مميزات وعيوب بوتاجاز فريش إيطاليانو غاز ٥ شعلة- ٥٥ × ٨٠ سم
كتبت: أمنية عزمي
المطبخ هو روح أي بيت، وكل عشاق ومحبي الطبخ عارفين إن السر في نجاح ابتكاراتهم في الأكل هو البوتاجاز. وواحد من أهم البوتاجازت المتاحة في الأسواق الفترة الأخيرة هو بوتاجاز فريش إيطاليانو المميز بحجمه الكبير ب ٥ عيون وسعة، الفرن مزود بمروحة بتوزع الهواء السخن في المكان كله وتساعد على تسوية سريعة ومتساوية للأكل بشكل متساوي.
هنوضح بالتفصيل في المراجعة دي مع ياقوطة أهم مواصفات ومميزات وعيوب بوتاجاز فريش إيطاليانو غاز ٥ شعلة- ٥٥ × ٨٠ سم ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
| نوع الفرن | غاز |
|---|---|
| تصميم الهيكل | مستقله |
| شاشة مدمجة | No |
| عدد الأفران | ١ |
| حجم الفرن | كبير |
| عدد الشعلات – أماكن الطهي | ٥ |
| Cooking types – 1st oven: | غاز |
| نوع التحكم | يدوي |
المميزات
- ٥ شعلات غاز مقاسات متنوعة بتناسب جميع الأحجام وتسرع عملية الطهي وتوفرلك وقتك.
- حوامل من الحديد الزهر، الحديد الزهر معدن تقيل ومتين علشان يضمنلك أقصى قدر من الثبات للأواني وقت الطهي، ده غير إنهم بيدوا قيمة عالية للبوتاجازات.
- سعة الفرن كبيرة واللي بيسمحلك بطهي كذا وجبة في نفس الوقت بسهولة يعني تقدر تحط صينيتين مع بعض ويوفر عليك الوقت والاستهلاك.
- الفرن مزود بمروحة بتوزع الهواء السخن داخل الفرن في كل الأنحاء وبتضمن تحمير وتسوية ناجحة لأي نوع أكل أو كيكة من كل الجهات بنفس المقدار وبيديك نتايج مثالية.
- شواية داخلية بتدور مع موتور، ومساحتها كبيرة تقدر تحط فيها فرختين للشوي في نفس الوقت بزر منفصل عن الفرن.
- إشعال ذاتي، بيوفر عليك الوقت والتفكير وبقى كل اللي عليك إنك تلف مقبض العين اللي عايز تشتغل عليها بإيد واحدة وهتشتعل بشكل ذاتي.
- مزود بلمبة فرن في الجزء الخلفي من التجويف علشان يساعدك تتابع الأكل وقت الطهي من غير ما تفتح الفرن وتسرب الحرارة.
- باب يغلق مع نظام الشوي، مش هتضطر تفتح باب الفرن وقت ما الشواية تكون شغالة زي معظم البوتاجازات واللي كان بيتسبب في ارتفاع الحرارة في المكان بشكل قوي.
- مزود بمؤقت رقمي مدته ٦٠ دقيقة تقدر تظبطه بالتوقيت المناسب علشان يفكرك بميعاد انتهاء الطهي.
- باب الفرن زجاج بالكامل بنقش جميل بيديله شياكة.
- درج تسخين، مميز بوجود درج سفلي علشان يحافظ على الأكل سخن بعد عملية الطهي وبيحتفظ بحرارته.
- مقبض الفرن من الستانلس ستيل سهل التنضيف وضد الصدأ.
- ستانلس ستيل بالكامل ضد الصدأ وسهل التنضيف.
العيوب
- مش بيحتوي على الأمان اللي بيخليه يفصل الغاز لوحده لو سوائل وقعت عليه.
- زجاج الفرن مش شفاف ومش بتقدر تشوف اللي جواه من غير ماتفتحه.
- حوامل الزهر رغم إنها الأكثر تحملا لكن صعبة في التنضيف.
- المروحة الداخلية للفرن بيتجمع عليها زيوت وبيكون صعب تنضيفها.
- مقبض الباب ستانلس ستيل بيسخن لو مشغل الفرن أو الشواية فترات طويلة، محتاج تاخد حذرك وتستخدم عازل للحرارة.
- الإشعال الذاتي بيبوظ بعد فترة.
خدمة العملاء
- مراكز الصيانة غير متوفرة بشكل كافي في كل مكان. بمعنى ان خارج القاهرة بتضطر تتعامل عن طريق وكيل صيانة مش مع الشركة بشكل مباشر.
- أسعار قطع الغيار تعتبر أعلى من مثيلاتها في السوق.
تجربة المستخدم
- من أول ما جبته والشواية مش بتلف وساعات نار الشواية تطفي لوحدها، والفرن لما بيبقى شغال بيسخن المفاتيح جدًا لدرجة إني مابعرفش أمسكها. وبعد فترة فيه مفاتيح ساحت وجبت الصيانة غيرتها، المشاكل اللي فيه كلها في الفرن لكن البوتاجاز من العيون كويس جدًا.
- ناس تانية شكرت فيه وإنه عنده بقاله فترة ومفيش فيه مشاكل غير العيون وإيد البوتاجاز اللي بتسخن مع الفرن، لكن الشواية كويسة وشغالة والتسوية بتاعته ممتازة.
- مش بيحتوي على الأمان اللي بيخليه يفصل الغاز لوحده لو سوائل وقعت عليه.
شوف بوتاجاز فريش إيطاليانو غاز ٥ شعلة- ٥٥ × ٨٠ سم من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتبة المقال
أمنية عزمي، بكتب من 7 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.