كتب: خالد عاصم

اشتدت المنافسة بشكل كبير جدًا على مستوى الموبايلات المتوسطة والاقتصادية بسبب الموبايلات الجديدة الكتير اللي نزلت الفترة اللي فاتت سواء في نهاية سنة ٢٠١٨ أو خلال الشهور الأولانية من سنة ٢٠١٩ واللي كان أبطالها الأساسيين مجموعة من الشركات المتميزة زي Oppo من خلال موبايلاتها وموبايلات شركتها الفرعية Realme وزي Xiaomi اللي فصلت علامتها التجارية Redmi وخلتها علامة تجارية مستقلة وكمان زي Samsung اللي رجعت تاني بمجموعة ممتازة من الموبايلات اللي بتحاول بيها تعيد سيطرتها على الفئات، وطبعًا شركة Huawei وشركة Honor ومن أبرز موبايلات Huawei اللي نزلت الفترة اللي فاتت وبتقدم قيمة متميزة للفئات المنخفضة، موبايل Huawei Y7 Prime 2019 الجديد.

قبل ما نتكلم عن موبايل Huawei Y7 Prime 2019 بالتفضيل نقدر نقول بشكل أولي إنه بينتمي لفئة جديدة مستحدثة ما بين الموبايلات الاقتصادية والمتوسطة فبعد ما بقت سعة الرامات ٤ جيجابايت رام من سمات الموبايلات المتوسطة الأساسية، وفضلت رامات سعة ٢ جيجابايت رام من سمات الموبايلات الاقتصادية تحولت الموبايلات اللي برامات ٣ جيجابايت رام لفئة جديدة ممكن نسميه الشريحة الأولى من الفئة المتوسطة إن صح التعبير، ودي فئة بتتميز بغنها بتاخد لمحات من الموبايلات الأعلى منها مُضافة على أسس بتتسم بيها الموبايلات الاقتصادية، عشان تقدملنا في لنهاية موبايل بإمكانيات كويسة جدًا في مقابل سعر منخفض نسبيًا مقارنة بأسعار الموبايلات التانية.

من خلال المقال ده هنركز على موبايل Huawei Y7 Prime 2019 وهنتعرف على تفاصيل مواصفاته ومن خلالها هنعرف مميزاته وعيوبه وكمان متوسط سعره في السوق المصري، وماتنسوش إنكم تقدروا تطلبوا موبايل Huawei Y7 Prime 2019 من خلالنا في ياقوطة وهيوصلكم لحد باب البي أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Huawei Y7 Prime 2019

مواصفات Huawei Y7 Prime 2019

• تاريخ الإعلان عن الموبايل: يناير ٢٠١٩.
• تاريخ طرح الموبايل في الأسواق: يناير ٢٠١٩.
• أبعاد الموبايل: ٨.١ × ٧٦.٩ × ١٥٨.٩ مم.
• وزن الموبايل: ١٦٨ جرام.
• شرائح الاتصال: ثنائي الشريحة.
• شاشة الموبايل: شاشة موبايل Huawei Y7 Prime 2019 كاملة بشق صغير في الأعلى قطرها ٦.٢٦ بوصة ومعدلها ١٩:٩ وده بيخليها تشغل حوالي ٨٠.٠ % من مساحة الموبايل الأمامية. والشاشة بتقدم دقة عرض ١٥٢٠ × ٧٢٠ بيكسل بكثافة ٢٦٩ بيكسل لكل بوصة والشاشة مصنوعة من شرائح IPS LCD.
• أداء الموبايل: معالج كوالكوم سنابدراجون ٤٥٠ ثماني النواة وسرعته ١.٨ جيجا هيرتز لتمن شرائح من Cortex-A53 والمعالج مدمج بمعالج جرافيكس Adreno 506. والموبايل بيصدر بإصدار بذاكرة عشوائية سعتها ٣ جيجابايت وبذاكرة عشوائية سعتها ٣٢ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
• نظام التشغيل: الموبايل بيشتغل بنظام تشغيل أندرويد ٨٫١ أوريو.
• واجهة المستخدم: EMUI 8.2.
• الكاميرا: الموبايل الكاميرا الخلفية بتاعته مزدوجة بقوة ١٣ ميجا بيكسل وفتحة مستشعر f/1.8 للعدسة الأولانية وبقوة ٢ ميجا بيكسل للعدسة التانية الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فقوتها ١٦ ميجا بيكسل والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• تقنيات صوتية: دولبي أتموس.
• منفذ الشحن ونقل البيانات: microUSB 2.0.
• ماسح البصمة: خلفي.
• المستشعرات: التسارع – التقارب – البوصلة.
• البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة مدعومة بتقنية الشحن السريع بقوة ١٠ وات.
• إصدارات ألوان الموبايل: أسود – أحمر – أزرق.

