كتب: خالد عاصم

فيه شركات موبايلات لما بتنزل سوق جديد بيضيفلها كتير السوق ده، وفي شركات تانية بتضيف للسوق ده، بس الشركات اللي بتقدر تحقق المعادلة الأهم هي اللي بتعرف تفيد للسوق وتستفيد منه. ومن بين الشركات دي شركة Honor الصينية والمملوكة للعملاق الصيني Huawei واللي قدرت من خلالها Huawei أنها تنافس نفسها وتنافس غيرها من خلال تقديم موبايلات بتقدر ترضي المستخدم الأهم في السوق، وهو المستخدم اللي بيبقى عايز يشتري موبايل بإمكانيات ممتازة أقرب ما يكون للموبايل الرائد من غير ما يدفع المبالغ الضخمة اللي بتحتاجها لدفعها الموبايلات الغالية، من هنا جه نجاح شركة Honor وموبايلاتها ومن هنا قدرت تحقق استفادة للسوق المصري بأنها زودت الموبايلات وتنوعها في السوق وقدرت ترضي عدد كبير من المستخدمين، وقدرت تحقق استفادتها الشخصية من خلال إقبال المستخدمين عليها وتحقيقها لمبيعات ممتازة في السوق المصري.

ومن بين أبرز وأحدث الموبايلات اللي طرحتها Honor في السوق المصري، موبايل Honor 8X اللي بيتميز بعدد كبير من إمكانيات وخصائص الموبايلات الغالية بسعر مقبول جدًا ومتاح لعدد كبير من المستخدمين. وفي المقال ده هنتعرف مع بعض على مواصفات موبايل Honor 8X وهنراجع مواصفات الموبايل ونتعرف كمان على مميزاته وعيوبه وسعره في السوق المصري. وماتنسوش في حالة إنه عجبكم الموبايل وحبيتوا تشتروه، تقدروا تطلبوه على طول من خلالنا في ياقوطة وهيوصلكم لحد باب البيت أو مكان ما تحبوا في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Honor 8X

مواصفات Honor 8X

• تاريخ الإعلان عن الموبايل: سبتمبر ٢٠١٨.
• تاريخ إصدار الموبايل: سبتمبر ٢٠١٨.
• أبعاد الموبايل: ٧.٨ × ٧٦٫٦ × ١٦٠٫٤ مم.
• وزن الموبايل: ١٧٥ جرام.
• شاشة الموبايل: موبايل Honor 8X بييجي بشاشة قطرها ٦٫٥ بوصة معمولة من شرائح IPS LCD ومعدل الشاشة ١٩:٥:٩ يعني الشاشة كاملة وفيها شق صعير في الأعلى. دقة شاشة الموبايل ٢٣٤٠ × ١٠٨٠ بيكسل بكثافة ٣٩٦ بيكسل لكل ثانية والشاشة بتشغل حوالي ٨٤٫٤ في الميه من مساحة الموبايل الأمامية.
• أداء الموبايل: الموبايل بيعتمد على البروسيسور فوق المتوسط HiSilicon Kirin 710 وده بروسيسور ثماني النواة بسرعة ٢٫٢ جيجا هيرتز لأربع شرايح Cortex-A73 وبسرعة ١٫٧ جيجا هيرتز لأربع شرايح Cortex-A53 والبروسيسور ده مدمج بيه بروسيسور جرافيكس Mali-G51 MP4 وبييجي الموبايل بإصدار بذاكرة عشوائية سعتها ٤ جيجابايت بذاكرة داخلية سعتها ٦٤ / ١٢٨ جيجابايت
• نظام التشغيل: نظام تشغيل أندرويد ٨٫١ أوريو وعليه واجهة مستخدم EMUI 8.2
• الكاميرا: موبايل Honor 8X بييجي بكاميرا خلفية بعدستين العدسة الأولانية قوتها ٢٠ ميجا بيكسل وفتحة مستشعرها f/1.8 أما العدسة التانية فقوتها ٢ ميجا بيكسل وفتحة مستشعرها ودي خاصة باستشعار عمق الصورة عشان تنتج صور بتأثير بوكيه والكاميرا مدعومة بتقنية التركيز التلقائي PDAF وتقنية HDR وبيصور فيديو بجودة 1080p بمعدل ٣٠ إطار في الثانية ومدعومة بإضاءة فلاش ليد أحادية، الكاميرا الأمامية بقى قوتها ١٦ ميجا بيكسل بفتحة مستشعر f/2.0 مدعومة بتقنية HDR وبتصوير فيديو بجودة 1080p بمعدل ٣٠ إطار في الثانية
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Honor 8X على بطارية سعتها ٣٧٥٠ مللي أمبير في الساعة بتتشحن من منفذ microUSB
• الألوان المتاحة من الموبايل: الأسود – الأزرق – الأحمر – الوردي

