكسي لان هي اللي بتحصل من خلالها على فرم ناعم للحوم.
• مزودة بأرجل مطاطية تساعدها على الثبات وتمنعها من الانزلاق.
• صوتها هادي مش بتعمل صفير أو صوت عالي وقت التشغيل.
• عليها ضمان لمدة سنتين.

العيوب

• غير مزودة بضاغط طعام اللي بيساعدك في ضغط اللحوم أو أنواع الطعام اللي عايز تفرمها داخل المفرمة.
• استهلاكها للكهربا عالي بسبب قوة الموتور.
• لازم تنضف اللحم من الشغت لانه لو دخل في المفرمة بيوقف عملها لو قطع كبيرة، ودي في كل أنواع مفارم اللحوم.
• الأسلحة اللي معاها مش كافية كان يفضل انها تكون مزودة بوحدات البسكوت والحلويات.
• سعرها عالي بالمقارنة مع الأنواع اللي بتقدم نفس المواصفات.

خدمة العملاء

• توكيل صيانة كينوود 01111599973.
• متوفر مهندسين صيانة على أعلى مستوى وخدمة سريعة.

آراء المستخدمين

• مفرمة حلوة جدا ومريحة وسريعة وبتوفر كل أنواع الفرم وبقالها عندي كتير.

شوف مفرمة لحم كينوود MG510– 1600 وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.