كتب: خالد عاصم

أول ما ظهرت أجهزة التابلت قدرت تحقق نجاح وانتشار سريع جدًا وده لأسباب كتير كانت مقبولة وقتها وأبرزها إنها بتقدم موبايل بشاشة كبيرة مش معتاد توافرها في الموبايلات العادية، وعلى الرغم من إن الشاشة دي ماكانتش على الأغلب بنفس الجودة والجهاز ككل مكانش بيتمتع بنفس الإمكانيات اللي بتمتع بيها الموبايلات -وطبعًا أجهزة آيباد وتابلت سامسونج الرائد استثناء- إلا إن التضحيات دي على مستوى الجودة والإمكانيات كانت مقبولة بالنسبة للمستخدمين في مقابل إنهم يمتلكوا جهاز يقدر يقوم بالمهام الأساسية للموبايل بشاشة كبيرة بتوفر رؤية واضحة.

مع مرور الوقت وتغير فلسفلة تصميم الموبايلات وظهور الأجهزة اللي اتعرفت قبل كده باسم فابلت واللي كانت بتعتمد على شاشات قطرها أكتر من ٦ بوصة، بدأت أجهزة التابلت وخصوصًا اللي قطر شاشتها في حدود ٧ بوصة تشعر بالخطر وده أدى لخفض أسعارها وتقليل إمكانياتها عشان تقدر تقدم بديل مختلف عن الموبايلات دي وماتنافسهاش، بس بعد ما بقى الطبيعي إن الموبايلات تكون قطر شاشتها أكتر من ٦ بوصة بدأت أجهزة التابلت االي من النوعية دي تقل جدًا وبدأ الاهتمام بيها من مختلف الشركات كمان يقل ويركزوا اهتمامهم في القطاع ده على أجهزة التابلت الكبيرة اللي إمكانياتها بقت متطورة بشكل قريب من الموبايلات في حاجات وبيتفوق عليها في حاجات تانية.

ده مش معناه إن أجهزة التابلت الاقتصادية الصغيرة مابقتش موجود أو متداولة أو مابقتش خيار ممكن يتجه ليه المستهلك، فلحد دلوقتي فيه مجموعة من أجهزة التابلت اللي قدرت تحافظ على بقاءها وتحقق نجاحات محدودة صحيح ولكن مقبولة، ومن بين الأجهزة دي واللي لسا متوفرة في السوق المصري وبتحقق مبيعات مقبولة، تابلت Lenovo Tab 7 Essential اللي هنتكلم عنه النهارده.

فالنهارده ومن خلال المقال ده هنتكلم عن تابلت Lenovo Tab 7 Essential وهنتعرف على مميزات وعيوب واحد من أجهزة التابلت الاقتصادية اللي قدرت تحافظ على بقاءها في السوق المصري لحد دلوقتي، ولو عجبكم التابلت هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Lenovo Tab 7 Essential

المواصفات

• تاريخ الإعلان عن التابلت: نوفمبر ٢٠١٧
• تاريخ طرح التابلت في الأسواق: نوفمبر ٢٠١٧
• أبعاد التابلت: ٨٫٨ × ١٠٢ × ١٩٤٫٨ مم
• وزن التابلت: ٢٥٤ جرام
• شريحة الاتصال: مدعومة من خلال شريحة واحدة 3G
• الشاشة: شاشة بقطر ٧٫٠ بوصة بمعدل ١٦:٩ بتشغل حوالي ٦٩٫٤ %  من مساحة الموبايل الأمامية
• دقة عرض الشاشة: ١٠٢٤ × ٦٠٠ بيكسل بكثافة ١٧٠ بيكسل لكل بوصة
• شرائح الشاشة: IPS LCD
• البروسيسور: بروسيسور MediaTek MT8167D رباعي النواة بسرعة ١٫٣ جيجا هيرتز لأربع شرايح Cortex-A53
• معالج الرسوميات: PowerVR GE8300
• الرامات: سعة رامات التابلت ١ جيجابايت رام
• السعة التخزينية: ذاكرة داخلية سعتها ١٦ جيجابايت وتقدر تزود السعة التخزينية لحد ٣٢ جيجابايت من خلال كروت الميموري
• نظام التشغيل: اندرويد ٧٫٠ نوجات
• الكاميرا الخلفية: أحادية قوتها ٢ ميجا بيكسل وبتقدر تصور فيديو
• الكاميرا الأمامية: أحادية قوتها ٢ ميجا بيكسل
• المنافذ: منفذ ٣٫٥ مم لتوصيل السماعات ومنفذ microUSB 2.0 للشحن ونقل البيانات
• راديو إف إم: مش متوفر
• المستشعرات: التسارع
• البطارية: غير قابلة للإزالة سعتها ٣٥٠٠ ميللي أمبير في الساعة

مزايا وعيوب تابلت Lenovo Tab 7 Essential

مزايا Lenovo Tab 7 Essential

• التابلت بيدعم بطاقات الاتصال يعني ينفع يتصل بالإنترنت من خلال الباقة مش بالضرورة من خلال الواي فاي.
• التابلت من الفئة اللي قطر شاشتها ٧ بوصة وده ميزة بالنسبة للحجم والأبعاد اللي مش كبيرة.
• وزن التابلت صغير وده بيخلي إمكانية حمله سهلة ومش متعبة.
• ألوان شاشة تابلت Lenovo Tab 7 Essential ممتازة وواضحة وتباينها عالي.
• التابلت بيقبل كروت الميموري لحد ٣٢ جيجابايت ودي سعة صغيرة صحيح بس كافية جدًا لإمكانيات التابلت.
• نظام تشغيل اندرويد ٧٫٠ نوجات قديم شوية بس مناسب للمكونات الداخلية للتابلت وبيوفر تجربة استخدام كويسة وسلسة.
• سعر التابلت أهم ميزة فيه وده اللي بيخليه مناسب لعدد من المستخدمين.
• بطارية التابلت على مستوى الأرقام محدودة وزي كتير من الموبايلات بس أداءها مع التابلت معقول جدًا ومفيهوش مشاكل.

عيوب Lenovo Tab 7 Essential

• التابلت مش قوي على مستوى الصناعة.
• الحواف المحيطة بالشاشة سميكة جدًا وبشكل مبالغ فيه وده بيأثر بالسلب على شكل وتصميم التابلت وبيقلل من إيجابيات تجربة استخدامه.
• دقة عرض الشاشة ضعيفة بشكل واضح جدًا ومش مناسبة إطلاقًا لعرض أي محتوى عالي الجودة.
• شاشة التابلت مش بتتمتع بأي حماية.
• وضوح ودة الشاشة ضعيفة جدًا في الإضاءة المحيطة العالية وصعب جدًا استخدامه في ضوء الشمس المباشر.
• بروسيسور التابلت محدود القوة وقدراته محدودة جدًا وده بيخلي كافي بس للمهام الأساسية وماتتوقعش منه أكثر من كده
• الرامات قليلة وأقل من موبايلات أغلى بحاجة بسيطة وشاشتها أكتر من ٦ بوصة يعني مش بعيدة أوي
• الذاكرة الداخلية كمان قليلة جدًا.
• الكاميرات الأمامية والخلفية لتابلت Lenovo Tab 7 Essential ضعيفة جدًا والصور اللي ممكن تاخدها بيها أقل من أي مقاييس ممكن توفرها الموبايلات حتى الاقتصادية منها.
• التابلت مفيهوش راديو إف إم.
• التابلت مفيهوش ماسح بصمة ولا أي مستشعر تاني غير مستشعر التسارع.

شوف عروض أسعار تابلت Lenovo Tab 7 Essential من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.