مميزات Honor 8X

• تصميم الموبايل ممتاز جدًا وصعب أوي يفرق من حيث الشكل عن أي هاتف غالي ممكن يعدي سعره ١٠ آلاف جنيه أو أكتر
• وجود الشق أعلى الشاشة ممكن يكون ميزة للي حابين التصميم ده ومش قادرين يجيبوا موبايل غالي فيه بيعتمد على نفس التصميم
• شاشة الموبايل بتعتمد على معدل ١٩:٥:٩ وده بيخليها تحتل نسبة قدرها ٨٤٫٤ % من مساحة الموبايل الأمامية وده بيميز الموبايل بمساحة رؤية ممتازة جدًا ومثالية في مساهدة الأفلام وتصفح الإنترنت.
• شاشة Honor 8X بتوفر جودة عالية بدقة ٢٣٤٠ × ١٠٨٠ ودي دقة ممتازة جدًا لموبايل في الفئة فوق المتوسطة ومتوفرة حتى في موبايلات رائدة أعلى بكتير من حيث القيمة المالية.
• البروسيسور اللي بيعتمد عليه الموبايل مقبول جدًا وحقق نتايج كويسة كبروسيسور متوسط وبالنسبة للمستخدم فوق المتوسط مش هيواجه أزمة مع الموبايل في استخدامه في معظم التطبيقات وعدد من الألعاب اللي مش بينها الألعاب التقيلة قوي.
• إصدارات الموبايل بتقدم تنوع كوبس جدًا يعني هتلاقي الإصدار الأنسب ليك ولميزانيتك.
• الموبايل بيقبل كروت الذاكرة يعني ممكن تزود سعته التخزينية.
• الموبايل بيشتغل بنظام تشغيل أندرويد ٨٫١ أوريو وفيه احتمال يجيله ترقية أندرويد ٩٫٠ Pie
• موبايل Honor 8X ييجي بكاميرا خلفية مزدوجة يعني ممكن تلقط صور بتأثير بوكيه طبيعي وكمان أداءها مقبول جدًا في مختلف ظرةف الإضاءة ده غير الذكاء الاصطناعي اللي بيدعم الكاميرا .
• الكاميرا الأمامية مقبولة جدًا.
• فيه منفذ ٣٫٥ مم اللي بيسمح بتوصيل سماعات الرأس والسماعات الخارجية.
• الموبايل فيه ماسح بصمة.
• بيدعم مستشعر الدوران يعني ممكن يشغل تطبيقات وألعاب الواقع الافتراضي .
• بطارية الموبايل مقبولة جدًا وممكن نعتبرها كبيرة .

عيوب Honor 8X

• الموبايل مش بيتمتع بأي حماية ضد المياه.
• كمان شاشة الموبايل مش محمية بزجاج مقوى.
• كان الأحسن استخدام شرائح Super AMOLED في صناعة الشاشة.
• الموبايل بيعتمد على منفذ microUSB وده منفذ بقى يعتبر قديم شوية دلوقتي.
• بطارية الموبايل مش بتدعم الشحن السريع.
• جودة تصوير الفيديو محدودة جدًا .
• الكاميرا الخلفية إضاءة فلاش ليد فردية بس وكان ممكن أقوى.
• الكاميرا الأمامية مفيهاش إضاءة فلاش.

شوف موبايل Honor 8X من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.