كتب: خالد عاصم

بتقدم Oppo مجموعة متنوعة من الموبايلات اللي قدرت تستحوذ على ثقة المستخدم المصري بشكل كبير وده خلالها تحتل مكانة في مصر يمكن اعلى كمان من مكانتها العالمية، ورغم كده إلا إن موبايلات Oppo فيها مشكلة كبيرة في التسعير ودايمًا بتكون موبايلاتها أعلى سعرًا من الموبايلات المنافسة اللي بتعتمد على الإمكانيات نفسها، ومن بين الموبايلات اللي بتدي مثال واضح على كده موبايل Oppo A54 ومع كده ده مش معناه إن الموبايل وحش وإنه مش قادر يستمر في الاستحواذ على دعم إعجاب المستهلكين بأوبو، وده اللي هنتعرف عليه النهاردة.

ففي المقال ده هنتكلم بالتفصيل على موبايل Oppo الاقتصادي Oppo A54 وهنتعرف على مواصفاته بالتفصيل ومنها هنقدر نتعرف على مزايا وعيوب الموبايل ومتوسط سعره في مصر.

وما تنسوش إن لو الموبايل عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A54

المواصفات

• أبعاد الموبايل: ٨.٤ × ٧٥.٧ × ١٦٣٫٦ مم.
• وزن الموبايل: ١٩٢ جرام.
• شاشة الموبايل: شاشة LTPS IPS LCD بثقب أعلى يسار الموبايل للكاميرا الأمامية، قطر الشاشة ٦.٥١ بوصة ومعدلها ٢٠:٩ وده بيخليها تشغل حوالي ٨٢.٦ % من مساحة الموبايل الأمامية. والشاشة بتقدم دقة عرض ١٦٠٠ × ٧٢٠ بيكسل بكثافة ٢٧٠ بيكسل لكل بوصة
• أداء الموبايل: معالج MediaTek Helio P35 بمعمارية ١٢ نانوميتر ثماني النواة وسرعته ٢.٣٥ جيجا هيرتز لأربع شرايح Cortex-A53 وبسرعة ١.٨ جيجا هيرتز لأربع شرايح Cortex-A53 والمعالج مدمج بمعالج جرافيكس PowerVR GE8320. والموبايل بيصدر عالميًا بإصدارين بذاكرة عشوائية سعتها ٤ جيجابايت وبذاكرة داخلية سعتها ٦٤ أو ١٢٨ جيجابايت و٦ جيجابايت رام بذاكرة داخلية سعتها ١٢٨ جيجابايت والموبايل بيدعم بطاقات الذاكرة الخارجية.
• نظام التشغيل: الموبايل بيشتغل بنظام تشغيل أندرويد ١٠.
• واجهة المستخدم: ColorOS 7.2
• الكاميرا: الموبايل الكاميرا الخلفية بتاعته ثلاثية العدسات بقوة ١٣ ميجا بيكسل وفتحة مستشعر f/2.2 للعدسة الأولانية العريضة وبقوة ٢ ميجا بيكسل بفتحة f/2.4 للعدستين التانية والتالية الخاصة بالتقاط صور الماكرو وباستشعار عمق الصورة والكاميرا مدعومة بتقنية التركيز التلقائي PDAF وكمان بتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠/٦٠/١٢٠ إطار في الثانية
• كاميرا السيلفي : عدسة عريضة قوتها ١٦ ميجا بيكسل بفتحة مستشعر f/2.0 وكاميرا الموبايل الأمامية مدعومة بتقنية HDR وبتصور فيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: جانبي
• المستشعرات: التسارع – الدوران – التقارب – البوصلة
• البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة مدعومة بتقنية الشحن السريع بقوة ١٨ وات

مزايا وعيوب موبايل Oppo A54

مزايا موبايل Oppo A54

• تصميم موبايل Oppo A54 جذاب جدًا سواء من الشاشة أو الضهر، فالشاشة بتعتمد على تصميم الثقب على يسار الشاشة والمعتمدة عليه مجموعة كبيرة من الموبايلات وبقى يحل محل تصميم شق قطرة المياه اللي كان منتشر بشكل كبير قبل كده، أما الضهر فيشبه لموبايلات رائدة كتير بتقدمها سامسونج وهواوي حاليًا
• الموبايل قطر شاشته ممتاز وخصوصًا إنه بيعتمد على معدل ٢٠:٩ اللي بتخلي استخدامه أسهل وبتخليه مثالي في الفرجة على الأفلام وفي الألعاب
• الموبايل بيصدر عالميًا بإصدارات مختلفة ومتميزة وبتدي تنوع كبير للمستهلك إنه يختار اللي يناسبه على مستوى الإمكانيات أو الفئة السعرية
• الموبايل بيدعم كروت الميموري من خلال منفذ مستقل مش بيأثر على استخدام الشريحتين
• الكاميرا الأمامية مقبولة على مستوى الدقة والأداء بس مش الأفضل في الفئة السعرية دي
• الموبايل بيدعم صيغة الصوت اللاسلكي عالي الجودة aptX HD
• بيعتمد الموبايل على منفذ USB Type-C في الشحن ونقل البيانات
• بطارية قوية سعتها ٥٠٠٠ ميللي أمبير مدعومة بتقنية الشحن السريع بقوة ١٨ وات

عيوب موبايل Oppo A54

• الموبايل معمول بالكامل من البلاستيك
• الموبايل مش محمي بأي طبقة من طبقات زجاج كورنينج جوريلا جلاس المقوى من أي إصدار
• الموبايل مش بيتمع بأي حماية ضد التعرق أو قطرات المياه
• الحواف المحيطة بالشاشة سميكة نسبيًا وده بيخلي الشاشة تستحوذ على نسبة منخفضة من المساحة الامامية للموبايل على عكس موبايلات تانية بتعتمد على التصميم نفسه
• شاش الموبايل مش بتدعم جودة Full HD وبتكتفي بس بجودة HD Plus ودي حاجة صعب أوي قبولها في الفئة السعرية دي
• الشاشة مش بتدعم أي معدل تحديث مرتفع ودي ميزة بقت متوفرة في الموبايلات اللي في الفئة دي
• الموبايل بيشتغل بنظام تشغيل اندرويد ١٠ مش مباشرة بنظام شغيل اندرويد ١١
• المعالج كويس بس مش في الفئة السعرية دي اللي فيها موبايلات تانية بتتميز بمعالجات أقوى
• كاميرا خلفية مش جذابة إطلاقً وفيه موبايلات قديمة من نفس السلسلة دي أفضل بكتير على مستوى الكاميرا وتعدد وظائفها ده غير إن الكاميرا مفيهاش عدسة بالغة العرض
• كاميرا امامية قوية بس مش الأفضل في الفئة السعرية دي
• الموبايل مفيهوش سماعات ستريو ولا بيدعم دقة صوت عالية
• الموبايل مش بيدعم تقنية الاتصال اللاسلكي قريب المجال NFC
• الموبايل بيدعم تقنيات لاسلكية مش الأحدث زي بلوتوث 5.0 مثلًا

اتعرف على عروض أسعار موبايل Oppo A54 من هنا.

اتعرف على عروض أسعار مختلف موبايلات Oppo من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.