كتب: خالد عاصم

كاميرات الموبايل اتطورت بشكل كبير على مدار السنوات الي فاتت، فلو انت عندك موبايل رائد أو أقل شوية في فئة الموبايلات المتوسطة العالية، فأنت معاك آلة تصوير قوية جدًا، ومع قوة كاميرات الموبايلات بقى فيه كتير من المستخدمين المحترفين بيعتمدوا عليها في التصوير سواء الفوتوغرافي أو الفيديو، وبالأخص على مستوى تصوير الفيديو وخصوصًا في الموبايلات الرائدة للي بتقدم أوضاع تصوير فيديو سينمائية بتتميز بإمكانيات عالية وجودة استثنائية.

والتطور ده مجاش بس على مستوى المستشعرات والبصريات، لا كمان على مستوى تقنيات الكاميرات زي مثبت الصورة البصري اللي بيحاول يثبت الصورة قدر الإمكان وقت التصوير ومثبت الصورة الإلكتروني اللي بيثبت تصوير الفيديو، بس لو انت بتعتمد على كاميرا الموبايل في تصوير الفيديوهات مع الحركة المستمرة سواء جوا البيت أو بره البيت، فمثبت الصورة المدمج في الكاميرا ممكن مايكونش كافي، وعشان كده فيه شركات طورت أجهزة ومعدات تثبيت للموبايلات خلال استخدامها في تصوير الفيديو، ومن أشهر الشركات دي شركة DJI اللي بتقدم مجموعة أجهزة DJI Osmo واللي وصل للسوق المصري مؤخرًا Dji Osmo Mobile 6 وهو أحدث أفراد المجموعة المتميزة دي.

مثبت الموبايل Dji Osmo Mobiles 6 هو أخر إصدار بعد الإصدار السابق Dji OM 5 ومسمى OM ده كان هو الاسم الرسمي المعتمد للأجهزة دي قبل تغيره مع الإصدار الجديد، واعتبر OM 5 وقت طرحه أفضل أجهزة تثبيت الموبايل للتصوير في العالم، فهل يا ترى الجهاز الجديد على نفس المستوى.

قبل ما نعرف ده حلينا الأول نأكد إن الأجهزة دي أغلب المستخدمين مش هيكونوا محتاجينها، وبالنظر لسعرها المرتفع نسبيًا فهي مش مناسبة اوي لعموم الناس اللي بتستخدم الموبيل في تصوير الفيديو على سبيل الترفيه أو الاستخدام الشخصي، بس غيرهم من المستخدمين المحترفين أو اللي بيعتمدوا على الموبايلات في تصوير الفيديو في الفلوجات أو عاملين قنوات على يوتيوب أو على السوشيال ميديا، فالجهاز ده هيكون من بين الملحقت اللي هيحتاجوا يفكروا فيها فعلاً.

خلينا في المقال نتعرف على جهاز مثبت الموبايل Dji Osmo Mobile 6 واحد من أحدث وأفضل أجهزة مثبت الموبايل لتصوير الفيديو في العالم والمتوفر في السوق المصري حاليًا.

ولو أي منتج من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات Dji Osmo Mobile 6

• الأبعاد ١٣٨ × ٢٢ مم
• أقصى طول لعمود الحمل ٢١٥ مم
• وزن الجهاز ٣١٢ جرام و٣١ جرام لحامل الموبايل
• البطارية سعة ١٠٠٠ ميللي أمبير في الساعة تقدر تشتغل لحد حوالي ٦٫٥ ساعة
• وزن الموبايل المسموح بيه حوالي ٢٣٠ جرام بزيادة أو نقص ٦٠ جرام
• نظام التثبيت ثلاثي المحاور
• تركيب سريع للموبايل بفضل الحامل المغناطيسي
• تشغيل سريع متاح على نظام iOS بس
• شاشة LED لعرض حالة البطارية ووضع التصوير
• عجلة جانبية للتحكم في التركيز والزووم
• عمود قابل للإطالة لتحكم أكتر في الزوايا المختلفة
• وضع SHotGuides اللي بينصح بأفضل وضع للكاميرا بناء على الحاجة اللي بتصورها أو لو بتعمل فيديوهات قصيرة للسوشيال ميدي
• خاصية ActiveTrack 5.0
• أوضاع تصوير فيديو متعددة
• تطبيق Mimo الخاص بالجهاز واللي بيتضمن مجموعة من الدروس والتدريبات على التصوير وعلى استخدام الجهاز

مزايا وعيوب Dji Osmo Mobiles 6

مزايا Dji Osmo Mobile 6

• وزن خفيف جدًا وتصميم مدمج مش بياخد مساحة كبيرة إطلاقًا يعني ممكن يتني كله ويتحط في الجراب الصغير اللي بييجي معاه
• جودة تصنيع عالية جدًا
• مقبض بملمس خشن عشان منع انزلاق المثبت أو حركته غير مش مقصودة
• طول دراع التطويل مناسب جدًا لزوايا تصوير مختلفة
• تركيب الموبايل سهل جدًا بيعتمد على المغناطيس والجزء اللي بيركب فيه الموبايل مصنوع بجودة عالية جدًا للحفاظ على الموبايل
• المثبت تصميمه وميكنيزم حركته وطيه معمولين بكفاءة هندسية ممتازة
• فيه ترايبود تقدر تثبت بيه الجهاز بالكامل
• سهولة التحكم في الزووم أو التركيز من خلال العجلة الجديدة على جانب الجهاز وممكن التبديل ما بين وظائف العجلة دي بزرار واحد
• شاشة توضيح حالة البطارية وأوضاع التصوير والتنقل السهل بين أوضاع التصوير
• مؤثرات ممتازة لخاصية Timelapse
• خاصية تتبع العناصر ActiveTrack اتحسنت بشكل كبير
• إمكانية اختيار أوضاع التصوير بسهولة من خلال مقبض المثبت
• الجهاز بيشتغل أوتوماتيك على هواتف ايفون
• عمر البطارية ممتاز

عيوب Dji OSMO Mobile 6

• مش أرخص نوع مثبت للموبايلات ممكن تلاقيه في السوق
• الكليبس اللي بيقفل على الموبايل بيمنع الشحن اللاسلكي
• بعض الخصائص والوظائف مش بتشتغل على الاندرويد
• أوضاع Stories وShotGuides محتاجة شوية تحسينات

اتعرف على عروض أسعار مثبت الموبايل Dji Osmo Mobile 6 من هنا.

اتعرف على عروض أسعار مختلف منتجات DJI من هنا.

اتعرف على عروض أسعار كل ما يخص الكاميرات والتصوير من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.