كتب: خالد عاصم

النهاردة هنتكلم عن وحد من أفل أجهزة لابتوبات الألعاب في فئته السعرية، لابتوب Dell G15 5515 اللي بيعتمد على معالج Ryzen وواحد من أقوى كروت الفيجا المتوفرة في أجهزة الألعاب.

وما تنسوش إن لو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب ألعاب Dell G15 5515

المواصفات

• الشاشة: شاشة WVA ليد بإضاءة خلفية بقطر ١٥٫٦ بوصة بمعدل ١٦:٩ بدقة ١٩٢٠ × ١٠٨٠ بيكسل بمعدل تحديث ١٢٠ هيرتز مضادة للانعكاس والتوهج بأقصى معدل سطوع ٢٥٠ شمعة بتغطي نطق ألوان NTSC بنسبة ٤٥ في الميه وبنسبة ٦٠ في الميه لنطاق ألوان sRGB
• المعالج المركزي: معالج AMD Ryzen 5 5600H سداسي النواة مكون من ١٢ خيط بتردد ٣٫٣ جيجا هيرتز بتوصل لحد ٤٫٢ جيجا هيرتز
• الرامات: ٨ جيجابايت رام فئة DDR4 بتردد ٣٢٠٠ ميجا هيرتز
• كارت الفيجا: كارت Nvidia GeForce RTX 3060 سعة ٤ جيجابايت رام فئة DDR4
• الذاكرة الداخلية: سعة ٢٥٦ جيجابايت فئة SSD
• لوحة المفاتيح: لوحة QWERTY إنجليزي بإضاءة خلفية
• البطارية: ثلاثية الخلية سعة ٥٦ وات في الساعة
• الصوتيات: سماعات ستريو – ميكروفونات ثنائية التوجه
• المنافذ: منفذ ٣٫٥ مم – ٤ منافذ USB مختلفة – منفذ HDMI – منفذ إيثرنت
• نظام التشغيل: ويندوز ١١

مراجعة لابتوب Dell G15 5515

أول حاجة نقدر نقولها عن لابتوب ألعاب Dell G15 5515 هي إنك لما تقدر تشتري لابتوب بالسعر ده وفيه كارت جرافيكس RTX 3060 فدي لوحدها ميزة استثنائية حتى لو كانت بقية مواصفات اللابتوب أقل من كتير من الأجهزة التانية الأقوى واللي طبعًا سعرها أعلى، فالكارت ده تحديدًا واحد من أفضل كروت الجرافيكس في المطلق وغالبًا هيكون من الصعب جدًا إنه تشوفه في أي جهاز تاني بسعر أقل من 20 ألف جنيه، والكرت بسعة ٤ جيجابايت، وهيدعمك في إنك تشغل مجموعة كبيرة جدًا من الألعاب كتير منها بأفضل إعدادات ممكنة وبعضها بإعدادات جيدة على أقل تقدير.

طالما بدأنا بالكلام عن الأداء المتعلق بالألعاب فخلينا نكمل برضه داخل اللابتوب ونستمر في الكلام عن الأداء، وأساس الأداء بشكل عام هو البروسيسور، واللابتوب بيعتمد على معالج AMD Ryzen 5 5600H وده معالج سداسي النواة باتنشار خيط يعني أداء ممتاز خصوصًا على مستوى المهام المتعددة وتشغيل عمليات كتير معقدة في نفس الوقت، وده معناه إن الجهاز مش بس فعال في الألعاب، لا كمان هيبقى فعال جدًا في البث الحي مع الألعاب وفعال جدًا كمان في كتير من التطبيقات المختلفة ومنها تطبيقات الجرافيكس خصوصًا إن تردد المعالج ٣٫٣ جيجا هيرتز وبيوصل لحد ٤٫٢ جيجا هيرتز ودي أرقام مميزة جدًا.

ولكن على الرغم من التميز ده إلا إن فيه عيبين أو وجعين نقص في الجهاز، الأول وهو إن الجهاز بييجي بتمانية جيجابايت رام بس، وده معناه إنك هتحتاج ترفعها وده شيء متاح للمستخدم ويقدر يعلي الرامات في الجهاز لحد ٣٢ جيجابايت عشان يبقى عندك جهاز خارق فعليًا، بس ده برضه معناه فلوس زيادة على سعر الجهاز، ده ينطبق كمان على الذاكرة الداخلية لأن الجهاز بيكتفي بهارد SSD سعة ٢٥٦ جيجابايت بس، ودي كمان تقدر تزودها زي مانت عايز خصوصًا إن الجهاز داخليًا فيه منفذين لتركيب هاردات SSD واحد فيه الهارد المتوفر بالفعل والتاني لأي هارد إضافي يعني تقدر تتحكم في المستقبل في السعة الداخلية زي مانت عايز.

نطلع بقى بره الجهاز ونشوف الجهاز من بره وأول حاجة هنتكلم عنها في الشاشة، والجهاز مش من أجهزة الألعاب اللي بتيجي بشاشات ضخمة وبيكتفي بشاشة عادية بقطر ١٥٫٦ بوصة بمعدل ١٦:٩ بتتميز بحواف نحيفة جدًا، والشاشة بتيجي بجودة Full HD بدقة ١٩٢٠ × ١٠٨٠ بيكسل وبتدعم معدل تحديث ١٢٠ هيرتز وبتقدر توصل لمعدل سطوع ٢٥٠ شمعة بحد أقصى وبتدعم نطق ألوان NTSC بنسبة ٤٥ في الميه ونطاق ألوان sRGB بنسبة ٦٠ في الميه.

الجهاز إجمالًا تصميمه رائع جدًا وأبعاده كويسه وبطاريته قوية، وبيتميز بصوتيات رائعة جدًا، وفيه مجموعة كبيرة من منافذ USB المتنوعة اللي بتوصل لحد أربع منافذ ده غير مجموعة تانية من المنافذ المختلفة.

اتعرف على عروض أسعار لابتوب Dell G155515 من هنا.

اتعرف على عروض أسعار مختلف أجهزة اللابتوب من Dell من هنا.

اتعرف على عروض أسعار مختلف أجهزة لابتوبات الألعاب على ياقوطة من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.