كتب: خالد عاصم

لو نفسك تلبس ساعة ذكية ومعندكش موبايل ايفون أو ساعة من ساعات ابل الذكية، فأنت عندك خيارات تانية كتير بتقدمها الشركات المختلفة، بس أفضل وأقوى الخيارات دي بتوفرها Samsung اللي بتمتلك مجموعة رائعة من الساعات الذكية المختلفة اللي بتفرق فارق كبير عن كتير من المستخدمين، وبفضل تعاون جوجل وسامسونج المستمر بتقدر كمان تقدم خصائص ووظائف رائعة دايمًا.

وخلال السنة دي ظرحت سامسونج مجموعة ساعات Samsung Galaxy Watch 5 ومنها Samsung Galaxy Watch5 Pro واللي قدرت سامسونج من خلالها تقدم مجموعة متميزة من الإمكانيات وقفزة كبيرة على مستوى البطارية، إلا إن ده برضه مش معناه إنها كانت خالية تمامًا من العيوب أو أوجه النقص.

وعشان نعرف مدى قدرة ساعة Samsung Galaxy Watch5 Pro على المنافسة وتحديدًا الوقوف في وجه المنافس الأقوى في عالم الساعات الذكية، Apple، هنحط الساعة تحت المجهر، ومن خلال مواصفاتها ومراجعتنا للمواصفات دي هنقدر نحدد إمكانياتها ومميزاتها وعيوبها.

ولو الساعة عجبتك هتقدر تطلبها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ساعة Samsung Galaxy Watch5 Pro

المواصفات

• أبعاد الساعة: ٤٥٫٤ مم × ٤٥٫٤ مم × ١٠٫٥ مم
• وزن الساعة: ٤٦٫٥ جرام
• الشاشة: شاشة Super AMOLED بقطر ١٫٤ بوصة (٤٥ مم) بدقة ٤٥٠ × ٤٥٠ بيكسل محمية بطبقة من زجاج كريستال الياقوت
• شريحة المعالج: معالج Samsung Exynos W920 بمعمارية ٥ نانوميتر مكون من شريحتين بتردد ١٫١٨ جيجا هيرتز
• الذاكرة: ذاكرة عشوائية سعتها ١٫٥ جيجابايت رام وذاكرة داخلية سعتها ١٦ جيجابايت
• البطارية: ٥٩٠ ميللي أمبير في الساعة بتتشحن لاسلكيًا
• تقنيات الاتصال: LTE في بعض الإصدارات – بلوتوث ٥٫٢ – واي-فاي – NFC – GPS
• المستشعرات: التسارع – الباروميتر – الدوران – مستشعر جيوماجنيتك – مستشعر الضوء – مستشعر BioActive للقياس البصري لمعدل نبضات القلب وعدد من القياسات الحيوية المختلفة – مستشعر التحليل BIA
• المتانة والحماية: تخطي الاختبارات العسكرية MILSTD-810G – حماية ضد المياه طبقًا لمعيار 5ATM وIP68
• مواد الصناعة والألوان: هيكل من التيتانيوم بالألوان الأسود والرمادي
• التوافقية: نظام تشغيل اندرويد

مراجعة ساعة Samsung Galaxy Watch5 Pro

تعتبر ساعة Samsung Galaxy Watch5 Pro واحدة من أفضل الساعات الذكية الرائدة المتوافقة مع نظام تشغيل اندرويد وبتعتمد على نظام تشغيل Wear OS من جوجل، خصوصًا على مستوى الفئة السعرية كمان بالمقارنة بان فيه ساعة واحدة بس بتدعم Wear OS 3 وتمنها العالمي حوالي ١٠٠٠ دولار أمريكي وهي ساعة Montblac الشركة العريقة في عالم صناعة الساعات واللي دخلت عالم الساعات الذكية مؤخرًا.

وبتوفر الساعة تجربة استخدام ممتازة خصوصًا لعشاق الساعات الدائرية تحديدًا، وبتتميز الساعة كمان بدعمها لعدد كبير من التطبيقات الخارجية المختلفة اللي بتقدر تستغل كامل الإمكانيات المتميزة اللي بتوفرها مستشعرات الساعة واللي بتقدر تعمل مراقبة كاملة تقريبًا لصحتك وتمارينك الرياضية المختلفة، وبالمقارنة بالإصدار العادي من الساعة، فإصدار Pro بيتضمن لمجموعة من الترقيات المميزة مقارنة بالإصدار العادي وتحديدًا على مستوى التعامل مع مجموعة من الأنشطة والتمارين المختلفة الإضافية.

وإن كنا قبل كده بتعتبر ساعات Samsung Galaxy Watch 4 من بين أفضل الساعات الذكية الرائدة التي توفرت في الأسواق ومثلت منافس قوي لساعات ابل، فنقدر نقول كمان إن ساعة Samsung Galaxy Watch5 Pro قادرة تكمل في نفس المسار وإن كانت مش بتمثل نقلة استثنائية على مستوى المواصفات بس ممكن اعتبارها ترقيات وتحديثات مقبولة إلى حد كبير ما بين جيل لجيل جديد من الساعات، إلا بقى لو انت من عشاق الإطار المتحرك اللي اشتهرت بيه ساعات سامسونج الذكية لان الإطار ده اتشال في الساعة الجديدة، وبغض النظر عن الإزالة دي فإن كل الاختلافات ما بين الجيلين هي على مستوى الإضافة مش الإزالة أو الحذف.

الساعة كمان ممتازة على كل مستويات المستشعرات والقياسات الحيوية سواء على مستوى التعدد أو الدقة أو فعلية استخدام المستشعرات دي في التطبيقات الصحية والرياضية المختلفة، وخصوصًا الرياضات الخارجية واللي اهتمت بيها سامسونج من ناحية تانية على مستوى متانة الساعة وقوة الصناعة اللي أدت لكبر أبعاد الساعة شوية وده ممكن يكون من الملاحظات الواضحة على الساعة.

مميزات وعيوب ساعة Samsung Galaxy Watch5 Pro

مميزات ساعة Samsung Galaxy Watch5 Pro

• الساعة قوية جدًا ومتنية وبتتميز ببناء قوي وحماية متميزة ضد كل ظروف الاستخدام الصعبة
• بطارية بعمر طويل وتقنية شحن أسرع
• إضافات جديدة على مستوى الرياضات الخارجية زي التسلق
• إمكانيات وخصائص قوية لنظام تحديد المواقع اللي بيتسم بدقة كبيرة جدًا
• مستشعرات متعددة ودقيقة جدًا في قياساتها
• نظام تشغيل قوي وغني ودعم ممتاز لعدد كبير جدًا من التطبيقات

عيوب ساعة Samsung Galaxy Watch5 Pro

• إزالة الإطار الدائري المتحرك اللي كان بيميز مختلف ساعات سامسونج الرائدة
• خاصية مشاركة الملفات مش بتشتغل مع إطلاق الساعة ولس هتتضاف مع تحديث تجديد
• مستشعر قياس درجة الحرارة معطل ولسا هيشتغل من خلال تحديث
• الساعة سعرها غالي بشكل واضح مقارنة بكتير من الساعات المنافسة من شركات تانية

اتعرف على عروض أسعار ساعة Samsung Galaxy Watch5 Pro من هنا.

اتعرف على عروض أسعار مختلف منتجات سامسونج المتوفرة على ياقوطة من هنا.

اتعرف على عروض أسعار مختلف الساعات الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.