كتبت: أمنية عزمي

من المؤكد إن الأفران عليها عامل كبير في نجاح الأكل بطريقة التسوية اللي بيتميز بها كل فرن والإمكانيات الخاصة به، وهنا بيحصل التنافس بين الشركات على تقديم كل جديد، فرن بلت إن هوفر الغاز مش بس بيتميز بشكله الرائع وألوانه المختلفة زي الستانلس ستيل والفضي، لكن بيتميز كمان بمروحة بتوفر توزيع رائع للهوا لأفضل تسوية من جميع الاتجاهات بنفس القدر، بالإضافة لشواية غاز وبتدور بالكهرباء، الفرن مميز بإنه غاز وطبعا بيفرق كتير في تقليل الاستهلاك عن الكهرباء وبيدي أمان كامل للمطبخ، سعته 50 لتر، وسعره رائع مقارنة بالأنواع التانية وبيعتبر من أفضل الأفران وأكثرها طلبا.

تعالوا نشوف مع ياقوطة بالتفصيل أهم مواصفات ومميزات وعيوب فرن بلت إن هوفر غاز 60 سم بشواية ومروحة للتبريد- HPG202/1XG ونتعرف على رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الوزن: 36.5 كيلو.
• الأبعاد: الارتفاع 591× العرض 597× العمق 467.
• شعلة الفرن: غاز.
• شعلة الشواية: غاز.
• إضاءة داخلية: متوفر.
• اللون فضي.
• طريقة التثبيت: حامل فرن حائط.
• رقم الموديل: HPG202/1XG

المميزات

• الفرن إيطالي، مصنع بالكامل من الاستانلس ستيل الخالص اللي بيتميز بقوته متانته وبيديله شكل أنيق ومن مميزاته انه ضد الصدأ وسهل جدا في تنضيفه.
• الفرن حجمه الخارجي 60 سم والفرن سعته 50 لتر، حجم مناسب للصواني الكبيرة ومش يياخد مساحة كبيرة من المطبخ.
• الفرن والشواية بيعملوا بالغاز الطبيعي وموفر جدا مقارنة بالأفران الكهربا، والشواية بتلف بالكهرباء.
• مزود بخاصية الإشعال الإلكتروني بمجرد لف مفتاح الفرن أو الشواية.
• مزود بصمام أمان كامل بيخليه يفصل الغاز فورا عنه لأي سبب يطفي الشعلة زي في حالة انسكاب سوائل أو حدوث أي مشكلة تتسبب في انطفاء النار.
• شواية الفرن تعمل في حالة غلق الباب وبتحفظ المكان من تسريب حرارة الفرن طول الفترة اللي بيشتغل فيها.
• مزود بمروحة تبريد داخلية بتوزع الهواء السخن في كل أنحاء الفرن لتسوية متساوية ومثالية من الداخل والخارج.
• الفرن مزود برف شبك بيوصل الحرارة بشكل قوي في كل أنحاء الفرن.
• مزود ب 3 مفاتيح تحكم، مفتاح إضاءة وتشغيل الشواية، ومفتاح مؤقت، ومفتاح لفتح شعلة الفرن أو الشواية.
• التايمر مدته 60 دقيقة للتنبيه بانتهاء الوقت المحدد للتسوية أو الشوي.
• الفرن بيوفر كل درجات الحرارة المطلوبة من 130 درجة ل 250 درجة مع كتابتهم بشكل تدريجي لسهولة الاختيار.
• مزود بإضاءة داخلية قوية تقدر من خلالها متابعة الأكل أو المخبوزات داخل الفرن أثناء التسوية.
• باب الفرن مصمم بعازل قوي انه ما بيسربش الحرارة.
• الفرن عليه ضمان 3 سنين.

العيوب

• الإشعال الذاتي للفرن بياخد وقت طويل حوالي دقيقة علشان يشتعل وللأسف المشكلة دي في معظم الأفران البلت إن بنسبة كبيرة.
• حجم الفرن من الداخل مساحته متاخدش غير صينية كبيرة او صينيتين صغيرين وبالتالي مش بينجز في العزومات أو لما تكون بتعمل أكتر من صنف محتاج للفرن.
• المروحة ليها صوت نوعا ما.
• عبارة عن فرن فقط بس وبالتالي بتتكلف انك تجيب بوتاجاز بشكل منفصل، وبيكونوا تكلفتهم أعلى من البوتاجاز على بعضه خاصة ان سعر الفرن مش رخيص.

خدمة العملاء

• رقم الصيانة: 19319
• الصيانة بتتم من خلال خبراء هوفر المتخصصين في صيانة الأفران.
• ضمان عام كامل على الإصلاح وبيوفروا كل قطع الغيار.

تجربة المستخدم

• الفرن هايل في تسويته للأكل والمروحة الداخلية فعلا بتفرق كتير، شكله شيك وتقفيله نضيف، الفرق الوحيد اني حسيت انه صغير خاصة ان البوتاجاز القديم بتاعي كان 90 سم فا حاسة بفرق كبير، وطبعا الحجم دا مش بينفع في العزومات.

شوف فرن بلت إن هوفر غاز 60 سم بشواية ومروحة للتبريد من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.