كتب: خالد عاصم

في المقال ده هنتكلم عن واحد من أحدث وأبرز موبايلات سامسونج متوسطة الفئة وهو موبايل Samsung Galaxy M62 اللي هنتعرف على مميزاته وعيوبه ومتوسط سعره في مصر.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Samsung Galaxy M62

المواصفات

• أبعاد الموبايل: ٩.٥ × ٧٦.٣ × ١٦٣.٩ مم.
• وزن الموبايل: ٢١٨ جرام.
• البناء والصناعة: هيكل وظهر من البلاستيك بزجاج أمامي.
• شرائح الاتصال: ثنائي الشريحة.
• شاشة الموبايل: شاشة موبايل Samsung Galaxy M62 كاملة بثقب في المنتصف قطرها ٦.٧ بوصة ومعدلها ٢٠:٩ وده بيخليها تشغل حوالي ٨٦.٧ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٣٩٣ بيكسل لكل بوصة والشاشة مصنوعة من شرائح Super AMOLED
• أداء الموبايل: معالج Exynos 9825 بمعمارية ٧ نانوميتر ثماني النواة وسرعته ٢.٧٣ جيجا هيرتز لشريحتين من Exynos M4 وبسرعة ٢.٤٠ جيجا هيرتز لشريحتين Cortex-A75  وبسرعة ١٫٩٥ جيجا هيرتز لأربع شرائح Cortex-A55 والمعالج مدمج بمعالج جرافيكس Mali-G76 MP12. والموبايل بيصدر بإصدارين بذاكرة عشوائية سعتها ٨ جيجابايت رام بذاكرة داخلية سعتها ١٢٨ جيجابايت للإصدار الأول و٢٥٦ جيجابايت للإصدار التاني وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ١١ بواجهة مستخدم One UI 3.1
• الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة وبقوة ١٢ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.4 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.4 للعدسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: جانبي.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٧٠٠٠ مللي أمبير في الساعة وبتدعم تقنية الشحن السريع بقوة ٢٥ وات وكمان بتدعم تقنية الشحن اللاسلكي.

مزايا وعيوب هاتف Samsung Galaxy M62

مزايا هاتف Samsung Galaxy M62

• شاشة بتصميم متميز وعصري جدًا وبتستحوذ على نسبة كبيرة من مساحة الموبايل الأمامية، وكمان تصميم ضهر الموبايل جذاب جدًا والموبايل في المجمل تصميمه شيك وجذاب ويقدر يشد بسهولة جدًا
• شاشة Super AMOLED ممتازة على مستوى السطوع والدقة والوضوح والحدة
• الموبايل بيعتمد على معالج بمعمارية ٧ نانوميتر وبشرائح قوية وبيقدر يقدم أداء ممتاز في مختلف المهام وكمان بيقدر يشغل الألعاب عدد كبير من الألعاب على إعدادات بجودة عالية
• إصدارات الموبايل قوية جدًا لانها بذاكرة عشوائية سعتها ٨ جيجابايت رام
• ذاكرة داخلية كبيرة في الإصدارين
• الموبايل بيقبل كروت الميموري من خلال منفذ مستقل
• كاميرا خلفية ممتازة سواء على مستوى التنوع أو الدقة العالية للعدسة الرئيسية أو على مستوى تصوير الفيديو
• كاميرا أمامية أكتر من ممتازة بتصور فيديو بجودة 4K
• الموبايل بيدعم تقنية الاتصال اللاسلكي قريب المجال NFC
• بطارية قوية جدًا سعتها ٧٠٠٠ ميللي أمبير في الساعة مدعومة بتقية الشحن السريع وكمان تقنية الشحن العكسي

عيوب موبايل Samsung Galaxy M62

• سمك الموبايل كبير جدًا
• الموبايل تقيل بشكل واضح
• مش بيعتمد على مواد قوية يعني هيكله مصنوع من البلاستيك والضهر والشاشة مش محميين بطبقة زجاج مقوى
• الموبايل مش مدعوم بأي حماية ضد الغبار أو المياه
• الشاشة ممتازة بس ينقصها إنها مش بتدعم معدل تحديث عالي وكمان مش بتدعم تقنية HDR
• الكاميرا الخلفية قوية جدًا بس مفيهاش عدسة مقربة
• الموبايل مش بيعتمد على سماعات ستريو ومش بيدعم دقة صوت عالية
• رغم إن الشاشة AMOLED إلا أن الموبايل مش بيعتمد على ماسح بصمة مدمج فيها

اتعرف على عروض أسعار موبايل Samsung Galaxy M62 من هنا.

اتعرف على عروض أسعار موبايلات سامسونج المختلفة المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.