كتب: خالد عاصم

من بين الموبايلات الاقتصادية اللي حققت انتشار مقبول في السوق المصري خلال الفترة اللي فاتت، موبايلات شركة Sico اللي طرحت مجموعة من الموبايلات اللي بتحمل علامة تجارية مصرية. ومن موبايلات Sico الاقتصادية اللي بتقدم بديل اقتصادي مقبول لكتير من المستخدمين، موبايل Sico Infinity MAX اللي هنتعرف عليه بالتفصيل في المقال ده، وهنتعرف على تفاصيل الموبايل من خلال مراجعتنا ليه وتحديد مزاياه وعيوبه.

ما تنسوش إن لو الموبايل عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Sico Infinity MAX

المواصفات

• أبعاد الموبايل: ٩.٠ مم × ٧٦٫٢ مم × ١٥٨٫٢ مم بوزن ١٧١٫٥ جرام
• البناء والصناعة: هيكل وضهر من البلاستيك
• الشاشة: شاشة IPS LCD بقطر ٦٫١٨ بوصة بمعدل ١٩:٩ بتصميم الشق العريض أعلى منتصف الشاشة بتدعم دقة عرض ٩٩٦ × ٤٨٠ بيكسل
• الأداء: معالج Spreadtrum SC9832E رباعي النواة بتردد ١٫٣ جيجا هيرتز بشرايح Cortex-A53 ومدمج فيه معالج رسوميات Mali-820 MP1، والموبايل بيصدر بإصدار بذاكرة عشوائية سعتها ٣ جيجابايت رام وبذاكرة داخلية سعتها ٣٢ جيجابايت والموبايل بيقبل كروت الميموري
• نظام التشغيل: اندرويد ٨٫١ أوريو
• الكاميرا: كاميرا خلفية أحادية بدقة ١٣ ميجا بيكسل بفتحة عدسة f/2.0 بتدعم تصوير الفيديو بجودة 1080p بمعدل ٣٠ إطار في الثانية وكاميرا أمامية بدقة ٥ ميجا بيكسل بفتحة عدسة f/2.4
• المستشعرات: ماسح بصمة خلفي – التسارع – التقارب – البوصلة
• التقنيات اللاسلكية: واي-فاي – بلوتوث
• المنافذ:5 مم – microUSB 2.0
• البطارية: سعة ٣٠٠٠ ميللي أمبير في الساعة

مزايا وعيوب موبايل Sico Infinity MAX

مزايا موبايل Sico Infinity Max

• وزن الموبايل كويس جدًا مش تقيل ومش خفيف ومش هتحس أوي إن الموبايل ضعيف على الرغم من اعتماده على البلاستيك
• تصميم شاشة مستوحى من موبايلات ايفون اللي اعتمدت على تصميم الشق العريض أعلى الشاشة
• الموبايل برامات سعتها ٣ جيجابايت رام ودي سعة كويسة جدًا في الفئة السعرية دي وكمان الذاكرة الداخلية ٣٢ جيجابايت مقبولة جدًا وممكن تزودها من خلال كروت الميموري لحد ٦٤ جيجابايت من خلال منفذ مستقل مش بيأثر على استخدام شريحتين الاتصال
• كاميرا خلفية مقبولة جدًا في الفئة دي وهي بدقة ١٣ ميجا بيكسل وبتدعم تصوير الفيديو بجودة 1080p وكمان الكاميرا الأمامية مقبولة وهتكون كويسة في مكالمات الفيديو
• ماسح بصمة خلفي
• بطارية الموبايل سعتها كويسة جدًا بالنسبة لإمكانيات الموبايل وهتقدر تدعمه للعمل لمدة كويسة جدًا

عيوب موبايل Sico Infinity MAX

• الموبايل سميك جدًا وبشكل ملحوظ
• معمول بالكامل من البلاستيك ومفيش أي حماية على الضهر أو الشاشة أو حماية ضد المياه
• الشاشة حواليها حواف سميكة جدًا
• الشاشة بتكتفي بقة عرض 480p ودي دقة ضعيفة حتى في الفئة السعرية دي
• بيعتمد الموبايل على معالج ضعيف بشكل واضح ومتتوقعش منه أكتر من اللي يقدر يقدمه على مستوى المهام الأساسية بس
• بيشتغل الموبايل بنظام تشغيل اندرويد أوريو اللي بقى قديم دلوقتي
• مفيش أي تقنيات صوتية إضافية
• البطارية مش مدعومة بأي تقنية شحن سريع من أي نوع

اتعرف على عروض أسعار موبايل Sico Infinity MAX من هنا.

اتعرف على عروض أسعار موبايلات Sico المختلفة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.