مميزات وعيوب Huawei Y7 Prime 2019

مميزات Huawei Y7 Prime 2019

• موبايل Huawei Y7 Prime 2019 بيتميز بتصميم رائع على مستوى الشاشة وهو تصميم شق قطرة المياه اللي انتشر بشكل كبير بين الموبايلات المتوسطة والرائدة وبقى تقريبًا التصميم الرئيسي دلوقتي لمختلف الموبايلات.
• وزن الموبايل مش تقيل.
• الموبايل بيدعم شريحتين اتصال.
• شاشة الموبايل كبيرة وبتقدم مساحة رؤية معقولة.
• شاشة Huawei Y7 Prime 2019 بتشغل نسبة كويسة جدًا من المساحة الأمامية للموبايل
• الموبايل بيشتغل بالمعالج المعتاد في الفئة دي من الموبايلات ودي ممكن ماتكونش ميزة في العموم ولكن ميزة بالنظر للفئة السعرية وبالنظر لموبايلات تانية بنفس الإمكانيات وبتعتمد على معالج رباعي النواة.
• الموبايل بيصدر برامات ٣ جيجابايت رام.
• بيقبل كروت الميموري لحد ٥١٢ جيجابايت.
• موبايل Huawei Y7 Prime 2019 بيمتاز بكاميرا خلفية كويسة جدًا على أكتر من مستوى زي إنها مزدوجة فبتقدر تصور الصور بتأثير بوكيه، وكمان العدسة الرئيسية بتاعتها مدعومة بتقنية التركيز التلقائي PDAF وبتقنية HDR
• الكاميرا الأمامية قوية جدًا بالنسبة لموبايل بينتمي للفئة دي.
• الموبايل فيه منفذ ٣٫٥ مم.
• الموبايل فيه راديو.
• الموبايل فيه ماسح بصمة كويس على مستوى السرعة والدقة.
• بطارية الموبايل قوية جدًا سعتها ٤٠٠٠ ميللي أمبير في الساعة.
• الموبايل بيدعم تقنية الشحن السريع.

عيوب Huawei Y7 Prime 2019

• الموبايل معمول من البلاستيك.
• مش محمي بأي نوع من أنواع الحماية ضد الغبار والغمر في المياه.
• دقة الشاشة ضعيفة نسبيًا وده بينعكس على الكثافة طبعًا.
• الشاشة مش محمية بأي نوع من أنواع زجاج كورنينج جوريلا جلاس من أي إصدار.
• الموبايل مش بيقدم إصدارات متنوعة.
• المساحة الداخلية للموبايل محدودة.
• كروت الميموري بتشغل منفذ الشريحة التانية بمعنى إنه استخدام كارت الميموري بيعطل استخدام الشريحة التانية.
• الموبايل بيشتغل بنظام تشغيل أندرويد ٨٫١ أوريو ومفيش لسا أخبار عن ترقيته لأندرويد ٩ باي.
• الكاميرا الأمامية أداءها بيقل شوية في الإضاءة المنخفضة.
• الموبايل مفيهوش سماعات ستيريو.
• الموبايل بيعتمد على منفذ microUSB مش USB Type-C
• الموبايل مفيهوش مستشعر الدوران.

شوف عروض أسعار موبايل Huawei Y7 Prime 2019 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.