كتب: خالد عاصم

لسا شركة Xiaomi وتحديدًا من خلال علامة Redmi التجارية قادرة إنها تبهر المستخدمين وتحدد قواعد جديدة للمنافسة في الفئة المتوسطة من خلال موبايلاتها اللي بتطرحها كل فترة في الفئة دي، ومن بينها موبايل Redmi Note 10 اللي هنتعرف عليه النهاردة وهنعرف مواصفاته ومميزاته وعيوبة ومتوسط سعره الحالي في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Redmi Note 10

المواصفات

• أبعاد الموبايل: ٨.٣ × ٧٤.٥ × ١٦٠.٥ مم.
• وزن الموبايل: ١٧٨.٨ جرام.
• حماية الموبايل: حماية ضد الغبار والمياه طبقًا لمعيار IP53
• شرائح الاتصال:  ثنائي الشريحة.
• شاشة الموبايل: شاشة Super AMOLED بثقب في المنتصف قطرها ٦.٤ بوصة ومعدلها ٢٠:٩ وده بيخليها تشغل حوالي ٨٣.٥ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٩ بيكسل لكل بوصة والشاشة محمية بزجاج كورنينج جوريلا جلاس الإصدار الثالث.
• أداء الموبايل: معالج كوالكوم سنابدراجون ٦٧٨ بمعمارية 11 نانوميتر ثماني النواة بتردد ٢.٢ جيجا هيرتز لشريحتين Kryo 460 Gold وبتردد ١.٧ جيجا هيرتز لست شرايح Kryo 460 Silver والمعالج مدمج بمعالج جرافيكس Adreno 612. والموبايل بيصدر بإصدارات بذاكرة عشوائية ٤ جيجابايت رام أو ٦ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ١١ بواجهة مستخدم MIUI 12
• الكاميرا: الموبايل الكاميرا الخلفية بتاعته رباعية العدسات بقوة ٤٨ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية التركيز التلقائي PDAF وبقوة ٨ ميجا بيكسل بفتحة مستشعر f/2.2 للعدسة التانية بالغة العرض بزاوية رؤية ١١٨ درجة وبقوة ٢ ميجا بيكسل بفتحة مستشعر f/2.4 للعدسة التالتة الخاصة بتصوير صور الماكرو وبقوة ٢ ميجا بيكسل بفتحة f/2.4 للعسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد زوجية وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدلات ٣٠/٦٠ إطار في الثانية، أما الكاميرا الأمامية فعدستها عريضة بقوة ١٣ ميجا بيكسل وفتحة مستشعر f/2.5 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• تقنيات صوتية: سماعات ستريو – دقة صوت ٢٤ بت/١٩٢ كيلو هيرتز
• منفذ الشحن ونقل البيانات: USB Type-C.
• ماسح البصمة: جانبي.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتدعم تقنية الشحن السريع بقوة ٣٣ وات.

مزايا وعيوب موبايل Redmi Note 10

مزايا موبايل Redmi Note 10

• الموبايل سمكه وأبعاده معقولين جدًا لأنه مش تقيل أوي ولا سميك أوي ودي ميزة مهمة جدًا حاليًا
• الموبايل بيتميز بحماية ضد الغبار ورشات المياه طبقًا لمعيار IP53
• شاشة Super AMOLED ممتازة بتتمتع بمعدلات سطوع عالية جدًا بالنسبة لموبايل في الفئة السعرية دي
• دقة عرض الشاشة عالية ودقة ألوانها ممتازة
• تصميم الشاشة عصري وجذاب جدّا زي أي موبايل من الموبايلات الرائدة كمان مش المتوسطة بس
• الشاشة محمية بطبقة من زجاج كورنينج جوريلا جلاس
• الموبايل بيعتمد على معالج كويس جدًا في الفئة السعرية دي
• بيصدر الموبايل بإصدارات متعددة وبتوفر تنوع كويس للمستهلك
• الذاكرة الداخلية للموبايل فئة UFS 2.2
• الموبايل بيقبل كروت الميموري من خلال شريحة مستقلة
• الموبايل بيتشغل بنظام تشغبل اندرويد ١١ مباشرة
• الكاميرا الخلفية مقبولة جدًا وإن كانت مش الأفضل طبعًا بس لا تزال مقبولة في الفئة السعرية دي
• الكاميرا الأمامية كمان مقبولة جدًا
• نظام صوت كويس أوي بيعتمد على سماعات ستريو مع دعم لدقة صوت عالية
• بطارية الموبايل قوية ومدعومة بتقنية الشحن السريع اللي بتقدر تشحن البطارية من صفر لخمسين في الميه في ٢٥ دقيقة بس وبتشحنها بالكامل في ٧٤ دقيقة

عيوب موبايل Redmi Note 10

• المواد المستخدمة في صناعة الموبايل مش محددة ولكنها في الأغلب بتعتمد على البلاستيك
• شاشة الموبايل مش بتدعم معدل تحديث عالي ومش بتدعم تقنية HDR
• إصدار طبقة الحماية على الشاشة قديم شوية
• البروسيسور كويس فعلًا بس ممكن بفرق مبلغ بسيط تقدر تحصل على موبايل بمعالج أقوى شوية
• الموبايل مفيهوش تقنية NFC
• رغم إن الشاشة Super AMOLED إلا أن الموبايل مش بيعتمد على ماسح بصمة مدمج في الشاشة

اتعرف على عروض أسعار موبايل Redmi Note 10 من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.