كتب: خالد عاصم

من أبرز مميزات شركة لينوفو في عالم أجهزة اللابتوب، إنها بتحط المستخدم الأولوية الأساسية ليها، وده مش بس من خلال تقديم أجهزة بجودة صناعة عالية لغن المفروض إن ده أمر طبيعي، لا السبب الرئيسي في الميزة دي إنها بتقدر تقدم الجهاز المناسب لكل مستخدم مهما كانت احتياجاته والأهم إنه بتراعي دايمًا تقديم قيمة مقابل السعر، فمن أول أجهزة اللابتوب الأولية لحد أقوى أجهزة الألعاب، هتقدر تلاقي الجهاز اللي يناسبك من لينوفو.

غير كده بتتميز لينوفو بمميزات كتير في أجهزتها، فلابتوبات لينوفو دايمًا مشاكلها قليلة، وجودة تصنيعها عالية، وبتهتم أوي بالتفاصيل المتعلقة بالتصميم حتى في الأجهزة الاقنصادية أو الرخيصة، وده بنقدر نلاقيه واضح جدًا في كتير من أجهزتها. والنهاردة هنتكلم عن واحد من أجهزة لينوفو الاقتصادية من مجموعة IdeaPad الشهيرة، وهو جهاز Lenovo IdeaPad 3-15IGL05 اللي رغم إن سعره مناسب جدًا في ظل الأسعار العالية دلوقتي إلا إنه بيقدم إمكانيات كويسة جدًا بتخليه بيقدم قيمة مقابل سعر رائعة.

زي ما قلنا جهاز Lenovo IdeaPad 3-15IGL05 من أجهزة اللابتوب الاقتصادية واللي بيتقدم للمستهلك بسعر مقبول، وعلى الرغم من إنه بيعتد بطبيعة الحال على معالج اقتصادي، إلا إنه بيوفر مجموعة من المميزات اللي بتخليه يفرق شوية عن غيره من المنافسين، والمميزات دي وكمان أوجه القصور في الجهاز مع تفاصيل تانية مختلفة، هنتعرف عليها في المقال ده بالتفصيل.

وما تنساش إن لو اللابتوب عجبك هتقدر تطلبه من خلالنا في ياقوطة وهيوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب Lenovo IdeaPad 3-15IGL05

المواصفات

• الشاشة: شاشة IPS ليد بإضاءة خلفية بقطر ١٥.٦ بوصة بجودة Full HD Plus بدقة ١٩٢٠ × ١٠٨٠ بيكسل بمعدل تحديث ٦٠ هيرتز مضادة للانعكاس والتوهج بحواف نحيفة نسبيًا
• المعالج المركزي: معالج Celeron N4020 بمعمارية ١٤ نانوميتر بخيطين وبنواتين بتردد ١.١ جيجا هيرتز بيوصل لحد ٢.٨ جيجا هيرتز بحد أقصى وبكاشات ٤ ميجابايت كاش
• الرامات: ٤ جيجابايت رام فئة DDR4 
• كارت الفيجا: كارت فيجا داخلي مدمج Intel UHD 620
• الذاكرة الداخلية: هارد HDD سعة ١ تيرابايت
• لوحة المفاتيح: لوحة QWERTY حجم كامل
• البطارية: بعمر حتى ١٠ ساعات في الشحنه الواحدة
• المنافذ والمستشعرات: منفذ ٣٫٥ مم – ٣ منافذ USB مختلفة – منفذ HDMI – قارئ كروت ميموري
• نظام التشغيل: دوس

مراجعة لابتوب Lenovo IdeaPad 3-15IGL05

زي ما عرفنا في بداية المقال، لابتوب Lenovo IdeaPad 3-15IGL05 من الأجهزة الاقتصادية، وده بيتضح جدًا أول ما نبص على المعالج واللي ممكن تعتبره عيب لو عايز، بس في الواقع هو مش عيب، هو معالج مناسب لاستخدامات معينة، وعمومًا من الصعب وصف معالج معين بإنه عيب إلا لو كان موجود في جهاز أعلى بكتير من فئته السعرية.

اللابتوب بيعتمد على معالج Intel Celeron N4020 وده معالج بمعمارية ١٤ نانوميتر بيعتمد على خيطين وبيتكون من نواتين بتردد ١٫١ جيجا هيرتز ومع تفعيل الوضع الأقصى للتردد بيوصل لحد ٢٫٥ جيجا هيرتز، أما الكاشات فسعتها ٤ ميجابايت، وطبعًا الأرقام فعلًا بتقول إن المعالج متواضع وده واقع مانقدرش ننكره، بس لازم نحدد الأول هو الجهاز موجه لمين وبالتالي هنعرف إن كانت الأرقام دي مناسبة ولا لا.

الجهاز بكل بساطة موجه للي محتاج لابتوب يقدر من خلاله يجمع ما بين الدراسة أو العمل الأساسي وما بين الترفيه البصري، يعني ممكن يكون مناسب للطلبة من أغلب الفئات العمرية أو المراحل الدراسية واللي بتحتاج فيها تشغيل تطبيقات زي ورد وتصفح الإنترنت وأي تطبيقات خفيفة لحد المتوسطة، أو لو شغلك بيحتاج تشتغل على تطبيقات أوفيس بشكل عام، ومن ناحية تانية تقدر تتفرج على أفلام على شاشة كويسة أو تلعب لعبة خفيفة أو قديمة.

من هنا نقدر نقول إن المعالج مش أفضل حاجة ولكنه مناسب، وهيقدر يخدم الاحتياجات دي بشكل مقبول إلى حد ما، بس من ناحية تانية الجهاز بيقدم للمستخدم مجموعة مكافآت مقابل استخدام المعالج ده، وأول المكافآت دي هي الشاشة، فاللابتوب بيعتمد على شاشة كبيرة بقطر ١٥٫٦ بوصة بتدعم التقنيات المعتادة زي منع التوهج وحماية العين، بس الميزة الأبرز في الشاشة هي إنها بتدعم جودة Full HD بدقة ١٩٢٠ × ١٠٨٠ بيكسل، ودي ميزة مش متوفرة في الأجهزة اللي في الفئة السعرية دي.

المكافأة التانية هي إن الجهاز بييجي بهارد سعة 1 تبرابايت ودي سعة كافية إنك تخزن كل اللي انت محتاجه، خصوصًا إن الجهاز مش مخصص للألعاب وبالتالي مش هتحتاج المساحة الضخمة اللي بتحتاجها الألعاب، فأنت بالتالي هيكون عندك مساحة أكبر من كافية عشان ماتحسش بإنك محتاج تزود مساحته بعد كده خالص، أما رامات الجهاز فسعتها 4 جيجابايت رام ودي معتاده في الأجهزة الاقتصادية وبعض الأجهزة المتوسطة.

الجهاز بيستمر في تقديم المكافآت زي الصوت القوي بفضل سماعاته المتميزة، وكمان البطارية اللي بتقدر تشتغل معاك لحد ١٠ ساعات في مرة الشحن الواحدة، ده غير إن وزن الجهاز مش تقيل ومش مزعج رغم إنه بيقدم لوحة مفاتيح كاملة.

إجمالًا الجهاز مميز جدًا لو احتياجاتك زي اللي قلنا عنها من شوية، بس لو الاحتياجات دي أكتر فمهما كانت المكافآت اللي اتكلمنا عنها، هيفضل المعالج عائق كبير قصاد احتياجاتك.

اتعرف على عروض أسعار لابتوب Lenovo IdeaPad 3-15IGL05 من هنا.

اتعرف على عروض أسعار مختلف لابتوبات Lenovo على ياقوطة من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.