كتب: خالد عاصم

في المقال ده هنتكلم عن واحد من موبايلات Vivo الاقتصادية اللي حققت نجاح في السوق المصري وهو موبايل Vivo Y11 اللي هنتعرف على مميزاته وعيوبه ومتوسط سعره، وهتقدروا تطلبوه لو عجبكم من خلالنا في ياقوطة هيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Vivo Y11

• الأبعاد: ٨.٩ × ٧٦.٨ × ١٥٩.٤ مم بوزن ١٩٠٫٥ جرام.
• البناء والصناعة: هيكل وضهر من البلاستيك بزجاج امامي.
• شرائح الاتصال: ثنائي الشريحة.
• الشاشة: شاشة IPS LCD بتصميم شق قطرة المياه قطرها ٦.٣٥ بوصة بتستحوذ على نسبة ٨١.٤ % تقريبًا من مساحة الموبايل الأمامية، الشاشة دقة عرضها ١٥٤٤ × ٧٢٠ بيكسل بكثافة ٢٦٨ بيكسل لكل بوصة.
• المكونات الداخلية: بيعتمد الموبايل على بروسيسور كوالكوم سنابدراجون ٤٣٩ بمعمارية ١٢ نانوميتر ثماني النواة وكارت جرافيكس Adreno 505، الموبايل بيصدر بإصدار بذاكرة عشوائية سعتها ٣ جيجابايت رام بذاكرة داخلية سعتها ٣٢ جيجابايت وممكن زيادتها من خلال كروت الميموري اللي ليها منفذ مستقل.
• نظام التشغيل: اندرويد ٩ باي بواجهة مستخدم Funtouch 9.1
• الكاميرا الخلفية: مزدوجة العدسات بقوة ١٣ ميجا بيكسل بفتحة f/2.2 للعدسة الرئيسية العريضة المدعومة بتقنية PDAF وبقوة ٢ ميجا بيكسل بفتحة f/2.4 للعدسة التانية الخاصة باستشعار عمق الصورة والكاميرا بتصور فيديو بجودة 1080p بمعدل ٣٠ إطار في الثانية والكاميرا الخلفية مدعومة بإضاءة فلاش ليد فردية.
• الكاميرا الأمامية:  بقوة ٨ ميجا بيكسل وفتحة f/1.8 وبتصور الفيديو بجودة 1080p بمعدل ٣٠ إطار في الثانية
• المنافذ: ٣٫٥ مم وmicroUSB.
• المستشعرات: ماسح بصمة خلفي – التسارع – التقارب – البوصلة.
• البطارية: غير قابلة للإزالة سعة ٥٠٠٠ ميللي أمبير في الساعة مش مدعومة بتقنية الشحن السريع.

مزايا وعيوب موبايل Vivo Y11

مزايا موبايل Vivo Y11

• الموبايل وزنه مش خفيف أوي زي كتير من الموبايلات الاقتصادية اللي خفتها بتكشف عن ضعف المواد المستخدمة في صناعتها
• بيعتمد الموبايل على تصميم شق قطرة المياه على شكل حرف V واللي بيعتبره كتير من المستخدمين جذاب أكتر من تصميم حرف U المعتاد.
• قطر شاشة الموبايل مناسب جدًا لكل المستخدمين لانه مش صغير ومش كبير أوي زي كتير من الموبايلات اللي قطرها بقى يعدي ٦٫٥ بوصة على الأقل ناس كتير مبتعرفش تتعامل معاها بأريحية.
• الشاشة بتتمتع بدقة ألوان ممتازة جدًا.
• بالنسبة لسعر الموبايل فهو بيقدم إصدار مقبول جدًا سواء على مستوى الذاكرة العشوائية اللي سعتها ٣ جيجابايت رام أو الذاكرة الداخلية اللي سعتها ٣٢ جيجابايت.
• الموبايل بيقبل كروت الميموري.
• الموبايل بيقدم تجربة أداء مقبولة جدًا مع نظام تشغيل اندرويد ٩ باي.
• الكاميرا الخلفية للموبايل عدستها الرئيسية مقبولة من حيث الدقة وكمان مدعومة بتقنية التركيز التلقائي PDAF
• الكاميرا الأمامية للموبايل دقتها مقبولة بالنسبة للموبايلات اللي في الفئة السعرية دي وكمان فتحة العدسة كبيرة مقارنة بموبايلات تانية كتير.
• الموبايل فيه منفذ ٣٫٥ مم.
• الموبايل فيه راديو إف إم مدمج.
• منفذ الشحن ونقل البيانات بيدعم خاصية USB On-The-Go
• ماسح بصمة خلفي سريع ودقيق.
• بطارية ضخمة سعتها ٥٠٠٠ مللي أمبير في الساعة.

عيوب موبايل Vivo Y11

• الموبايل مصنوع بالكامل من البلاستيك سواء على مستوى الهيكل أو الضهر.
• شاشة الموبايل بتستحوذ على نسبة مش كبيرة من مساحة الموبايل الأمامية.
• دقة عرض ١٥٤٤ × ٧٢٠ بيكسل ودي معتادة في الموبايلات الاقتصادية ولكن ده ما يمنعش كونها عيب مقارنة ببعض الموبايلات اللي تمنها أعلى بمبلغ مش كبير قوي.
• شاشة الموبايل مش محمية بأي طبقة من طبقات الحماية من زجاج كورنينج جوريلا جلاس من أي إصدار.
• الموبايل بيعتمد على معالج مركزي ضعيف شوية مقارنة بموبايلات منافسة تانية.
• الموبايل بيصدر بإصدار واحد بس.
• الموبايل بيقبل كروت الميموري لكن من خلال منفذ الشريحة التانية يعني مايقدرش يشغل شريحتين مع كارت الميموري.
• فتحة العدسة الرئيسية للكاميرا الخلفية ضيقة عن الموبايلات المنافسة.
• الموبايل بيدعم بلوتوث إصدار ٤٫٠ القديم عن موبايلات تانية منافسة.
• بيعتمد الموبايل على منفذ microUSB من USB Type-C
• الموبايل مش بيدعم أي تقنية من تقنيات الشحن السريع.

اتعرف على عروض أسعار موبايل Vivo Y11 من على ياقوطة من هنا.

اتعرف على عروض أسعار مختلف موبايلات Vivo المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.