كتب: خالد عاصم

معرفوف لكتير من المتابعين إن شركة Xiaomi عندها قدرة كبيرة على فهم احتياجات المستخدمين عشن تقدر توفر موبايل مناسب لكل شخص فعليًا، وعشان كده قدرت الشركة الصينية إنها توصل لمعدلات منافسة قوية جدًا في عدد سنين أقل كتير من الشركات التانية المنافسة، وبتقدر تحقق نجاحات كبيرة جدًا خصوصًا على مستوى الموبايلات المتوسطة والموبايلات الاقتصادية.

ومن الموبايلات الاقتصادية اللي طرحتها Xiaomi في السوق المصري مؤخرًا، موبايل Redmi 12C اللي هنتكلم عنه في المقال ده وهنتعرف على مواصفاته ومميزاته وعيوبه وكمان متوسط سعره الحالي في مصر.

ولو الموبايل عجبك وحبيت تشتريه فعلًا، هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولا فوائد ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi 12C

المواصفات

• أبعاد الموبايل: ٨.٨ × ٧٦.٤ × ١٦٨.٨ مم بوزن ١٩٢ جرام
• الشاشة: شاشة IPS LCD بتصميم شق قطرة المياه قطرها ٦٫٧١ بوصة بمعدل ٢٠:٩ بتستحوذ على نسبة ٨٢.٦ في الميه من مساحة الموبايل الأمامية وبتدعم دقة عرض ١٦٥٠ × ٧٢٠ بيكسل بكثافة ٢٦٨ بيكسل لكل بوصة 
• الأداء: بيعتمد الموبايل على معالج MEdiaTek Helio G85 بمعمارية ١٢ نانوميتر ثماني النواة والمدمج فيه معالج رسوميات Mali-G52 MC2 والموبايل متوفر في مصر بإصدارات ٣/٦٤ جيجابايت أو ٤/١٢٨ جيجابايت وبيدعم كروت الميموري
• نظام التشغيل: اندرويد ١٣ بواجهة مستخدم MIUI 13
• الكاميرات: كاميرا خلفية مزدوجة مكونة من عدسة رئيسية بدقة ٥٠ ميجا بيكسل بفتحة f/1.8 وعدسة للبورتريه بدقة ٠.٠٨ ميجا بيكسل أما الكاميرا الأمامية فدقتها ٥ ميجا بيكسل بفتحة f/2.2 وبتدعم الكاميرا الأمامية والخلفية تصوير الفيديو بجودة 1080p بمعدل ٣٠ إطار في الثانية
• تقنيات لاسلكية: واي-فاي – بلوتوث 5.1
• المستشعرات: ماسح بصمة خلفي – التسارع – التقارب
• المنافذ:5 مم – USB Type-C
• البطارية: سعة ٥٠٠٠ ميللي أمبير في الساعة 

مزايا وعيوب موبايل Redmi 10C

مزايا موبايل Redmi 10C

• أبعاد الموبايل كويسة جدًا على الرغم من قطر الشاشة الكبير بشكل واضح إلا إن وزنه مقبول ودي نقطة مهمة وكمان سمكه معقول أول مش تخين بشكل مستفز وده هيخلي الموبايل استخدامه سهل وإن كان طبعًا الموبايل مش مصمم للاستخدام بإيد واحدة
• زي ما عرفنا الشاشة قطرها كبير وده مهم جدًا للناس اللي بتحب الشاشات الكبيرة لان ده بيخلي الموبايل مثالي للاستخدام في مشاهدة الفيديوهات والقراية والألعاب وغيرها
• الموبايل بيعتمد على معالج مقبول وإن كان مش الأقوى في الفئة دي وهنعرف ليه في العيوب
• إصدارات متنوعة ومختلفة بتقدر تتيح مساحة اختيارات كبيرة للمستخدم
• الموبايل بيقبل كروت الميموري من خلال منفذ مستقل مش بيأثر على استخدامك لشريحتين الاتصال
• الموبايل هيحصل على تحديثات من نظام التشغيل
• العدسة الرئيسية للكاميرا الخلفية كويسة جدًا فهي بدقة ٥٠ ميجا بيكسل ومدعومة بالتركيز التلقائي PDAF وبتقدر فعلًا تصور صور حلوة جدًا خصوصًا في ظروف الإضاءة المحيطة الكويسة
• الموبايل بيدعم تقنية NFC بس مش في كل الأسواق
• بطارية قوية سعة ٥٠٠٠ ميللي أمبير في الساعة

عيوب موبايل Redmi 10C

• الموبايل مصنوع بالكامل من البلاستيك
• الشاشة معليهاش أي طبقة حماية من أي نوع من أنواع الزجاج المقوى على الرغم من إن موبايلات سابقة اعتمدت على طبقة حماية
• مفيش حماية ضد المياه من أي نوع
• الموبايل كبير بيخلي استخدامه صعب جدًا لأي حد إيده صغيرة شوية
• الشاشة بتفتقد لكتير من المميزات بداية من الحواف السميكة المحيطة بالشاشة اللي بتعتمد على تصميم شق قطرة المياه وكمان بتكتفي بجودة HD Plus ده غير إنها مش بتدعم أي معدل تحديث مرتفع وبتكتفي بمعدل تحديث ٦٠ هيرتز
• المعالج بمعمارية 12 نانوميتر وده توفيره للكهرباء أقل من معالجات تانية في نفس الفئة ومنها اللي استخدم فعلًا في موبايلات قديمة من نفس الفئة
• الكاميرا الخلفية فيها عدسة إضافة واحدة للبورتريه بس وأداءها مش أحسن حاجة ومفيش عدسة بالغة العرض أو حتى عدسة ماكرو
• الكاميرا الامامية ضعيفة شوية خصوصًا في الإضاءة المحيطة المنخفضة أو دون المتوسطة
• مفيش تقنيات صوتية إضافية زي سماعات ستريو أو دقة صوت عالية
• على عكس أغلب موبايلات شاومي فالموبايل ده مفيهوش مرسل الأشعة تحت الحمراء
• الموبايل مش بيدعم تطبيقات وألعاب الواقع الافتراضي أو الواقع المعزز
• الموبايل مش بيدعم تقنية الشحن السريع من أي نوع

اتعرف على عروض أسعار موبايل Redmi 12C من هنا.

اتعرف على عروض أسعار مختلف هواتف Xiaomi على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.