مراجعة ومزايا وعيوب موبايل Realme 10 Pro Plus
كتب: خالد عاصم
على الرغم من أن موبايل Realme 10 Pro Plus بقاله حوالي سنة دلوقتي إلا إنه لسا من الموبايلات اللي قادر تنافس موبايلات تانية جديدة متوفرة في نفس الفئة السعرية، ولسا الموبايل قادر يحافظ على رونقه بفضل مميزاته اللي بالنسبة لكتير من المستخدمين بتعوض عيوبه، بس عشان نعرف نحدد إن كان الرأي ده صح ولا غلط، لازم نعرف بالظبط إيه هي عيوب ومميزات الموبايل، وده اللي هنعمله في السطور الجاية من المقال ده.
ما تنسوش إن لو الموبايل عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية ٣٦ شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
موبايل Realme 10 Pro Plus
المواصفات
- أبعاد الموبايل: ٨/٧.٨ × ٧٣.٩ × ١٦١.٥ مم بوزن ١٧٥/١٧٣ جرام
- البناء والصناعة: هيكل من البلاستيك وظهر من البلاستيك بزجاج أمامي
- الشاشة: شاشة AMOLED منحنية الجانبين بتصميم الثقب أعلى المنتصف قطرها ٦.٧ بوصة بمعدل ٢٠:٩ بتستحوذ على نسبة ٩٠.٥ % من مساحة الموبايل الأمامية وبتدعم دقة عرض ٢٤١٢ × ١٠٨٠ بيكسل بكثافة ٣٩٤ بيكسل لكل بوصة وبتدعم معدل تحديث ١٢٠ هيرتز وبتدعم ١ بليون لون وبتدعم تقنية HDR10 Plus
- الأداء: بيعتمد الموبايل على معالج MediaTek Dimensity 920 بمعمارية ٦ نانوميتر ثماني النواة والمدمج فيه معالج رسوميات Mali-G68 MC4 والموبايل متوفر عالميً بإصدارات بذاكرة عشوائية سعتها ٦/٨/١٢ جيجبايت رام وذاكرة داخلية سعتها ٢٥٦/١٢٨ تيربايت والموبايل مش بيدعم كروت الميموري
- نظام التشغيل: اندرويد ١٣ بواجهة مستخدم Realme UI 4.0
- الكاميرات: كاميرا خلفية ثلاثية مكونة من عدسة رئيسية بدقة ١٠٨ ميجا بيكسل بفتحة f/1.8 مدعومة بتقنية التركيز التلقائي PDAF وعدسة بالغة العرض بدقة ٨ ميجا بيكسل بفتحة f/2.2 بزاوية رؤية ١١٢ درجة وعدسة بورتريه بدقة ٢ ميجا بيكسل بفتحة f/2.4 أما الكاميرا الأمامية فدقتها ١٦ ميجا بيكسل بفتحة f/2.5 وبتدعم الكاميرا الخلفية تصوير الفيديو بجودة حتى 4K بمعدل ٣٠ إطار في الثانية والكاميرا الأمامية بتدعم تصوير الفيديو لحد جودة 1080p بمعدل ٣٠ إطار في الثانية
- تقنيات صوتية: سماعات ستريو – دعم دقة صوت ٢٤ بت/١٩٢ كيلو هيرتز
- تقنيات لاسلكية: واي-فاي ٦ – بلوتوث ٥.٢ – NFC
- المستشعرات: ماسح بصمة مدمج أسفل الشاشة – التسارع – التقارب – البوصلة – الدوران
- المنافذ: USB Type-C
- البطارية: سعة ٥٠٠٠ ميللي أمبير في الساعة مدعومة بتقنية الشحن السريع بقوة ٦٧ وات
مزايا وعيوب موبايل Realme 10 Pro Plus
مزايا موبايل Realme 10 Pro Plus
- أبعاد الموبايل ممتاز خصوصًا على مستوى السمك اللي بيبدأ من أقل من ٨ مم والوزن اللي بيوصل لحد ١٧٥ جرام كحد أقصى ودي أبعاد ممتازة فعلًا بتعوض صعوبة استخدام الموبايل بسبب قطر الشاشة الكبير
- شاشة الموبايل تصميمها جذاب جدًا وأقرب للموبايلات الرائدة مش المتوسطة لأنها بتعتمد على حواف جانبية بالإضافة لاعتمادها على جوانب منحينة
- الشاشة AMOLED ممتازة، قطرها كبير وبتدعم معدل تحديث ١٢٠ هيرتز وبتدعم عرض ١ بليون وبتدعم عرض المحتوى بقنية HDR10 Plus ودقة عرضها عالية وبتستحوذ على نسبة كبيرة من المساحة الأمامية للموبايل
- الموبايل بيعتمد على معالج مقبول من حيث استهلاك الطاقة تحديدًا وكمان على مستوى معالج الرسوميات وإن كان إجمالًا عليه ملاحظات
- إصدارات متنوعة وقوية
- الموبايل هيحصل على تحديث اندرويد ١٤ بمجرد توفره
- كاميرا خلفية ممتازة وبالتحديد على مستوى العدسة الرئيسية بدقة ١٠٨ ميجا بيكسل والي هتقدر تخليك تاخد الصور اللي نفسك فيها في مختلف ظروف الإضاءة
- كاميرا أمامية مقبولة
- سماعات ستريو أداءها كويس جدًا وكمان الموبايل بيدعم دقة صوت عالية
- الموبايل بيدعم الصوت اللاسلكي عالي الجودة بصيغة aptX HD
- الموبايل بيدعم تقنية NFC
- ماسح بصمة مدمج أسفل الشاشة
- بطارية قوية من حيث السعة ومدعومة بتقنية شحن سريع ممتازة جدًا
عيوب موبايل Realme 10 Pro Plus
- الموبايل مصنوع بالكامل من البلاستيك سواء على مستوى الضهر أو الهيكل
- الموبايل مفيهوش أي حماية ضد الغبار أو المياه من أي نوع
- شاشة الموبايل مش محمية بأي طبقة من الزجاج المقوى لحمايتها من الخدش
- مستوى السطوع الأقصى للشاشة مش أفضل حاجة تقدر تقدمه شاشات AMOLED
- أداء الموبايل إجمالًا مقبول بس مش الأفضل في الفئة السعرية دي إطلاقًا
- الموبايل مش بيدعم الشحن اللاسلكي ولا الشحن العكسي
اتعرف على عروض أسعار موبايل Realme 10 Pro Plus من هنا.
اتعرف على عروض أسعار مختلف موبايلات Realme على ياقوطة من هنا.
اتعرف على عروض أسعار مختلف الموبايلات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.