كتبت: أمنية عزمي

الغسالات الفوق أتوماتيك من أكتر الأنواع المفضلة للعائلات المتوسطة والكبيرة لأنها بتاخد أحمال عالية بفضل حلتها الكبيرة اللي بتوفر في عدد مرات الغسيل بالإضافة إنك بتقدر تغسل فيها بطاطين أو لحفة وستائر ومفروشات بسهولة ومناسبة لكل أنواع المنسوجات  وممكن تستخدم معاها أي نوع مسحوق وبالتالي بتوفر كتير ومن مميزاتها إنك تقدر تضيف أي قطعة وهي شغالة، وتقدر كمان تستخدمها بحمل قليل حسب الكمية اللي محتاج تغسلها.

هنتكلم بالتفصيل أكتر مع ياقوطة عن غسالة وايت بوينت WPTL100DSB- غسالة ملابس تحميل علوي- 10 كيلو وهنتعرف على أهم مواصفاتها ومميزاتها وعيوبها ورأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: WH042HL16YKMMNAFAMZ
• اللون: فضي.
• بلد المنشأ: الصين.
• الخامة الأساسية: إيناميلد.
• فترة الضمان: 5 سنوات.
• الموديل: WPTL100DSB
• أبعاد المنتج: 92×53×51 سم.

المميزات

• مصنعة بتصميم حديث يتناسب مع كل المستويات.
• الغسالة بتتميز بحلة كبيرة بسعة 10 كيلو بتاخد كميات كبيرة وبتوفر في عدد مرات الغسيل ومناسبة جدا للعائلات الكبيرة والمتوسطة.
• مزودة بشاشة عرض ديجيتال جذابة بتعرف منها نوع البرنامج والوقت الباقس على انتهاؤه.
• مصممة بتقنية منع تشابك الملابس وبالتالي بتحافظ على عمر النسيج والخامات الحساسة.
• صوتها هادي وملهاش ضجيج عالي.
• وظيفة مضادة للرغوة بتحافظ على الغسالة وبتوفر في المياه لأنها مش بتحتاج كميات مية كبيرة للشطف.
• الحوض الداخلي للغسالة ستانلس ستيل كبير ضد الصدأ وسهل التنظيف.
• الغطاء العلوي للغسالة بلاستيك شفاف بتقدر تتابع دورة الغسيل من خلاله.
• مزودة بمدخلين للمياه البارد والساخن ودا بيسهل توصيلها بالسخان للحصول على مياه ساخنة.
• مزودة بمضخة للصرف بتسهل تغيير المياه وتصريفها من خلالها.
• نظام اندفاع ثلاثي للمياه بيعمل على تنضيف الملابس يشكل عالي وملئ الغسالة بشكل أسرع.
• بتتميز بعدد 10 برامج بيتناسبوا مع كل أنواع المنسوجات وبتوفر النضافة اللي بتحتاجها لكل أنواع الغسيل بالإضافة لبرنامج نقع.
• نظام تجفيف بالهواء بيساعد على تجفيف الملابس بشكل أسرع.
• تعمل بتقنية Fuzzy Logic وهي عبارة عن أجهزة استشعار مدمجة بتحلل مستوى تلوث الغسيل وتحديد حساب مدة اللي بيحتاجها للتنظيف بالإضافة لمستوى التلوث وطبيعته وتكوين النسيج وصلابة المياه وبالتالي تحديد الوضع الأمثل للتشغيل للحصول على أعلى مستوى نظافة.
• تقنية الغسيل بالرش مع توفر 5 مستويات للمياه لاستخدامها حسب كمية الملابس.
• حجمها مش كبير وبيسمح انك ممكن تحطها في أي مكان وتتماشي مع دولاب المطبخ أو الحمام بسهولة.
• مزودة بمفتاح لاختيار البرامج مع شرح مختصر لأنواع البرامج حوله وأنواع النسيج الملائمة له.
• مزودة بنظام توازن تلقائي بيمنع الإهتزاز والصوت العالي ويديها ثبات قوي في مكانها.
• مصنعة من الإيناميلد القوي ضد الصدأ.
• مزودة بأرجل من العجل بيسهل تحريكها من مكانها للتنظيف تحتها ونقلها من مكان لمكان.

العيوب

• طبقة الدهان بتتقشر وجسم الغسالة بيصدي لو اتحطت في الحمام وخدمة الصيانة بتقول ان شرط استخدامها ضد الصدأ انها تتركب في المطبخ، وده معناه ان الدهانات مش قوية.
• السطح العلوي للغسالة غير مستغل بسبب ان فتحتها علوية.
• لا يوجد زر حماية ضد عبث الأطفال.
• خدمة العملاء سيئة.

خدمة العملاء

• رقم الخط الساخن 19595
• شركة العبد مستواها إنحدر في الصيانة وفي شكاوى كتير جدا منها، ومش بتوفر قطع الغيار، والموديلات الجديدة بتنزل بعيوب صناعة.

تجربة المستخدم

• أنا شخصيا عندي غسالة وايت بوينت العبد وكانت بتعمل صوت عالي وهي لسه جديدة ولما طلبت خدمة العملاء جه الشخص اللي ركبها وشغلها وقالي ان الصوت ده هو الطبيعي بتاعها، وكانت مزعجة جدا ودي كانت أول صدمة أتصدمها فيها، بعد شهر الصوت زاد وطلبت الصيانة وجه واحد مختلف وقالي ده رومان بلي وحاول يفهمني انه من سوء الاستخدام علشان يحملني تكاليفها رغم انها في الضمان وبقالها شهرين فقط، بعدها عرفت من كذا حد ان الغسالات بتنزل بعيوب صناعة واتنين من اللي اعرفهم كان عندهم نفس مشكلتي وحاولوا يماطلوا معاهم لحد ما تعدي فترة الضمان إلا ان الغسالة بتتهالك، بعد ما اتصلحت بقت كويسة بقالها فترة.

شوف غسالة وايت بوينت WPTL100DSB- غسالة ملابس تحميل علوي- 10 كيلو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.