كتب: خالد عاصم

لشركة Oppo موبايلات كتير في السوق المصري والعالمي، واشتهرت Oppo بحاجتين متناقضتين شوية، الأولى إنها من الشركات اللي بتهتم جدًا بخدمة ما بعد البيع وموبايلاتها قليل جدًا لما تظهر فيها مشاكل، أما الحاجة التانية فهي إن أشعار موبايلاتها دايمًا بيكون أعلى من الفئة اللي الطبيعي تكون فيها، بمعنى إن المنافسين دايمًا بيقدروا يقدموا موبايلات أفضل على مستوى المواصفات في الفئة السعرية نفسها.

وعشان كده مقدرتش Oppo غنها تحقق في الفئة الاقتصادية نفس النجاح اللي حققته في الفئات المتوسطة وفوق المتوسطة وكمان الرائدة، وده لأن أغلب موبايلات Oppo في الفئة الاقتصادية بتعتمد على مواصفات أقل بشوية من الموبايلات التانية المنافسة اللي مش بس بتقدمها الشركات الصينية لا كمان بيقدمها عملاق كوريا الجنوبية سامسونج اللي رجع بتقله للفئة دي مع موبايلات Galaxy A وGalaxy M.

بس لو انت عايز موبايل Oppo اقتصادي بغض النظر عن نقطة السعر دي، ففي موبايلات كتير بتقدمها Oppo من بينها ومن أرخصها موبايل Oppo A12، وهو موبايل اقتصادي سعره في حدود 2300 لحد 2500 جنيه على حسب التاجر، وبينتمي طبعًا للفئة الاقتصادية، والموبايل ده تحديدًا هو اللي هنتكلم عنه بالتفصيل في المقال ده وهنتعرف على مواصفاته بالتفصيل، وكمان هنحاول نعرف مميزاته وعيوبه وكمان هنحدد المنافسين والبدايل ليه.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A12

المواصفات

• أبعاد الموبايل: ٨.٣ × ٧٥٫٥ × ١٥٥٫٩ مم بوزن ١٦٥ جرام.
• البناء والصناعة: هيكل وضهر من البلاستيك بزجاج أمامي.
• الشاشة: شاشة IPS LCD بتصميم شق قطرة المياه قطرها ٦٫٢٢ بوصة بمعدل ١٩:٩ بتستحوذ على نسبة حوالي ٨٢٫٠ % من مساحة الموبايل الأمامية ودقة عرضها ١٥٢٠ × ٧٢٠ بيكسل بكثافة ٢٧٠ بيكسل لكل بوصة والشاشة محمية بزجاج كورنينج جوريلا الإصدار الثالث.
• المكونات الداخلية: بيعتمد الموبايل على معالج MediaTek Helio P35 ومدمج بيه معالج رسوميات PowerVR GE8320 وبيصدر الموبايل بإصدار بذاكرة عشوائية سعتها ٣ أو ٤ جيجابايت رام بذاكرة داخلية سعتها ٣٢ جيجابايت وإصدار بذكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت وبيدعم الموبايل كروت الميموري من خلال منفذ مستقل.
• نظام التشغيل: اندرويد ٩ باي
• الكاميرا الخلفية: كاميرا خلفية ثنائية العدسات مكونة من عدسة رئيسية عريضة بدقة ١٣ ميجا بيكسل بفتحة f/2.2 ومن عدسة خاصة باستشعار عمق الصورة بدقة ٢ ميجا بيكسل بفتحة f/2.4 والكاميرا بتقدر تصور الفيديو بجودة 1080p بمعدل ٣٠ إطار في الثانية
• الكاميرا الأمامية: بدقة ٥ ميجا بيكسل بفتحة f/2.0
• المنافذ: منفذ ٣٫٥ مم ومنفذ microUSB
• ماسح البصمة: خلفي.
• البطارية: غير قابلة للإزالة سعة ٤٢٣٠ ميللي أمبير في الساعة.

مزايا وعيوب موبايل Oppo A12

مزايا موبايل Oppo A12

• الموبايل وزنه حفيف وسمكه معقول وأبعاده مش كبيرة أوي يعني مش هيعمل أزمة أو مشكلة وانت بتستخدمه
• شاشة الموبايل أصغر من موبايلات كتير دلوقتي وهيكون مناسب جدًا للي مش بيحبوا الشاشات الكبيرة
• من المميزات البارزة جدًا في الموبايل ومش متوفرة في بعض الموبايلات المنافسة إنه بيعتمد على طبقة حماية من كورنينج جوريلا جلاس الإصدار التالت
• الشاشة بتستحوذ على نسبة كويسة من المساحة الأمامية للموبايل
• لو استخدمت موبايلات اقتصادية قبل كده فالموبايل مش هيبقى غريب عليك على مستوى الأداء لانه بيعتمد على بروسيسور موجود في مجموعة كبيرة من الموبايلات الاقتصادية اللي ظهرت في السنتين اللي فاتوا
• الذاكر العشوائية مقبولة
• الموبايل بيقبل كروت الميموري من خلال منفذ مستقل
• العدسة الرئيسية للكاميرا الخلفية مقبولة ومدعومة بتقنية التركيز التلقائي PDAF
• الموبايل فيه مستشعر الدوران هيخليك تقدر تشغل فيديوهات 360 درجة بس طبعًا البروسيسور مش هيخليك تقدر تشل تطبيقات وألعاب الواقع الافتراضي
• البطارية قوية جدًا وهتقدم أداء ممتاز خصوصًا إن الشاشة مش هتسحب كتير من البطارية

عيوب موبايل Oppo A12

• تصميم الموبايل قديم شوية خصوصًا من الضهر وباين بشكل واضح إنه معمول من البلاستيك
• الشاشة قدتها ضعيفة بس ده أمر منطقي برضه في الموبايلات الاقتصادية
• الموبايل معمول من البلاستيك بشكل كامل ومش بيتمتع بأي حماية على الضهر ولا حماية ضد المياه
• كاميرا خلفية مزدوجة ودي حاجة بقت قديمة جدًا وقليل لما بنشوفها في الفئة السعرية دي
• الكاميرا الأمامية ضعيفة وإمكانياتها محدودة
• الموبايل بيعتمد على منفذ microUSB مش USB Type-C
• البطارية مش بتدعم تقنية الشحن السريع من أي نوع

الموبايلات المنافسة والبدائل

• موبايل Redmi 9 وسعره حوالي 2400 جنيه مصري
• موبايل Samsung Galaxy M11 وسعره حوالي 2500 جنيه مصري
• موبايل Huawei Y6P وسعره حوالي 2400 جنيه مصري
• موبايل Vivo Y12 وسعر حوالي 2300 جنيه مصري

اتعرف على عروض أسعار موبايل Oppo A12 من هنا.

اتعرف على عروض أسعار موبايلات Oppo المختلفة المتوفرة على ياقوطة.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.